മഞ്ജു വാര്യരുടെ സുജാതയെ കണ്ട് മകള്‍ അമ്മയെ തിരിച്ചറിയട്ടെ.. മീനാക്ഷി ഈ സിനിമ കാണട്ടെ!

ദിലീപും മഞ്ജു വാര്യരും വേര്‍പിരിഞ്ഞപ്പോള്‍ അച്ഛനോടൊപ്പം പോകാനാണ് മകള്‍ മീനാക്ഷി താല്‍പര്യം പ്രകടിപ്പിച്ചത്. ഇവര്‍ തമ്മിലുള്ള അടുപ്പത്തെക്കുറിച്ച് കൃത്യമായി അറിയാവുന്നതിനാല്‍ മഞ്ജു അത് സമ്മതിക്കുകയായിരുന്നു.

മകള്‍ക്ക് വേണ്ടിയാണ് മുന്നോട്ടുള്ള ജീവിതമെന്ന് ദിലീപ് നേരത്തെ തന്നെ വ്യക്തമാക്കിയിരുന്നു. രണ്ടാമതൊരു വിവാഹത്തെക്കുറിച്ച് ചിന്തിച്ചപ്പോഴും മകളുടെ ഭാവിയായിരുന്നു തന്നെ അലട്ടിയതെന്ന് താരം വ്യക്തമാക്കിയിരുന്നു.

മീനാക്ഷിക്ക് വേണ്ടിയാണ് താന്‍ വീണ്ടും വിവാഹം കഴിക്കാന്‍ തീരുമാനിച്ചതെന്ന് ദിലീപ് വിവാഹത്തിന് ശേഷം വ്യക്തമാക്കിയിരുന്നു. സിനിമയുമായി ബന്ധപ്പെട്ട തിരക്കുകളുമായി വീട്ടില്‍ നിന്നും മാറി നില്‍ക്കുമ്പോഴും മകളുടെ കാര്യത്തെക്കുറിച്ചുള്ള ചിന്തകളാണ് വിവാഹത്തിന് പ്രേരിപ്പിച്ചതെന്ന് താരം വ്യക്തമാക്കിയിരുന്നു.

നടി ആക്രമിക്കപ്പെട്ട സംഭവമായി ബന്ധപ്പെട്ട് അറസ്റ്റിലായ ദിലീപിനെ മീനാക്ഷി ജയിലിലെത്തി സന്ദര്‍ശിച്ചിരുന്നു. കാവ്യാ മാധവനൊപ്പമാണ് മീനാക്ഷി ജയിലിലെത്തിയത്. നാളുകള്‍ക്ക് ശേഷം അച്ഛനെ കണ്ടപ്പോഴും ശാന്തമായി കാര്യങ്ങള്‍ ചോദിച്ചറിയുകയായിരുന്നു ഈ താരപുത്രി.

ഫാന്‍രം പ്രവീണ്‍ സംവിധാനം ചെയ്ത ഉദാഹരണം സുജാത മഞ്ജു വാര്യരുടെ മകളും കാണേണ്ട സിനിമയാണെന്നാണ് സിനിമാനിരൂപകനും എഴുത്തുകാരനുമായ പ്രേംചന്ദ് കുറിച്ചിട്ടുള്ളത്.

അമ്മ എന്ന വികാരത്തെ തൊടുന്ന സിനിമയാണ് ഉദാഹരണം സുജാത. ഈ ചിത്രം മഞ്ജു വാര്യരുടെ മകളും കാണട്ടെ. അമ്മയെ തിരിച്ചറിയട്ടെ എന്നും പ്രേംചന്ദ് ഫേസ്ബുക്കില്‍ കുറിച്ചിട്ടുണ്ട്.