Don't Miss!
- News കോണ്ഗ്രസിന് കനത്ത തിരിച്ചടി: ഇന്കംടാക്സ് അന്വേഷണത്തിനെതിരായ ഹർജി ഡല്ഹി ഹൈക്കോടതി തള്ളി
- Technology വെറും 395 രൂപ മതി, മൂന്ന് മാസത്തേക്ക് അൺലിമിറ്റഡ് 5ജി ആസ്വദിക്കാം; ജിയോയുടെ പുതിയ പ്ലാൻ
- Sports IPL 2024: മുംബൈക്ക് പിഴക്കുന്നത് എവിടെ? ഈ പ്ലേയിങ് 11നെ ഇറക്കൂ; പുഷ്പം പോലെ ജയിക്കും
- Automobiles ബെൻസിൻ്റെ ഈ മോഡലിന് എന്താ പ്രത്യേകത... വില അറിയുന്നതിന് മുന്നേ ഇത്രയും ഡിമാൻഡോ
- Finance 10,000 രൂപ 1.32 ലക്ഷമാക്കിയ മൾട്ടിബാഗർ സ്റ്റോക്ക്, ഓഹരി വില 40-ൽ താഴെ, നിങ്ങൾ വാങ്ങുന്നോ...?
- Lifestyle ചാണക്യനീതി: വിഡ്ഢിയായ സുഹൃത്തിനേക്കാള് നല്ലത് മിടുക്കനായ ശത്രു; ഇത്തരക്കാര് ദോഷം ചെയ്യും
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
ആന്റിയെന്ന് വിളിച്ചു, സൂര്യയുടെ സിനിമാ സെറ്റിൽ ദേഷ്യപ്പെട്ട് നയൻതാര; താരറാണിയുടെ വിവാദങ്ങൾ
തെന്നിന്ത്യയിലെ താര റാണിയായ നയൻതാരക്ക് ഇന്ന് 38 വയസ്സ് പൂർത്തിയായിരിക്കുകയാണ്. നിരവധി സിനിമകളിൽ നായിക ആയി തിളങ്ങിയ നയൻതാര ഇന്ന് കരിയറിന്റെ ഏറ്റവും മികച്ച സമയത്താണ് നിൽക്കുന്നതെന്നാണ് ആരാധകർ പറയുന്നത്. തെന്നിന്ത്യൻ സിനിമകളിൽ പ്രതിഫലത്തിന്റെ കാര്യത്തിൽ മുന്നിൽ നിൽക്കുന്ന നായിക നടിയാണ് നയൻതാര.
രണ്ട് പതിറ്റാണ്ടിനോടുത്ത കരിയറിൽ നായിക നിരയിൽ വൻ താരമൂല്യത്തോടെ തിളങ്ങുന്ന നടിയും നയൻതാരയാണ്. അഞ്ച് കോടി രൂപ മുതൽ പത്ത് കോടി വരെയാണ് നയൻതാരയുടെ പ്രതിഫലം. ലേഡി സൂപ്പർ സ്റ്റാർ എന്ന ലേബലിൽ അറിയപ്പെടുന്ന നയൻസ് ഇന്ന് സ്ത്രീ കേന്ദ്രീകൃത സിനിമകൾക്ക് ബോക്സ് ഓഫീസ് വിജയം നൽകാൻ കഴിയുന്ന താരവുമാണ്.
2003 ൽ മനസ്സിനക്കരെ എന്ന സിനിമയിലൂടെ ആണ് നയൻതാര അഭിനയ രംഗത്തേക്ക് കടക്കുന്നത്. മലയാളത്തിൽ കുറച്ച് സിനിമകൾ ചെയ്ത് പിന്നീട് തമിഴ്, തെലുങ്ക് ഭാഷകളിലേക്ക് കടന്ന നയൻതാര വളരെ പെട്ടെന്ന് പ്രശസ്തി ആർജിച്ചു. സൂപ്പർ സ്റ്റാർ സിനിമകളിൽ നായിക ആയി തിളങ്ങിയ നയൻതാര പിന്നീട് 2013 ഓടെ പ്രധാന കഥാപാത്രമായെത്തുന്ന സിനിമകൾ ചെയ്യാൻ തുടങ്ങി.
കരിയറിൽ വിജയങ്ങൾക്കൊപ്പം എപ്പോഴും വിവാദങ്ങളും നയൻതാരയെ തേടി വന്നിരുന്നു. ചിമ്പുവിനൊപ്പം പുറത്തു വന്ന ഇന്റിമേറ്റ് ചിത്രം മുതൽ വാടക ഗർഭധാരണത്തിലൂടെ ഇരട്ടക്കുട്ടികളെ സ്വീകരിച്ചതിന് പിന്നാലെയുണ്ടായ പ്രശ്നങ്ങൾ വരെ എത്തി നിൽക്കുന്നു നയൻതാരയുടെ വിവാദങ്ങൾ. നയൻതാരയുടെ ജീവിതത്തിൽ വന്ന ചില വിവാദങ്ങളെന്താണെന്ന് നോക്കാം.
വിവാഹ ശേഷം ചെരിപ്പ് ധരിച്ച് കൊണ്ട് ക്ഷേത്രത്തിൽ കയറിയതാണ് അടുത്തിടെ നടിയുമായി ബന്ധപ്പെട്ട് വന്ന പ്രശ്നം. തിരുമല ക്ഷേത്രത്തിലാണ് നയൻതാരയും വിഘ്നേശും പ്രാർത്ഥിക്കാനെത്തിയത്. ക്ഷേത്രാങ്കണത്തിൽ വെച്ച് ഫോട്ടോയും എടുത്തെന്ന ആരോപണം വന്നു. ഒടുവിൽ വിഷയത്തിൽ നയൻതാരയും വിഘ്നേശും ഖേദം പ്രകടിപ്പിക്കുകയായിരുന്നത്രെ.
തമിഴ് നടൻ രാധരവി നയൻതാരയ്ക്കെതിരെ മോശം പദപ്രയോഗം നടത്തിയത് നേരത്തെ വിവാദമായിരുന്നു. പിന്നീട് തിരുനാൾ എന്ന സിനിമയുമായി ബന്ധപ്പെട്ടും വിമർശനം വന്നു. സിനിമയിലെ ഒരു രംഗത്തിൽ കൊച്ചു കുട്ടി നയൻതാരയുടെ ചുണ്ടിൽ ചുംബിക്കുന്ന രംഗം ഉണ്ടായിരുന്നു. ഈ സീൻ അന്ന് വലിയ തോതിൽ വിമർശിക്കപ്പെട്ടു.
മാസ് എങ്കിര മസിലാ മണി എന്ന സിനിമയുടെ സെറ്റിൽ വെച്ച് പ്രേംജി അമരൻ എന്ന നടൻ നയൻതാരയെ ആന്റി എന്ന് വിളിച്ചിരുന്നത്രെ. ഇതിൽ അന്ന് നയൻതാര പ്രകോപിത ആയെന്നായിരുന്നു എന്നാണ് റിപ്പോർട്ടുകൾ. സൂര്യ നായകനായ ചിത്രത്തിൽ നയൻതാര ആയിരുന്നു നായിക. നടനും നിർമാതാവും ആയ ഉദയനിധി സ്റ്റാലിനുമായി നയൻതാര പ്രണയത്തിലാണെന്നും ഇരുവരും വിവാഹം കഴിക്കാൻ പോവുകയാണെന്നും ഒരു ഘട്ടത്തിൽ ഗോസിപ്പ് പരന്നിരുന്നു.
എന്നാൽ ഇത് തെറ്റായ വാർത്ത ആണെന്ന് പിന്നീട് വ്യക്തമായി. ആര്യയും നയൻതാരയും വിവാഹം കഴിക്കാൻ പോവുകയാണെന്ന ഗോസിപ്പും പിന്നീട് പരന്നിരുന്നു. ഇരുവരും ഒരുമിച്ചുള്ള വിവാഹ ക്ഷണക്കത്തിന്റെ ഫോട്ടോ ആയിരുന്നു ഇതിന് കാരണമായത്. എന്നാൽ ഇവരുടെ സിനിമയുടെ പ്രാെമോഷനുമായി ബന്ധപ്പെട്ട് പുറത്തിറക്കിയ കത്തായിരുന്നു ഇത്.
ചിമ്പു പ്രഭുദേവ എന്നിവരുമായുള്ള പ്രണയമായിരുന്നു നയൻതാരയുടെ കരിയറിൽ വലിയ വിവാദം ആയത്. പ്രണയത്തിലിരിക്കെ ചിമ്പുവും നയൻസും തമ്മിലുള്ള ചുംബനത്തിന്റെ ഫോട്ടോ പുറത്ത് വന്നു. ഇത് വലിയ കോളിളക്കം അന്ന് സൃഷ്ടിച്ചു. കുറച്ച് നാളുകൾക്കുള്ളിൽ ഇരുവരും വേർപിരിയുകയും ചെയ്തു. പ്രഭുദേവയുമായി നയൻസ് പ്രണയത്തിലാവുമ്പോൾ പ്രഭുദേവ വിവാഹിതനും അച്ഛനും ആയിരുന്നു.
പ്രഭുദേവയുടെ മുൻഭാര്യ നടനെതിരെ രംഗത്ത് വരുന്ന സാഹചര്യവും ഉണ്ടായി. 2011 ഓടെ ഇരുവരും വേർപിരിഞ്ഞു. പ്രഭുദേവയുമായുള്ള വിവാഹ ശേഷം സിനിമാ അഭിനയം ഉപേക്ഷിക്കനായിരുന്നു നയൻതാരയുടെ തീരുമാനം. എന്നാൽ നടിയെ ജീവിതം പിന്നീട് കീഴ്മേൽ മറിഞ്ഞു. 9 മാസം ഇടവേള എടുത്ത നടി പിന്നീട് അഭിനയ രംഗത്തേക്ക് തിരിച്ചു വരികയായിരുന്നു.
-
മിമിക്രി കഴിഞ്ഞാല് വാഴക്കുലയാണോ കിട്ടുന്നത്?; സിദ്ദീഖിനെയും ലാലിനെയും പൊലീസ് പിടിച്ചു; അന്സാര്
-
'ഫിനാഷ്യൽ ടൈറ്റ് വന്നപ്പോൾ വെഡ്ഡിങ് ഡേറ്റ് നീട്ടി, അത് നന്നായെന്ന് തോന്നുന്നു, അല്ലാതെ ഒന്നും ചെയ്തിട്ടില്ല'
-
ഇനിയൊരു കുട്ടി വേണ്ടെന്ന് തോന്നി, രണ്ടാമത്തെ കുഞ്ഞെന്ന തീരുമാനത്തിന് എട്ട് വർഷമെടുത്തതിന് കാരണം; അശ്വതി