'ത്രീയുടെ ഷൂട്ടിനിടെ ഭാ​ര്യ സെറ്റിലുണ്ടായിട്ടും ധനുഷും ശ്രുതി ഹാസനും പ്രണയത്തിലായി?'; ശ്രുതിയുടെ പ്രണയങ്ങൾ!

സിനിമാ ജീവിതം പതിനൊന്നാം വർഷത്തിൽ എത്തി നിൽക്കുമ്പോൾ ശ്രുതിയുമായി ബന്ധപ്പെട്ട് നിരവധി ​ഗോസിപ്പുകൾ തെന്നിന്ത്യൻ സിനിമയിൽ വന്നിട്ടുണ്ട്. അവയിൽ ഏറെയും ശ്രുതിയുടെ പ്രണയവുമായി ബന്ധപ്പെട്ടവയായിരുന്നു.

ശ്രുതി തമിഴിൽ ചെയ്തിട്ടുള്ള ഏറ്റവും മികച്ച സിനിമകളിൽ ഒന്നാണ് ധനുഷ് നായകനായ ത്രീ. ഇന്നും ത്രീ എന്ന സിനിമയ്ക്ക് ഒരു കൂട്ടം ആരാധകർ തെന്നിന്ത്യയിലൊട്ടാകെയുണ്ട്. ധനുഷിന്റെ ഭാര്യ ഐശ്വര്യ രജനികാന്താണ് സിനിമ സംവിധാനം ചെയ്തത്. 2012ലായിരുന്നു സിനിമ പുറത്തിറങ്ങിയത്.

ചിത്രത്തിൽ ധനുഷിനൊപ്പം പ്രവർത്തിച്ച ശേഷം ശ്രുതിയും ധനുഷും പ്രണയത്തിലായിരുന്നുവെന്ന് ആ ഇടയ്ക്ക് ​ഗോസിപ്പ് വന്നിരുന്നു. അതിന്റെ പേരിൽ‌ നടന്റെ ​ദാമ്പത്യ ജീവിതത്തിലും ചില പ്രശ്നങ്ങളുണ്ടായതായും വാർത്തകൾ വന്നിരുന്നു.

ധനുഷുമായുള്ള ​ഗോസിപ്പുകൾ കെട്ടടങ്ങിയ ശേഷം ശ്രുതിയുടെ പേര് പിന്നീട് കേട്ടത് തെലുങ്ക് താരം നാ​ഗ ചൈതന്യയുടെ പേരിനൊപ്പമാണ്. ഇരുവരും വളരെ നാളുകൾ പ്രണയത്തിലായിരുന്നുവെന്നാണ് അക്കാലത്ത് കഥകൾ പ്രചരിച്ചിരുന്നത്.

Also Read: 'ഡാഡി മരിച്ചുവെന്ന് അല്ലിയോട് പൃഥ്വിയാണ് പറഞ്ഞത് അവൾ ഒരുപാട് കരഞ്ഞു, പൃഥ്വി ഹോസ്പിറ്റലിൽ വന്നില്ല'; സുപ്രിയ

പ്രണയം ശക്തമായപ്പോൾ ഇരുവരും വിവാഹം ഉടൻ നടത്തുന്നതിനെ കുറിച്ച് വരെ ചിന്തിക്കുകയും പ്ലാനിങുകൾ തുടങ്ങുകയും ചെയ്തിരുന്നുവെന്നും എന്നാൽ അതിന് മുമ്പ് താരങ്ങൾ പിരിഞ്ഞുവെന്നുമാണ് അന്ന് റിപ്പോർട്ടുകൾ വന്നത്. ശേഷം നാ​ഗചൈതന്യ നടി സാമന്തയുമായി പ്രണയത്തിലാവുകയും ഇരുവരും വിവാഹിതരാവുകയും ചെയ്തു.

ഒരു വർഷം മുമ്പാണ് സാമന്തയും നാ​ഗചൈതന്യയും വേർപിരിഞ്ഞത്. നാ​ഗചൈതന്യ ഇപ്പോൾ ബോളിവുഡ് നാടി ശോഭിത ധൂലിപാലയുമായി പ്രണയത്തിലാണെന്നാണ് ​ഗോസിപ്പ് പ്രചരിക്കുന്നത്.

ഇടയ്ക്ക് ബോളിവുഡ് താരം രൺബീർ കപൂറുമായി ശ്രുതി ഡേറ്റിങിലാണെന്നും റിപ്പോർട്ടുകൾ ഉണ്ടായിരുന്നു. ഇരുവരും ഒരുമിച്ച് ഒരു പരസ്യത്തിൽ അഭിനയിച്ചിരുന്നുവെന്നും അതിന് ശേഷമാണ് ഡേറ്റിങ് നടത്തിയതെന്നുമാണ് അന്ന് പാപ്പരാസികൾ റിപ്പോർട്ട് ചെയ്തത്.

ഇപ്പോൾ ശ്രുതി ഹാസൻ ശന്തനു ഹസാരികയുമായി പ്രണയത്തിലാണ്. 2020 മുതൽ ഇവർ പ്രണയത്തിലാണെന്നാണ് റിപ്പോർട്ട്. ഒരു ഡൂഡിൽ ആർട്ടിസ്റ്റാണ് ഇദ്ദേഹം.

രണ്ടുപേരും പരസ്പരം ഒരുപാട് പ്രചോദനം നൽകുന്നവരാണെന്നും അതുകൊണ്ടാണ് ഇരുവരും പ്രണയത്തിലാകുവാൻ തീരുമാനിച്ചതെന്നും അടുത്തിടെ ശ്രുതി പറഞ്ഞിരുന്നു.

'ഞങ്ങളുടെ വിവാഹം കഴിഞ്ഞു. എന്നാൽ അത് മറ്റുള്ളവർ കരുതുന്നത് പോലെയുള്ള വിവാഹമല്ല. ക്രിയേറ്റീവ് ആയിട്ടുള്ള ഞങ്ങളുടെ വിവാഹമാണ് കഴിഞ്ഞത്. അത്രയും ശക്തമാണ് ഞങ്ങൾ തമ്മിലുള്ള ബോണ്ട്. ഞങ്ങൾ വളരെ ക്രിയീട്ടീവ് ആയിട്ടുള്ള ആളുകളാണ്.'

'എപ്പോഴും ക്രിയേട്ടീവ് ആയിട്ട് എന്തെങ്കിലും ചെയ്യുവാനാണ് ഞങ്ങൾ ആഗ്രഹിക്കുന്നത്. ഞങ്ങളെ സംബന്ധിച്ച് അത് വളരെ പ്രധാനപ്പെട്ടതാണ്. ഇനിയിപ്പോൾ വിവാഹമെന്ന കാര്യത്തിലേക്ക് വരുമ്പോൾ ഞങ്ങൾക്ക് അതിനെ കുറിച്ച് സൂചനകൾ ഒന്നുമില്ല. കാര്യങ്ങൾ നടക്കുന്നത് പോലെ നടക്കട്ടെ' ഇതായിരുന്നു അടുത്തിടെ വിവാഹത്തെ കുറിച്ച് ചോദിച്ചപ്പോൾ ഇരുവരും നൽകിയ ഉത്തരം.