എങ്ങോട്ട് തിരിഞ്ഞാലും കിവംദന്തി! ദിലീപിനേയും കാവ്യ മാധവനേയും വിടാതെ പാപ്പരാസികള്‍! കാണൂ!

സോഷ്യല്‍ മീഡിയയിലെ പ്രചാരണം

ദിലീപും കാവ്യ മാധവനും പുതിയ സിനിമ കാണാന്‍ പോയെന്ന തരത്തിലുള്ള റിപ്പോര്‍ട്ടുകളായിരുന്നു സോഷ്യല്‍ മീഡിയയിലൂടെ പ്രചരിച്ചത്. സിനിമയുമായി ബന്ധപ്പെട്ട് പ്രവര്‍ത്തിക്കുന്നവരായതിനാല്‍ ഇരുവരും സിനിമ കാണാന്‍ പോയാല്‍ അതിലെന്താണ് പ്രശ്നമെന്നാണ് സോഷ്യല്‍ മീഡിയയുടെ ചോദ്യം. ഒരു സിനിമ കാണണമോ വേണ്ടയോ എന്ന കാര്യത്തെക്കുറിച്ച് ചിന്തിക്കുന്നത് അതാത് വ്യക്തികളാണ്. സിനിമയുമായി ബന്ധപ്പെട്ട് പ്രവര്‍ത്തിക്കുന്നവര്‍ എല്ലാ ചിത്രങ്ങളും കാണണമെന്നൊന്നുമില്ലല്ലോയെന്നും സോഷ്യല്‍ മീഡിയ ചോദിക്കുന്നുണ്ട്.

താരങ്ങളാണ്

മലയാളത്തിന്‍റെ പ്രിയപ്പെട്ട താരങ്ങളാണ് ദിലീപും കാവ്യ മാധവനും. ബാലതാരമായെത്തിയ കാവ്യ മാധവന്‍ ആദ്യമായി നായികയായി അഭിനയിച്ചത് ദിലീപിനൊപ്പമായിരുന്നു. ലാല്‍ ജോസ് സംവിധാനം ചെയ്ത ചന്ദ്രനുദിക്കുന്ന ദിക്കില്‍ എന്ന ചിത്രത്തിലൂടെയായിരുന്നു അത്. പിന്നീട് പുറത്തിറങ്ങിയ സിനിമകള്‍ക്കെല്ലാം മികച്ച സ്വീകാര്യതയാണ് ലഭിച്ചത്.

ചിത്രങ്ങള്‍ വൈറലാവാറുണ്ട്

ദിലീപും കാവ്യയും പ്രേക്ഷകര്‍ക്ക് ഏറെ പ്രിയപ്പെട്ട താരങ്ങളാണ്. സിനിമയ്ക്ക് പുറമെ ജീവിതത്തിലും ഇരുവരും ഒരുമിച്ചെത്തിയപ്പോള്‍ ഏറെ സന്തോഷിച്ചതും ആരാധകരായിരുന്നു. ഇവരുടെ വിശേഷത്തെക്കുറിച്ചറിയാന്‍ പ്രേക്ഷകര്‍ക്ക് എന്നും താല്‍പര്യമാണ്. ക്ഷണനേരം കൊണ്ടാണ് ഇവരുടെ ചിത്രങ്ങള്‍ വൈറലായി മാറുന്നത്. അടുത്തിടെ ദേ പൂട്ടിലെ ചിത്രങ്ങള്‍ വൈറലായിരുന്നു.

കുപ്രചാരണങ്ങളും ശക്തം

കുട്ടികളുടെയും കുടുംബ പ്രേക്ഷകരുടെയും സ്വന്തം താരമായ ദിലീപിന് മികച്ച പിന്തുണയാണ് പ്രേക്ഷകര്‍ നല്‍കുന്നത്. സിനിമാജീവിതത്തിലായാലും വ്യക്തി ജീവിതത്തിലായാലും ഇത്രയധികം കടുത്ത പ്രതിസന്ധികളിലൂടെ കടന്നുപോവേണ്ടി വന്നിട്ടുണ്ട് അദ്ദേഹത്തിന്. അന്നും ഇന്നും അദ്ദേഹത്തിന് കടുത്ത പിന്തുണ നല്‍കിയത് ആരാധകരും കുടുംബാംഗങ്ങളുമായിരുന്നു. ആരാധകരുടെ കൈയ്യടിയാണ് തന്നെ നയിക്കുന്നതെന്നും എന്നും ഇത് കേള്‍ക്കണമെന്നും പിന്തുണയ്ക്കണമെന്നുമായിരുന്നു ദിലീപ് പറഞ്ഞത്.

സിനിമയ്ക്കായി ഒരുമിച്ചെത്തുമോ?

ഓണ്‍സ്ക്രീനിലെ മികച്ച കെമിസ്ട്രി ജീവിതത്തിലും ആവര്‍ത്തിച്ച് മുന്നേറുകയാണ് ദിലീപും കാവ്യ മാധവനും. ഒരുകാലത്ത് സിനിമയില്‍ നിറഞ്ഞുനിന്നിരുന്ന ഇരുവരും വീണ്ടുമൊരു സിനിമയ്ക്കായി ഒരുമിച്ചെത്തുന്നതിനായി കാത്തിരിക്കുകയാണ് ആരാധകര്‍. ജോഷി ചിത്രത്തിലൂടെ അത് സംഭവിച്ചെക്കുമെന്ന തരത്തിലുള്ള ഗോസിപ്പുകള്‍ ഒരിടയ്ക്ക് പ്രചരിച്ചിരുന്നു.

നൃത്തത്തിലൂടെ തിരിച്ചെത്തുന്നു

സിനിമയില്‍ സജീവമല്ലെങ്കിലും സ്റ്റേജ് പരിപാടിക്കായി ചുവട് വെച്ചിരുന്നു കാവ്യ മാധവന്‍. അമേരിക്കയിലെ ഷോയില്‍ ദിലീപും കാവ്യയും ഒരുമിച്ച് നൃത്തം ചെയ്തിരുന്നു. പ്രമുഖ ചാനലിന്‍രെ അവാര്‍ഡ് പരിപാടിയില്‍ താരവും അണിനിരന്നുവെന്ന തരത്തിലുള്ള റിപ്പോര്‍ട്ടുകളും ചിത്രങ്ങളും ഒരിടയ്ക്ക് പ്രചരിച്ചിരുന്നു.