പ്രണയം വെളിപ്പെടുത്താൻ തയ്യാറായി പ്രേക്ഷകരുടെ പ്രിയ താരങ്ങൾ!! വീണ്ടും ഒരു താര വിവാഹം കൂടി...

വിക്കി കൗശൽ- കത്രീന കൈഫ് പ്രണയ കഥയാണ് ബോളിവുഡ്-ഗോസിപ്പ് കോളങ്ങളിലെ ചർച്ച വിഷയം. താരങ്ങൾ പ്രണയത്തിലാണെന്നും ഉടൻ വിവാഹിതരാകുമെന്നുള്ള വാർത്തകൾ പ്രചരിക്കുന്നുണ്ട്. താരങ്ങളുടെ ഡിന്നർ ഡേറ്റ് ചിത്രങ്ങൾ പ്രചരിക്കുന്നുണ്ട്. ഇതിന്റെ പശ്ചാത്തലത്തിലാണ് ഡേറ്റിങ്ങ് കഥകളും പ്രണയകഥകളു പ്രചരിക്കുന്നത്. ഇതിനു മുൻപും കത്രീന കൈഫ് വിക്കി കൗശൽ പ്രണയത്തെ കുറിച്ചുള്ള കഥകൾ പ്രചരിച്ചിരുന്നു.

താരങ്ങ ൾ വിവാഹിതരാകാൻ പോകുന്നു എന്നുള്ള വാർത്തകളും പ്രചരിക്കുന്നുണ്ട്. ഈ വർഷം തന്നെ പ്രണയ ബന്ധം ഔദ്യോഗികമായി വെളിപ്പെടുത്തുമത്രേ. കൂടാതെ ഇത്തവണ ഒരുമിച്ചാണ് താരങ്ങൾ പുതുവർഷം ആഘോഷിക്കുന്നത്. അമേരിക്കൽ വെച്ചാകും താരങ്ങൾ പുതുവർഷം ആഘോഷിക്കുക എന്നുളള വാർത്തകളും പുറത്തു വരുന്നുണ്ട്. എന്നാൽ‌ ഇതിനെ കുറിച്ച് താരങ്ങൾ ഇതുവരെ പ്രതികരിച്ചിട്ടില്ല.

ബോളിവുഡും ആരാധകരും സാക്ഷിയാക്കി ഒരു അവാർഡ് ദാന ചടങ്ങിൽ വിക്കി കത്രീനയെ പ്രൊപ്പോസ് ചെയ്തിരുന്നു. മുൻ കാമുകൻ സൽമാന്റെ സന്നിധ്യത്തിലായിരുന്നു . എന്നെപ്പോലെ സുമുഖനായൊരു ചെറുപ്പക്കാരനെ കണ്ടെത്തി നിങ്ങൾ എന്ത് കൊണ്ട് വിവാഹം ചെയ്തു കൂട? ഇപ്പോൾ വിവാഹങ്ങളുടെ കാലമാണല്ലോ . നിങ്ങളും വിവാഹം ചെയ്യണമെന്നാണ് എന്റെ ആഗ്രഹം. അതിനാലാണ് ഞാനിത് ചോദിക്കുന്നത് എന്ന് പറഞ്ഞു കൊണ്ടായിരുന്നു വിക്കിയുടെ പ്രൊപ്പോസൽ. മുജേ ശാദി കരോഗി എന്ന ഗാനം ഫ്ലേ ചെയ്തു കൊണ്ടാണ് എന്നെ വിവാഹം കഴിക്കുമോ എന്ന് വിക്കി ചോദിച്ചത്.ഇതോടു കൂടിയ വിക്കി- കത്രീന പ്രണയം ഗോസിപ്പ് കോളങ്ങളിൽ ഇടംപിടിക്കാൻ തുടങ്ങിയത്.

വിക്കിയ്ക്കൊപ്പം അഭിനയിക്കാനുള്ള താൽപര്യം കത്രീന പ്രകടിപ്പിച്ചിരുന്നു. ഒരിക്കൽ കോഫി വിത്ത് കരൺ ഷോയിൽ വിക്കി അതിഥിയായി എത്തിയപ്പോഴാണ് അവതാരകൻ കരൺ ജോഹർ ഇക്കാര്യം വെളിപ്പെടുത്തിയത്. വിക്കിയോടൊപ്പം അഭിനയിക്കാൻ ഇഷ്ടമാണെന്നും , തങ്ങൾ ബോളിവുഡിലെ മികച്ച ജോഡിയായിരിക്കുമെന്നും കത്രീന പറഞ്ഞിവെന്ന് കരൺ വെളിപ്പെടുത്തിയിരുന്നു. ഇത് കേട്ട് വിക്കി ബോധരഹിതനാകുന്നതു പോലെ അഭിനയിക്കുകയും ചെയ്തു.