മോഹന്‍ലാലിനെ കൊല്ലാനെത്തുന്ന ചാരനായി സൂര്യ? കാപ്പാന്റെ കഥയും സസ്‌പെന്‍സും ചോര്‍ന്നു?

എസ്പിജി ഗ്രൂപ്പിലെ ചാരന്റെ കഥയാണ് കാപ്പാന്‍ പറയുന്നതെന്ന് വ്യക്തമാക്കി എത്തിയിരിക്കുകയാണ് കെവി ആനന്ദ്. അടുത്തിടെ നല്‍കിയ അഭിമുഖത്തിലാണ് അദ്ദേഹം ഇക്കാര്യത്തെക്കുറിച്ച് വ്യക്തമാക്കിയത്. എസ്പിജിയുമായി ബന്ധപ്പെട്ട സിനിമ ചെയ്യാനുണ്ടായ കാരണത്തെക്കുറിച്ചും അദ്ദേഹം തുറന്നുപറഞ്ഞിരുന്നു. ഈ ഗ്രൂപ്പിലേക്ക് ഒരു ചാരനെത്തിയതിന് ശേഷമുള്ള കാര്യത്തെക്കുറിച്ചും സിനിമയില്‍ പറയുന്നുണ്ട്. പ്രധാനമന്ത്രിയെ വധിക്കുകയെന്ന ലക്ഷ്യവുമായെത്തുന്ന ചാരന്‍ സൂര്യയാണോയെന്ന തരത്തിലുള്ള സംശയങ്ങളാണ് ആരാധകര്‍ ഉന്നയിച്ചിട്ടുള്ളത്.

ചന്ദ്രകാന്ത് വര്‍മ്മയെന്നാണ് മോഹന്‍ലാലിന്‍രെ കഥാപാത്രത്തിന്‍റെ പേര്. പ്രധാനമന്ത്രിയായാണ് അദ്ദേഹം എത്തുന്നത്. ഇതാദ്യമായാണ് മോഹന്‍ലാല്‍ ഇത്തരത്തിലൊരു കഥാപാത്രത്തെ അവതരിപ്പിക്കുന്നത്. വേറിട്ട മോക്കവറുമായെത്തിയ താരത്തിന്‍റെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായി മാറിയിരുന്നു. ഇതുവരെയുള്ള അഭിനയ ജീവിതത്തില്‍ പലതരം കഥാപാത്രങ്ങളെ അവതരിപ്പിച്ചിട്ടുണ്ടെങ്കിലും അവയില്‍ നിന്നെല്ലാം തികച്ചും വ്യത്യസ്തമാണ് കാപ്പാനിലെ കഥാപാത്രം.

മിലിട്ടറി ഉദ്യോഗസ്ഥനായെത്തി നേരത്തെയും സൂര്യ കഴിവുതെളിയിച്ചിട്ടുണ്ട്. എസ്പിജിയിലെ ഉദ്യോഗസ്ഥനായാണ് അദ്ദേഹം എത്തുന്നത്. പ്രധാനമന്ത്രിയുടെ സുരക്ഷ ഉറപ്പാക്കുന്ന ഉദ്യോഗസ്ഥ വിഭാഗത്തിലെ ചാരനായാണോ അദ്ദേഹം എത്തുന്നതെന്ന തരത്തിലുള്ള ചോദ്യങ്ങളാണ് അടുത്തിടെയായി ഉയര്‍ന്നുവന്നിട്ടുള്ളത്. ആരാധകര്‍ കാണാനാഗ്രഹിക്കുന്ന തരത്തിലുള്ള വരവ് തന്നെയാണെന്ന് പറഞ്ഞിരുന്നുവെങ്കിലും കഥാപാത്രത്തെക്കുറിച്ചുള്ള കൂടുതല്‍ വിവരമൊന്നും താരം പങ്കുവെച്ചിരുന്നില്ല. ചിത്രത്തില്‍ അഭിനയിക്കുന്നതിന് മുന്‍പായി എസ്പിജിയിലെ ഉദ്യോഗസ്ഥരുമായി താരം കൂടിക്കാഴ്ച നടത്തിയിരുന്നു.

മദ്യവും മയക്കുമരുന്നുമില്ല! അന്ന് രാത്രി നടന്നതിനെക്കുറിച്ച് വെളിപ്പെടുത്തലുമായി കരണ്‍ ജോഹര്‍!

സൂര്യയുടെ നായികയായെത്തുന്നത് സയേഷയാണ്. വനമഗനിലൂടെ തമിഴില്‍ തുടക്കം കുറിച്ച താരത്തിന് മികച്ച പിന്തുണയും സ്വീകാര്യതയുമാണ് ലഭിച്ചുകൊണ്ടിരിക്കുന്നത്. ഈ സിനിമയില്‍ അഭിനയിക്കുന്നതിനിടയിലായിരുന്നു ആര്യയുമായുള്ള വിവാഹം തീരുമാനിച്ചത്. സയ്യേഷ നായികയായി എത്തുന്പോള്‍ വില്ലനായാണ് ആര്യയുടെ വരവ്. വിവാഹ ശേഷം ഇരുവരും ഒരുമിച്ചെത്തുന്ന ആദ്യ സിനിമയെന്ന പ്രത്യേകതയും കാപ്പാനിലുണ്ട്. ഇത് കൂടാതെ മറ്റൊരു സിനിമയില്‍ നായികനായകന്‍മാരായും ഇവരെത്തുന്നുണ്ട്. ആര്യ മുന്നിലുള്ളപ്പോള്‍ സയേഷയുമായി റൊമാന്‍റിക് രംഗങ്ങളില്‍ അഭിനയിക്കാന്‍ ബുദ്ധിമുട്ടിപ്പോയെന്നായിരുന്നു നേരത്തെ സൂര്യ പറഞ്ഞത്.

പൃഥ്വിരാജ് ഫാന്‍സിന് സന്തോഷിക്കാനുള്ള കാര്യങ്ങളുണ്ട്! ബ്രദേഴ്‌സ് ഡേയെക്കുറിച്ച് പ്രസന്ന പറഞ്ഞത്?

സിനിമാലോകവും പ്രേക്ഷകരും ഒരുപോലെ കാത്തിരിക്കുകയാണ് ഈ ചിത്രത്തിനായി. പ്രഖ്യാപനവേള മുതല്‍ത്തന്നെ സിനിമ വാര്‍ത്തകളില്‍ ഇടം പിടിച്ചിരുന്നു. ചിത്രീകരണം പൂര്‍ത്തിയാവുന്നതിനിടയിലായിരുന്നു സിനിമയുടെ പേര് തീരുമാനിച്ചത്. ആരാധകരുടെ അഭിപ്രായം കൂടി പരിഗണിച്ചായിരുന്നു സിനിമയുടെ പേര് തീരുമാനിച്ചത്. കെവി ആനന്ദും സൂര്യയും ഒപ്പം മോഹന്‍ലാലും കൂടി ചേരുന്പോള്‍ അത് ബ്രഹ്മാണ്ഡമായിരിക്കുമെന്നുറപ്പാണെന്നാണ് ആരാധകര്‍ പറയുന്നത്. കേരളക്കരയും തമിഴകവും ഒരുപോലെ കാത്തിരിക്കുന്ന സിനിമയെന്ന നേട്ടവും കാപ്പാനുണ്ട്.

നവ്യ നായര്‍ ഇതെന്തിനുള്ള പുറപ്പാടിലാണാവോ? ശരിക്കും കിളി പോയെന്ന് താരം! വീഡിയോ വൈറലാവുന്നു!

പ്രഭാസിന്‍റെ പുതിയ ചിത്രമായ സാഹോ ആഗസ്റ്റ് 30ന് തിയേറ്ററുകളിലേക്ക് എത്തുകയാണ്. ബാഹുബലിക്ക് ശേഷമുള്ള പ്രഭാസ് ചിത്രമാണ് സാഹോ. കോടികള്‍ മുടക്കിയൊരുക്കിയ സിനിമ അടുത്ത വിസ്മയമാവുമെന്ന പ്രവചനങ്ങളും പുറത്തുവന്നിട്ടുണ്ട്. സാഹോയുടെ റിലീസുള്ളതിനാലാണ് കാപ്പാന്‍ എത്തുന്നത് മാറ്റിയത്. സിനിമയ്ക്കായി അധികം കാത്തിരിക്കാനാവില്ലെന്ന് വ്യക്തമാക്കി ആരാധകര്‍ എത്തിയിട്ടുണ്ട്.