Don't Miss!
- News വെറും 10000 രൂപ 1.32 ലക്ഷമായി..! ഈ ഓഹരി കുതിച്ചതിന് കൈയ്യും കണക്കുമില്ല, ഒന്ന് അറിഞ്ഞ് വീശിയാലോ?
- Technology അരലക്ഷം രൂപയുടെ ഡിസ്കൗണ്ട്; വിലക്കുറവിൽ ഐഫോൺ15 പ്രോ സ്വന്തമാക്കാൻ ഇതിലും മികച്ച അവസരമില്ലെന്ന് ഫ്ലിപ്പ്കാർട്ട്
- Automobiles വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Sports IPL 2024: വേണ്ടത് 3 സിക്സര്, ചരിത്ര നേട്ടത്തിലേക്ക് റസല്; കോലിയെ കാത്ത് വമ്പന് റെക്കോഡ്
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
മോഹന്ലാല് ശോഭനയെ കൊണ്ട് മാപ്പ് പറയിപ്പിച്ചു!
പവിത്രം എന്ന ചിത്രത്തിന്റെ ഷൂട്ടിങ് സമയത്തായിരുന്നു അത്. പിറവത്തായിരുന്നു പവിത്രത്തിന്റെ ഷൂട്ടിംഗ്, അവിടുത്തെ ഒരു വലിയ മനയില്. താമസം എറണാകുളത്തും. അതുകൊണ്ട് കടുത്തൊരു നിബന്ധന സംവിധായകന് ടികെ രാജീവ് കുമാര് വച്ചിരുന്നു. എല്ലാദിവസവും രാവിലെ നാല് മണിക്ക് വണ്ടി പുറപ്പെടും. അതില് വരാന് കഴിയാത്തവര്ക്ക് സ്വന്തം ചെലവില് വരേണ്ടിവരും.
ഷൂട്ടിംഗ് തീരുന്നതുവരെ മോഹന്ലാല് ആ നിബന്ധന തെറ്റിച്ചിട്ടില്ല. അദ്ദേഹം മൂന്നേമുക്കാലിന് വണ്ടിയില് ഇടംപിടിച്ചിട്ടുണ്ടാവും. ഈ സമയനിഷ്ഠ ഏറെ ബാധിച്ചത് സ്റ്റില് ഫോട്ടോഗ്രാഫര് എന് എല് ബാലകൃഷ്ണനെ പോലെയുള്ളവരെയായിരുന്നു. ആദ്യത്തെ ഒരാഴ്ച അദ്ദേഹം ബസ്സൊക്കെ പിടിച്ചാണ് ലൊക്കേഷനില് എത്തിയത്.
ഒരു ദിവസം രാവിലെ അഞ്ച് മണിക്ക് ഷൂട്ടിംഗ് പ്ലാന് ചെയ്തു. മോഹന്ലാലും ശോഭനയും ഒന്നിച്ചഭിനയിക്കുന്ന ഒരു രംഗമാണ് ഷൂട്ട് ചെയ്യേണ്ടത്. അന്നെന്തോ ശോഭനയ്ക്ക് പറഞ്ഞ സമയത്ത് ഹോട്ടലില്നിന്ന് ഇറങ്ങാന് കഴിഞ്ഞില്ല. ലാലിനും ശോഭനയ്ക്കുമായി ഒരു വണ്ടിയാണ് പ്രൊഡക്ഷന് ഏര്പ്പാട് ചെയ്തിരുന്നത്.
ശോഭന വരാന് വൈകുന്നതുകണ്ട് മോഹന്ലാല് ഏറെ ക്ഷുഭിതനായി. ഒടുവില് ശോഭനയെത്തി, ലാലും ശോഭനയും സെറ്റിലെത്തുമ്പോള് അഞ്ചേമുക്കാല് കഴിഞ്ഞിരുന്നു. ലാല് വന്ന പാടെ യൂണിറ്റിലുള്ള മുഴുവന് പേരോടും ക്ഷമാപണം നടത്തി. ശോഭനയെക്കൊണ്ടും ക്ഷമ പറയിപ്പിച്ചു. ആ സീന് പിന്നെ അടുത്ത ദിവസമാണ് ചിത്രീകരിച്ചത്.
കടപ്പാട്: നാന