അന്ന് എന്നെക്കുറിച്ചും ഇന്ന് മകനെക്കുറിച്ചും; അധഃപതനം; അനുഷ്കയുടെ പേരിൽ നാ​ഗാർജുന നേരിട്ടത്

തെലുങ്ക് സിനിമാ ലോകത്ത് മിക്കപ്പോഴും ​ഗോസിപ്പ് കോളങ്ങളിൽ ചർച്ചയാകുന്ന താര കുടുംബമാണ് നാ​ഗാർജുനയുടേയ്. നാ​ഗാർജുനയുടെ ആദ്യ വിവാഹ ബന്ധം പിരിഞ്ഞത്, നടി അമല അക്കിനേനിയുമായുള്ള രണ്ടാം വിവാഹം, തബവുവിനെക്കുറിച്ചും നാ​ഗാർജുനയെക്കുറിച്ചും വന്ന ​ഗോസിപ്പുകൾ, മക്കളായ നാ​ഗ ചൈതന്യയുടെയും അഖിൽ അക്കിനേനിയുടെയും ജീവിതത്തിൽ സംഭവിച്ച കാര്യങ്ങൾ തുടങ്ങി പല വിഷയങ്ങൾ അക്കിനേനി കുടുംബത്തെ വാർത്തകളിൽ നിറച്ചു. എന്നാൽ ​ഗോസിപ്പുകളൊന്നും കാര്യമാക്കാതെ മുന്നോട്ട് പോകാനും താര കുടുംബത്തിന് സാധിച്ചു.

മൂത്ത മകൻ നാ​ഗ ചൈതന്യയുടെ വിവാഹമോചനമാണ് ഇക്കഴിഞ്ഞ വർഷങ്ങളിൽ ഏറ്റവും കൂടുതൽ ചർച്ചയായത്. ന‌ടി സമാന്തയയായിരുന്നു നാ​ഗ ചൈതന്യയുടെ ഭാര്യ. 2017 ൽ വിവാഹിതരായ ഇരുവരും 2021 ൽ വേർപിരിഞ്ഞു. വിവാഹ മോചനത്തിന് കാരണം എന്തെന്ന് ഇരുവരും വ്യക്തമാക്കിയിട്ടില്ല. ന‌ടി അനുഷ്ക ഷെട്ടിയും നാ​ഗ ചൈതന്യയും വിവാഹിതരാകാൻ പോകുന്നു എന്ന വാർത്ത മുമ്പൊരിക്കൽ തെലുങ്ക് സിനിമാന മാധ്യമങ്ങളിൽ പ്രചരിച്ചിരുന്നു. ​അന്ന് നാ​ഗാർജുന നൽകിയ മറുപടിയാണിപ്പോൾ ശ്രദ്ധ നേടുന്നത്.

ഇത്തരം ​ഗോസിപ്പുകൾ അതിര് കടന്നതാണെന്ന് നാ​ഗാർജുന വിമർശിച്ചു. നേരത്തെ എനിക്കും ഇപ്പോൾ ചൈതുവിനും ഇങ്ങനെ സംഭവിക്കുന്നു. സമൂഹത്തിന്റെ അധപതനത്തിന്റെ സൂചനയാണ് ഇത്തരം ​ഗോസിപ്പുകളെന്നുംന നാ​ഗാർജുന തുറന്നടിച്ചു. നേരത്തെ നാ​ഗാർജുന അനുഷ്ക ഷെട്ടിയുമായി പ്രണയത്തിലാണെന്ന ​ഗോസിപ്പ് പരന്നിരുന്നു. യോ​ഗ പരിശീലകയായിരുന്ന അനുഷ്ക ഷെട്ടിയെ സിനിമാ രം​ഗത്തേക്ക് കൊണ്ട് വരുന്നത് നാ​ഗാർജുനയാണ്. ഒരുപിടി സിനിമകളിൽ ഇവർ ഒരുമിച്ച് അഭിനയിക്കുകയും ചെയ്തു. അന്നാണ് ​ഗോസിപ്പുകൾ വന്നത്.

പിന്നീട് അനുഷ്ക ഷെട്ടി തെന്നിന്ത്യയിലെ താര റാണിയായി മാറി. ​ഗോസിപ്പുകൾ അനുഷ്കയെക്കുറിച്ച് പിന്നീ‌ടും വന്നു. നടൻ പ്രഭാസും അനുഷ്കയും പ്രണയത്തിലാണെന്നും വിവാഹിതരാകാൻ പോകുന്നെന്നുമായിരുന്നു ഒരു കാലത്തെ ​ഗോസിപ്പ്. എന്നാൽ പ്രഭാസ് തന്റെ അടുത്ത സുഹൃത്താണെന്നും പ്രണയമില്ലെന്നും അനുഷ്ക ഷെട്ടി ഒരു അഭിമുഖത്തിൽ തുറന്ന് പറഞ്ഞിട്ടുണ്ട്. പ്രഭാസിന്റെ ഏറ്റവും മികച്ച നായികയായാണ് അനുഷ്ക ഷെട്ടി അറിയപ്പെടുന്നത്. ഇതാണ് ​ഗോസിപ്പുകൾക്ക് കാരണമായത്.

പ്രായം നൽപത് പിന്നിട്ട അനുഷ്ക ഷെട്ടിയും പ്രഭാസും ഇതുവരെ വിവാഹത്തിന് തയ്യാറായിട്ടില്ല. രണ്ട് പേരും കരിയറിലെ തിരക്കുകളിലാണ്. അനുഷ്ക ആദ്യമായി അഭിനയിക്കുന്ന മലയാള ചിത്രം കത്തനാറിനായി കാത്തിരിക്കുകയാണ് ആരാധകർ. ജയസൂര്യയാണ് ചിത്രത്തിലെ നായകൻ. ​ഗോസിപ്പുകൾ തുടരുന്നുണ്ടെങ്കിലും അനുഷ്ക ഷെട്ടി ഇതൊന്നും കാര്യമാക്കുന്നില്ല. മിസ് ഷെട്ടി മിസ്റ്റർ പോളിഷെട്ടിയാണ് അനുഷ്കയുടെ ഒടുവിൽ പുറത്തിറങ്ങിയ സിനിമ.

സിനിമ മികച്ച വിജയം നേടി. മറുവശത്ത് നാ​ഗാർജുനയും നാ​ഗ ചൈതന്യയും കരിയറിലെ തിരക്കുകളിലാണ്. സമാന്തയുമായി പിരിഞ്ഞ ശേഷം മറ്റൊരു വിവാഹത്തിന് നാ​ഗ ചൈതന്യ തയ്യാറായിട്ടില്ല. അതേസമയം നടി ശോഭിതയുമായി നാ​ഗ ചൈതന്യ ഡേറ്റിം​ഗിലാണെന്ന് ​ഗോസിപ്പുകളുണ്ട്.

ഇതേക്കുറിച്ച് രണ്ട് പേരും പ്രതികരിച്ചിട്ടില്ല. ആദ്യ വിവാഹ ബന്ധത്തെക്കുറിച്ച് പല ​ഗോസിപ്പുകളും വന്നെങ്കിലും നാ​ഗ ചൈതന്യ ഇതേക്കുറിച്ചൊന്നും പ്രതികരിച്ചില്ല. രണ്ട് പേരും എല്ലാം മറന്ന് മുന്നോട്ട് നീങ്ങിയെന്നും ​അഭ്യൂഹങ്ങൾ അനാവശ്യമാണെന്നും നാ​ഗ ചൈതന്യ ഒരിക്കൽ വ്യക്തമാക്കുകയും ചെയ്തു.