വിവാഹ തീയതി എല്ലാവരേയും അറിയിക്കും!! അനുഷ്കയുമായിട്ടുള്ള ബന്ധത്തെ കുറിച്ച് പ്രഭാസ്

വിവാഹം അറിയിക്കും

സ്വകാര്യ ജീവിതത്തെ കുറിച്ച് പരസ്യമായി വെളിപ്പെടുത്തലുകൾ നടത്താൻ തനിയ്ക്ക് താൽപര്യമില്ലെന്ന് പ്രഭാസ് പറഞ്ഞു. വിവാഹം കഴിക്കാൻ തീരുമാനിച്ചാൽ താൻ തന്നെ അക്കാര്യം അറിയിക്കുമെന്നും താരം കൂട്ടിച്ചേർത്തു. ഇതിനു മുൻപ് പല തവണയും ഇതു തന്നെയാണ് താരം പറ‍ഞ്ഞിരുന്നത്. തങ്ങൾ തമ്മിൽ വർഷങ്ങളായി നല്ല സുഹൃത്തുക്കളാണ്. അ ആ സൗഹൃദം ഇപ്പോഴും തുടർന്ന് പോകുന്നുണ്ട്. കൂടാതെ ഞങ്ങളെ പോലെതന്നെ വീട്ടുകാരും നല്ല അടുപ്പത്തിലാണെന്ന് പ്രഭാസ് വ്യക്തമാക്കിയിരുന്നു.

അനുഷ്കയ്ക്കും സുഹൃത്തോ?

പ്രഭാസ് നേരിടുന്നതു പോലെ അനുഷ്കയും നേരിടുന്ന ചോദ്യമാണ് ഇവർ തമ്മിലുളള ബന്ധത്തെ കുറിച്ച്. തങ്ങൾ നല്ല സുഹൃത്തുക്കളാണെന്ന് പല തവണ താരം മറുപടി നൽകിയിട്ടുണ്ട്. എങ്കിലും ഇവരെ വെറുതെ വിടില്ലെന്നുള്ള ഉറച്ച തീരുമാനത്തിലാണ് പാപ്പരാസികൾ. ബാഹു ബലിയും ദേവസേനയും തമ്മിലുളള കെമിസ്ട്രി സിനിമയിൽ മാത്രമാണെന്നും ജീവിതത്തിൽ അങ്ങനെയല്ലെന്നു അനുഷ്ക പറഞ്ഞിരുന്നു. എന്നാൽ ഇത് ആരും കേട്ടില്ലെന്നാണ് മട്ടാണ്. താരം പ്രണയ വാർത്ത നിരസിച്ചതിനു പിന്നാലെ പുതിയ കഥകളുമായി പാപ്പരാസികൾ രംഗത്തെത്തുകയും ചെയ്തിരുന്നു.

വിവാഹത്തിനു തയ്യാറായി

അനുഷ്കയുടെ വിവാഹത്തെ ചുറ്റിപ്പറ്റിയുളള വാർത്തകളാണ് ഇപ്പോൾ പ്രചരിക്കുന്നുണ്ട്. താര കുടുംബത്തിൽ വിവാഹവുമായി ചുറ്റിപ്പറ്റിയുള്ള ഒരുക്കങ്ങൾ ആരംഭിച്ചുവെന്നാണ് പുറത്തു വരുന്ന വിവരം. വർഷം അവസാനത്തോടെ വിവാഹം നടത്താനുളള തയ്യാറെടുപ്പിലാണ് അനുഷ്കയുടെ മാതാപിതാക്കൾ . മകളുടെ വിവാഹം ഈ വർഷം നടക്കുന്നതിനായും അനിയോജ്യനായ വരനെ ലഭിക്കുന്നതിനു വേണ്ടിയും അനുഷ്കയുടെ മാതാപിതാക്കൾ ക്ഷേത്രങ്ങളിൽ പൂജ നടത്തുകയാണത്രേ. പ്രഭാസിന്റെ വീട്ടിലും വിവാഹലോചനകൾ നടക്കുകയാണ്. ഈ വർഷം വിവാഹമുണ്ടാകുമെന്ന് താരത്തിന്റെ അമ്മാവൻ പറ‍ഞ്ഞിരുന്നു.

വിവാഹം സമയത്ത് നടക്കും

വിവാഹത്തെ കുറിച്ച് അനുഷ്കയോട് ചോദിച്ചപ്പോൾ ഉചിതമായ സമയത്ത് അത് നടക്കും എന്നായിരുന്നു താരം നൽകിയ മറുപടി. അതേ സമയം താൽപര്യമില്ലാതെ ഒ വീട്ടുകാരുടെ ഇഷ്ടത്തിന് വഴങ്ങി വിവാഹം കഴിക്കില്ലെന്ന് താരം പറ‍ഞ്ഞിരുന്നു. ഇതിൽ നിന്ന് വ്യക്തമാണ് താരവും വിവാഹത്തിനായി ഒരുങ്ങി കഴിഞ്ഞുവെന്നാണ്. അനുഷ്കയുടെ വിവാഹ വാർത്ത തെന്നിന്ത്യൻ സിനിമ ലോകത്ത് ചർച്ചയായിട്ടുണ്ട്.