മോഹൻലാലിനൊപ്പം പ്രണവ് നാട്ടിലുണ്ട്, മകൾ വിസ്മയ വിദേശത്ത്? ചിത്രം പങ്കുവെച്ച് താരപുത്രി

മോഹൻലാലും കുടുംബവും ചെന്നൈയിലെ വലതിയിലാണുള്ളത്. ഭാര്യ സുചിത്രയും മകനും നടനുമായ പ്രണവും ഇവർക്കൊപ്പം തന്നെയുണ്ട്. കൊറോണ പ്രതിരോധ പ്രവർത്തനത്തിൽ സർക്കാരിനോടൊപ്പം താരവും കൂടെയുണ്ട്. കൊറോണ കാലത്ത് സ്വീകരിക്കേണ്ട മുൻകരുതലും ജാഗ്രത നിർദ്ദേശവും പങ്കുവെച്ച് ദിവസേനെ സോഷ്യൽ മീഡിയയിൽ താരം പ്രത്യക്ഷപ്പെടാറുണ്ട്. കൂടാതെ സഹപ്രവർത്തകരോടും സ്ഥരമായി സംവദിക്കാറുണ്ട്.

ഇപ്പോൾ സോഷ്യൽ മീഡിയ തിരയുന്നത് ലാലേട്ടന്റെ മകൾ വിസ്മയയെയാണ്. താരപുത്രി എവിടെയാണെന്നാണ് എല്ലാവർക്കും അറിയേണ്ടത്. താരപുത്രി വിദേശത്താണോ എന്നാണ് എല്ലാവരും ചോദിക്കുന്നത്.ഏപ്രിൽ അഞ്ചിന് രാജ്യമെമ്പാടും വിളക്ക് തെളിയിച്ചപ്പോൾ, തന്റെ വീട്ടിലെ ചിത്രവുമായി നടൻ മോഹൻലാൽ എത്തിയിരുന്നു. ഒപ്പം ഭാര്യ സുചിത്രയും മകൻ പ്രണവും ചിത്രത്തിലുണ്ടായിരുന്നു. എന്നാൽ ആ ചിത്രത്തിൽ മകൾ വിസ്മയ ഈ ഇല്ലായിരുന്നു.

താരപുത്രിയെ കുറിച്ചുള്ള അന്വേഷണം സോഷ്യൽമീഡിയയിൽ തകൃതിയായി നടക്കുമ്പോൾ സോഷ്യൽ മീഡിയയിൽ താൻ എവിടെയാണെന്നുള്ള ഉത്തരവുമായി താരപുത്രി രംഗത്തെത്തിയിരിക്കുകയാണ്. വിളക്ക് തെളിയിക്കലിന് കാണാത്തതിന്റെ കാരണം താരപുത്രി വിദേശത്ത് ആയതു കൊണ്ടാണ്. വിസ്മയ ഇൻസ്റ്റഗ്രാമിൽ പോസ്റ്റ് ചെയ്ത ചിത്രത്തിൽ നിന്നാണ് ഇത് വ്യക്തമായത്.വിസ്മയയുടെ ഇൻസ്റ്റാഗ്രാം ചിത്രങ്ങൾ അടങ്ങിയ പോസ്റ്റിന് താഴെ സുഹൃത്ത് ചോദിച്ച ചോദ്യത്തിനാണ് വിസ്മയ മറുപടി കൊടുത്ത്. 'ഇപ്പോഴും തായ്‌ലൻഡിലാണ്. ഇവിടെ സുഖമായിരിക്കുന്നു' എന്നാണ്.

മാർച്ച് 27 ന് ആയിരുന്നു വിസ്മയയുടെ പിറന്നാൾ. മകൾക്ക് ജന്മദിന ആശംസ നേർന്ന് മോഹൻലാൽ രംഗത്തെത്തിയിരുന്നു. ഇന്‍സ്റ്റാഗ്രാമിലൂടെയാണ് താരം ആശംസ അറിയിച്ചത്.പ്രിയപ്പെട്ട മായ, നിന്നെപ്പോലെ സുന്ദരവും അതുല്യവുമായിരിക്കട്ടെ ഈ ജന്മദിനവും.. എന്റെ മാലാഖയ്ക്ക്‌ ഹാപ്പി ബെർത്ത് ഡേ മോഹന്‍ലാല്‍ കുറിച്ചു..