കാവ്യയോടൊപ്പം കുഞ്ഞതിഥിയെ കാത്തിരിക്കുന്ന ദിലീപിന് നാദിര്‍ഷയുടെ സര്‍പ്രൈസ്! ഇത് കിടുക്കി! കാണൂ!

പാതിവഴിയില്‍ ഉപേക്ഷിച്ചതായി റിപ്പോര്‍ട്ടുകള്‍

നാദിര്‍ഷയുടെ സംവിധാനത്തില്‍ പുറത്തിറങ്ങുന്ന കേശു ഈ വീടിന്റെ നാഥന്‍ എന്ന സിനിമയില്‍ നായകനായി ദിലീപ് എത്തുന്നുവെന്നായിരുന്നു റിപ്പോര്‍ട്ടുകള്‍. തൊണ്ടിമുതലും ദൃകസാക്ഷിയും എന്ന ചിത്രത്തിന് തിരക്കഥയൊരുക്കിയ സജീവ് പാഴൂരാണ് ചിത്രത്തിന് തിരക്കഥയൊരുക്കുന്നത്. നായികയായി ഉര്‍വശി എത്തിയേക്കുമെന്ന തരത്തില്‍ റിപ്പോര്‍ട്ടുകള്‍ പ്രചരിച്ചിരുന്നു. എന്നാല്‍ ദിലീപ് ഈ സിനിമയില്‍ അഭിനയിക്കുന്നില്ലെന്നും ചിത്രം പാതിവഴിയില്‍ ഉപേക്ഷിച്ചുവെന്നുമുള്ള റിപ്പോര്‍ട്ടുകളായിരുന്നു കഴിഞ്ഞ ദിവസം പ്രചരിച്ചത്.

രണ്ട് സിനിമകള്‍ ഒരുങ്ങുന്നു

കേശു ഈ വീടിന്റെ നാഥന്‍ ഉപേക്ഷിച്ചിട്ടില്ലെന്നും ചിത്രത്തിന്റെ വര്‍ക്കുകള്‍ നടക്കുന്നുണ്ടെന്നും സിനിമ ഉപേക്ഷിച്ചിട്ടില്ലെന്നുമാണ് ഇവരോട് അടുത്ത വൃത്തങ്ങള്‍ പറയുന്നത്. ഈ കൂട്ടുകെട്ടില്‍ രണ്ട് സിനിമകള്‍ ഒരുങ്ങുന്നുവെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. കുടുംബ പ്രേക്ഷകരെ ലക്ഷ്യമാക്കിയുള്ള സിനിമകളുമായാണ് ഇരുവരും എത്തുന്നതെന്നും റിപ്പോര്‍ട്ടുകളുണ്ട്. കേശു എത്താന്‍ വൈകുമെന്നും അതിന് മുന്‍പ് മറ്റൊരു സിനിമയൊരുക്കാനാണ് ഇവരുടെ പ്ലാനെന്നുമുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

കേശുവിന് മുന്‍പ് മറ്റൊരു ചിത്രം

കേശു ഈ വീടിന്റെ നാഥന് മുന്‍പ് മറ്റൊരു മാസ് ചിത്രവുമായി ദിലീപും നാദിര്‍ഷയും എത്തുമെന്നാണ് റിപ്പോര്‍ട്ടുകള്‍. ഹ്യൂമറിനും ആക്ഷനും പ്രാധാന്യമുള്ള സിനിമയുടെ തിരക്കഥ പൂര്‍ത്തിയായി വരികയാണെന്നും റിപ്പോര്‍ട്ടില്‍ പറയുന്നു. അടുത്ത വര്‍ഷം തന്നെ ഈ സിനിമ തുടങ്ങുമെന്നും അത് പൂര്‍ത്തിയാക്കിയതിന് ശേഷമാണ് കേശുവിലേക്ക് കടക്കുന്നതുമെന്നുമാണ് പുതിയ റിപ്പോര്‍ട്ടുകള്‍. ഉര്‍വശിയാണ് ചിത്രത്തില്‍ നായികയായി എത്തുന്നത്. ചിത്രത്തില്‍ 90 കാരനായും ദിലീപ് അഭിനയിക്കുന്നുണ്ടെന്നും റിപ്പോര്‍ട്ടുകളുണ്ട്.

ദിലീപ് തിരക്കിലാണ്

രാമചന്ദ്രബാബു സംവിധാനം ചെയ്യുന്ന പ്രൊഫസര്‍ ഡിങ്കനിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. നമിത പ്രമോദും ദിലീപും വീണ്ടും ഒരുമിച്ചെത്തുന്ന ചിത്രത്തിന്റെ അവസാന ഘട്ട ചിത്രീകരണമാണ് ഇപ്പോള്‍ നടന്നുകൊണ്ടിരിക്കുന്നത്. സിനിമയുടെ ചിത്രീകരണവുമായി ബന്ധപ്പെട്ട് ദിലീപ് ചെന്നൈയിലാണെന്നും റിപ്പോര്‍ട്ടുകളുണ്ട്. പ്രഖ്യാപനം മുതല്‍ വാര്‍ത്തകളില്‍ നിറഞ്ഞുനിന്ന ചിത്രമായിരുന്നു. ഇത്. മജീഷ്യനായാണ് താരം എത്തുന്നത്.

വാളയാര്‍ പരമശിവമായി വീണ്ടുമെത്തുന്നു

ദിലീപിന്റെ കരിയറിലെ എക്കാലത്തെയും മികച്ച സിനിമകളിലൊന്നായ റണ്‍വേയുടെ രണ്ടാം ഭാഗം ഒരുങ്ങുന്നുവെന്നുമുള്ള റിപ്പോര്‍ട്ടുകള്‍ അടുത്തിടെ പുറത്തുവന്നിരുന്നു. വാളയാര്‍ പരമശിവമെന്ന് പേരിട്ടിരിക്കുന്ന ചിത്രം ജോഷി തന്നെയാണ് സംവിധാനം ചെയ്യുന്നത് ബി ഉണ്ണിക്കൃഷ്ണന്‍ സംവിധാനം ചെയ്യുന്ന നീതിയിലും ദിലീപ് അഭിനയിക്കുന്നുണ്ട്. വിക്കന്‍ വക്കീലായാണ് താരം ഈ ചിത്രത്തില്‍ വേഷമിടുന്നത്. മംമ്ത മോഹന്‍ദാസും പ്രിയ ആനന്ദുമാണ് ചിത്രത്തിലെ നായികമാര്‍. അടുത്തിടെയായിരുന്നു ഈ സിനിമയെക്കുറിച്ച് ഔദ്യോഗിക പ്രഖ്യാപനമുണ്ടായത്.

കാത്തിരിപ്പ് വെറുതെയാവുമോ?

ദിലീപും നാദിര്‍ഷയും ഒരുമിക്കുന്നതിനായി കാത്തിരിപ്പ് തുടങ്ങിയിട്ട് നാളുകളേറെയായി. നേരത്തെയും ഇരുവരും ഒരുമിച്ചെത്തുന്നുവെന്ന തരത്തില്‍ റിപ്പോര്‍ട്ടുകള്‍ പ്രചരിച്ചിരുന്നു. അതിനാല്‍ത്തന്നെ ഇത്തവണത്തെ കാത്തിരിപ്പും പാഴാവുമോയെന്ന തരത്തിലുള്ള സംശയവും ആരാധകര്‍ ഉയര്‍ത്തുന്നുണ്ട്. വരുംദിനങ്ങളില്‍ ഇതേക്കുറിച്ച് കൃത്യമായി വിവരങ്ങള്‍ ലഭിക്കുമെന്ന പ്രതീക്ഷയിലാണ് ആരാധകര്‍.

Recommended Video

വാളയാര്‍ പരമശിവമായി ദിലീപ് വീണ്ടുമെത്തുന്നു!

കുടുംബത്തിലും സന്തോഷം

സിനിമാജീവിതത്തില്‍ മാത്രമല്ല വ്യക്തി ജീവിതത്തിലും ഏറെ സന്തോഷവാനാണ് ദിലീപ്. നാളുകള്‍ക്ക് ശേഷം പത്മസരോവരത്തിലേക്ക് പഴയ സന്തോഷം തിരികെ വന്നിരിക്കുകയാണ്. കാവ്യ മാധവനും ദിലീപും കുഞ്ഞതിഥിക്കായുള്ള കാത്തിരിപ്പിലാണെന്നും മീനാക്ഷി ഡോക്ടര്‍ പഠനത്തിനായി ചെന്നൈയിലേക്ക് പോയെന്നും താരപിതാവ് വ്യക്തമാക്കിയിരുന്നു.