പ്രേമത്തിനു ശേഷം വീണ്ടും അൽഫോൺസ് പുത്രൻ മലയാളത്തിൽ!! നായകൻ ലാലേട്ടൻ? പ്രഖ്യാപനം ന്യൂയർ ദിനത്തിൽ

നായകൻ മോഹൻലാൽ

അൽഫോൺസ് പുത്രന്റെ പുതിയ ചിത്രത്തിൽ ലാലേട്ടനാണ് നായികനായി എത്തുന്നത്രേ. എന്നാൽ ഇതു സംബന്ധമായി മോഹൻലാലുമായി ചേർന്ന വൃത്തങ്ങളോ അൽഫോൺസ് പുത്രനോ ഔദ്യോഗികമായി പ്രതികരിച്ചിട്ടില്ല. സോഷ്യൽ മീഡിയയിൽ കഴിഞ്ഞ കുറച്ചു ദിവസങ്ങളായി ഇതു സംബന്ധമായ വാർത്തകൾ പ്രചരിക്കുന്നുണ്ട്. ആരാധകർ ഏറെ ആകാംക്ഷയോടെയാണ് ചിത്രത്തിനായി കാത്തിരിക്കുന്നത്.

ന്യൂയറിന്

ചിത്രത്തിനെ കുറിച്ചുളള ഔദ്യോഗിതക പ്രഖ്യാപനം ഇതുവരെയുണ്ടായിട്ടില്ല. എന്നാൽ ന്യൂയറിനു ഇതു സംബന്ധമായ പ്രഖ്യാപനം ഉണ്ടാകുമെന്നാണ് പുറത്തുവരുന്ന റിപ്പോർട്ട്. എന്നാൽ ഇക്കാര്യത്തിനു വ്യക്തയില്ല. എന്നാൽ പ്രേക്ഷകരുടെ ആകാംക്ഷയ്ക്ക് ഫലമുണ്ടാകുമോ ഇല്ലയോ എന്ന് അറിയാൻ ജനുവരി 1 വരെ കാത്തിരിക്കണം. അതേസമയം കാളിദാസ് ജയറാമിനെ നായകനാക്കിയുള്ള ഒരു തമിഴ് പ്രൊജക്ടിന്റെ തിരക്കിലാണ് അൽഫോൻസ് പുത്രൻ. അതിനു ശേ‌ഷമായിരിക്കും ഈ മോഹൻലാൽ ചിത്രം

നിവിൻ പോളിയും

അതേസമയം മോഹൻലാൽ കേന്ദ്രകഥാപാത്രത്തെ അവതരിപ്പിക്കുന്ന അൽഫോസ് ചിത്രത്തിൽ നിവിൻ പോളിയും ചെറിയ വേഷത്തിൽ എത്തുന്നുണ്ടത്രേ. മലയാളത്തിൽ രണ്ട് ചിത്രങ്ങൾ മാത്രമാണ് അൽഫോൺസ് പുത്രൻ സംവിധാനം ചെയ്തിരിക്കുന്നത്. അതിൽ രണ്ടിലും നിവിൻ പോളിയാണ് കേന്ദ്രകഥാപാത്രങ്ങളെ അവതരിപ്പിച്ചിരിക്കുന്നത്. ഈ ചിത്രത്തിലും ചെറിയ വേഷത്തിൽ നിവിൻ തന്റെ സാന്നിധ്യം അറിയിക്കുന്നുണ്ട്. എന്തായാലും ചിത്രത്തിനു വേണ്ടിയുളള കട്ട കാത്തരിപ്പിലാണ് പ്രേക്ഷകർ.

2019 ലാലേട്ടന്റെ വർഷം

2019 ൽ ലാലേട്ടനു കൈ നിറയെ ചിത്രങ്ങളാണ്. ഇപ്പോൾ പ്രിയദർശൻ ചിത്രമായ മരക്കാര്‍ അറബിക്കടലിന്റെ സിംഹം എന്ന സിനിമയുടെ തിരക്കിലാണ്. നടൻ പൃഥ്വിരാജ് സംവിധാനം ചെയ്യുന്ന ലൂസിഫറും 2018 ൽ റിലീസിനെത്തുന്നുണ്ട്. ഈ ചിത്രത്തിൽ ലാലേട്ടന്റെ ഷെഡ്യൂൾഡ് പൂർത്തിയായിട്ടുണ്ട്. ഇതിനു ശേഷമാണ് പ്രിയദർശൻ ചിത്രത്തിലെത്തിയത്. കൂടാതെ ലാലേട്ടൻ- സൂര്യ എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന കെവി ആനന്ദ് ചിത്രവും 2019 ൽ പ്രദർശനത്തിനെത്തും.
സിദ്ദീഖിന്റെ ബിഗ് ബ്രദര്‍, ജിബി-ജോജു ടീമിന്റെ ഇട്ടിമാണി മെയ്ഡ് ഇന്‍ ചൈന എന്നിവയും 2019ൽ പുറത്തെത്തുന്ന ലാലേട്ടൻ ചിത്രമാണ്.