Click it and Unblock the Notifications
മമ്മൂക്കയും ഹിറ്റ്മേക്കര് റാഫിയും വീണ്ടും? ഹാസ്യത്തിന് പ്രാധാന്യം നല്കിയുളള ചിത്രമൊരുങ്ങുന്നു
Recommended Video
മായാവി എന്ന ചിത്രത്തിലൂടെ മലയാളത്തില് ഒന്നിച്ച കൂട്ടുകെട്ടാണ് മമ്മൂട്ടിയും സംവിധായകന് റാഫിയും. ഷാഫി സംവിധാനം ചെയ്ത മമ്മൂട്ടി ചിത്രത്തിന് തിരക്കഥയൊരുക്കിയത് റാഫിയായിരുന്നു. ഹാസ്യത്തിന് പ്രാധാന്യം നല്കിയൊരുക്കിയ ചിത്രം തിയ്യേറ്ററുകളില് വിജയമായതോടെ ലവ് ഇന് സിംഗപ്പൂര് എന്നൊരു ചിത്രവും ഈ കൂട്ടുകെട്ടില് മലയാളത്തില് പുറത്തിറങ്ങിയിരുന്നു.
റാഫി മെക്കാര്ട്ടിന് ആയിരുന്നു അന്ന് ചിത്രം സംവിധാനം ചെയ്തിരുന്നത്. ലവ് ഇന് സംഗപ്പൂരിന് ശേഷം മമ്മൂക്കയെ നായകനാക്കിയുളള റാഫിയുടെ പുതിയ സിനിമയെക്കുറിച്ചുളള റിപ്പോര്ട്ടുകള് വന്നിരിക്കുകയാണ്. ഗാലക്സി ഫിലിംസിന്റെ ബാനറില് മിലന് ജലീല് ആയിരിക്കും ഈ സിനിമ നിര്മ്മിക്കുകയെന്നും റിപ്പോര്ട്ടുകളുണ്ട്. ഹാസ്യത്തിന് പ്രാധാന്യം നല്കിയുളള ഒരു ഫണ് എന്റര്ടെയ്നര് തന്നെയായിരിക്കും ഇത്തവണയും ഈ കൂട്ടുകെട്ടില് ഒരുങ്ങുകയെന്നും റിപ്പോര്ട്ടുകള് സൂചിപ്പിക്കുന്നു. സിനിമയുടെ ഔദ്യാഗിക പ്രഖ്യാപനം അടുത്തു തന്നെയുണ്ടാവുമെന്നാണ് അറിയുന്നത്.
അതേസമയം വൈശാഖ് സംവിധാനം ചെയ്യുന്ന മധുര രാജ,ഖാലിദ് റഹ്മാന്റെ ഉണ്ട എന്നീ സിനിമകളുടെ ചിത്രീകരണ തിരക്കുകളിലാണ് മമ്മൂക്കയുളളത്. തെലുങ്കിലെ വൈഎസ്ആര് ബയോപിക്കായ യാത്രയാണ് മെഗാസ്റ്റാറിന്റെതായി റിലീസിങ്ങിനൊരുങ്ങുന്ന എറ്റവും പുതിയ ചിത്രം. വിനോദ് വിജയന്റെ അമീര്, രമേഷ് പിഷാരടിയുടെ ഗാനഗന്ധര്വ്വന്,ബിലാല്,മാമാങ്കം തുടങ്ങിയ സിനിമകളും മമ്മൂക്കയുടെതായി അണിയറയില് ഒരുങ്ങുന്ന ചിത്രങ്ങളാണ്.
Continue with Google