ഏട്ടന്റെ ആഗ്രഹത്തിന് അനിയന്‍ എതിര് നില്‍ക്കുമോ ? മമ്മൂട്ടിക്ക് വേണ്ടി റിലീസ് മാറ്റി വെച്ച് ദിലീപ്

മമ്മൂട്ടിക്ക് വേണ്ടി വിട്ടുവീഴ്ച ചെയ്ത് ദിലീപ്

റിലീസിങ്ങിനു മുന്‍പ് തന്നെ വന്‍ഹൈപ്പ് നേടിയ ചിത്രമാണ് ദി ഗ്രേറ്റ് ഫാദര്‍. ബോക്‌സോഫീസില്‍ നൂറുകോടി പ്രവചിച്ച ചിത്രത്തിന് പരമാവധി തിയേറ്ററുകള്‍ ലഭിക്കണമെന്ന ആഗ്രത്തിലായിരുന്നു മമ്മൂട്ടി.

ഒരുമിച്ച് റിലീസ് ചെയ്താല്‍ ഇത് നടക്കില്ല

റിലീസിങ്ങ് ദിനത്തില്‍ പരമാവധി തിയേറ്ററെന്ന മമ്മൂട്ടിയുടെ മോഹത്തെക്കുറിച്ച് ഓഗസ്റ്റ് സിനിമാസിന്റെ സാരഥി കൂടിയായ ഷാജി നടേശനാണ് ദിലീപിനോട് സംസാരിച്ചത്. ഇത് കേട്ടതോടെയാണ് താരം തന്റെ റിലീസിങ്ങ് രണ്ടു ദിവസത്തേക്ക് നീട്ടിയത്.

ഇക്കയുടെ മനസ്സറിഞ്ഞ് പ്രവര്‍ത്തിച്ചു

മമ്മൂട്ടിയെ സ്വന്തം സഹോദരനെപ്പോലെ സ്‌നേഹിക്കുന്നയാളാണ് ദിലീപ്. ഏട്ടനു വേണ്ടി വിട്ടു കൊടുക്കുന്ന അനിയന്‍ സന്തോഷത്തോടെയാണ് ഇത്തരമൊരു തീരുമാനമെടുത്തത്.

വിവാഹത്തില്‍ പിന്തുണച്ചു

ദിലീപും കാവ്യാ മാധവനും തമ്മിലുള്ള വിവാഹത്തിന് പൂര്‍ണ്ണ പിന്തുണ നല്‍കി മെഗാസ്റ്റാര്‍ കൂടെയുണ്ടായിരുന്നു. വിവാഹ ശേഷം ഇരുവര്‍ക്കും ആദ്യ വിരുന്ന് നല്‍കിയതും ഇക്കയാണ്. പൊതുവെ സഹോദര സ്‌നേഹം കാത്തു സൂക്ഷിക്കുന്നുണ്ട് ഇരുവരും .

സോഷ്യല്‍ മീഡിയ പ്രചരണം

മമ്മൂട്ടിയുടെ ആരാധകന്‍ ഫേസ് ബുക്കില്‍ പോസ്റ്റ് ചെയ്തിരിക്കുന്ന കുറിപ്പില്‍ ഇക്കാര്യം വളരെ വ്യക്തമായി പ്രതിപാദിക്കുന്നുണ്ട്. സംഭവം ഇപ്പോള്‍ സോഷ്യല്‍ മീഡിയയില്‍ വൈറലാണ്.

കേട്ടപ്പോഴേ സമ്മതിച്ചു

റിലീസിങ്ങ് ദിനത്തില്‍ പരമാവധി തിയേറ്റര്‍ നേടാനുള്ള മമ്മൂട്ടിയുടെ ആഗ്രഹത്തെക്കുറിച്ച് അറിഞ്ഞ ഉടന്‍ തന്നെ ദിലീപ് സമ്മതിക്കുകയായിരുന്നു. മാര്‍ച്ച് 31 തനിക്കും നല്ല ദിവസമല്ലെന്നും അതു കൊണ്ടു തന്നെ പൂരം അന്ന് റിലീസ് ചെയ്യില്ലെന്നും ഉറപ്പ് നല്‍കിയെന്നാണ് ഫേസ് ബുക്ക് പോസ്റ്റില്‍ പറയുന്നത്.