'അമ്മായിച്ഛൻ ധനുഷിനേയും കുടുംബത്തേയും രണ്ടാം തരക്കാരായി കണ്ടു'; ബം​ഗ്ലാവ് പണിതത് രജിനിയോടുള്ള പ്രതികാരത്തിന്?

അതേസമയം കഴിഞ്ഞ ദിവസമായിരുന്നു ധനുഷിന്റെ പുതുപുത്തൻ ബം​ഗ്ലാവിന്റെ പാലുകാച്ചൽ. ദക്ഷിണേന്ത്യയിലെ ഏറ്റവും വിലപിടിപ്പുള്ള പ്രദേശമായ പോയസ് ഗാര്‍ഡനിലാണ് പുതിയ വീട് താരം സ്വന്തമാക്കിയിരിക്കുന്ന്.

സൂപ്പര്‍സ്റ്റാര്‍ രജനികാന്തിന്റെയും തമിഴ്നാട് മുന്‍ മുഖ്യമന്ത്രി ജയലളിതയുടേയും ഭവനത്തിന് സമീപമാണ് ധനുഷിനെ സ്വപ്ന സൗധം.150 കോടി ചെലവില്‍ നാല് നിലകളിലായി ഏകദേശം 19000 ചതുരശ്ര അടിയിലാണ് വീട് പണി തീര്‍ത്തിരിക്കുന്നത്.

മാതാപിതാക്കള്‍ക്കും മക്കള്‍ക്കുമൊപ്പം താമസിക്കാന്‍ കഴിയുന്ന ഒരു വീട് നിര്‍മ്മിക്കുക എന്നത് ധനുഷിന്റെ ഏറെ നാളത്തെ ആഗ്രഹമായിരുന്നു. ഈ വീട് പൂര്‍ത്തീകരിച്ചതോടെയാണ് ആ സ്വപ്നം പൂവണിഞ്ഞിരിക്കുന്നത്. ധനുഷിന്റെ ഗൃഹപ്രവേശ ചടങ്ങില്‍ നിന്നുള്ള ചിത്രങ്ങൾ സാമൂഹിക മാധ്യമങ്ങളില്‍ വൈറലായിരുന്നു.

ഗൃഹപ്രവേശ ചടങ്ങില്‍ നിന്നുള്ള ധനുഷിന്റെയും മാതാപിതാക്കളുടെയും ചിത്രങ്ങള്‍ സംവിധായകനും ധനുഷിന്റെ ഫാന്‍സ് ക്ലബ് പ്രസിഡന്റുമായ സുബ്രഹ്‌മണ്യം ശിവയാണ് സാമൂഹിക മാധ്യമങ്ങളിലൂടെ പങ്കുവെച്ചത്.

ചിത്രത്തില്‍ നീല സില്‍ക്ക് കുര്‍ത്തയും വെള്ള പൈജാമയും ധരിച്ച ധനുഷിനെ കാണാം. തന്റെ മാതാപിതാക്കള്‍ക്ക് അദ്ദേഹം വീട് സമ്മാനമായി നല്‍കിയെന്നാണ് റിപ്പോര്‍ട്ട്. 2021ല്‍ ധനുഷും മുന്‍ ഭാര്യ ഐശ്വര്യയും പോയസ് ഗാര്‍ഡനിലെ പുതിയ വീടിന് വേണ്ടി പൂജ നടത്തിയിരുന്നു.

രജനികാന്തും ഭാര്യ ലതയും ചടങ്ങില്‍ പങ്കെടുത്തിരുന്നു. രണ്ട് വര്‍ഷത്തിന് ശേഷമാണ് ധനുഷിന്റെ വീട് പൂര്‍ത്തിയായിരിക്കുന്നത്. ഫോട്ടോകളില്‍ ധനുഷ് തന്റെ മാതാപിതാക്കള്‍ക്കും ശിവയ്ക്കുമൊപ്പം പോസ് ചെയ്യുന്നത് കാണാം.

അതേസമയം പുത്തൻ ബം​ഗ്ലാവ് ധനുഷ് പണിത് മാതാപിതാക്കൾക്ക് സമ്മാനിച്ചത് ‌തന്റെ മുൻ അമ്മായിഅച്ഛൻ‌ രജനികാന്തിനോടുള്ള മധുര പ്രതികാരമായിട്ടാണ് എന്നാണ് തമിഴകത്ത് നിന്നും വരുന്ന പുതിയ റിപ്പോർ‌ട്ടുകൾ.

രജനികാന്തിന്റെ മകൾ ഐശ്വര്യയുമായി വിവാഹബന്ധം ധനുഷിന് ഉണ്ടായിരുന്ന സമയത്ത് ധനുഷിനേയും കുടുംബത്തേയും ചിലപ്പോഴൊക്കെ രണ്ടാം തരക്കാരായി രജനികാന്ത് ട്രീറ്റ് ചെയ്തിരുന്നുവെന്നാണ് റിപ്പോർട്ട്. ആ സമയങ്ങളിലെ രജനികാന്തിന്റെ പെരുമാറ്റത്തിൽ ധനുഷും അസ്വസ്ഥനായിരുന്നത്രേ.

അതുകൊണ്ടാണ് രജനിയേക്കാൾ വലിയ വീട് പണിത് മാതാപിതാക്കളോടൊപ്പം താമസിക്കാൻ ധനുഷ് തീരുമാനിച്ചത് പോലും. ഇക്കാരണത്താലാണ് ധനുഷ് രജനിയുടെ വീടിന് സമീപം തന്നെ കൂറ്റൻ വീട് നിർമിച്ച് താമസമാക്കിയതെന്നും റിപ്പോർട്ടുകൾ പറയുന്നു.

ധനുഷും ഐശ്വര്യയും കഴിഞ്ഞ വർഷമാണ് വിവാഹ​ ബന്ധം വേർപെടുത്തിയത്. മക്കൾ എപ്പോഴും ധനുഷിന്റെ സംരക്ഷണയിലാണ്.

ഇടയ്ക്ക് മക്കളെ കാണാനും അവർക്കൊപ്പം സമയം ചിലവഴിക്കാനും ഐശ്വര്യ എത്താറുണ്ട്. 150 കോടി ചിലവഴിച്ചാണ് തന്റെ സ്വപ്ന സൗധം ധനുഷ് പൂർത്തിയാക്കിയതെന്നും റിപ്പോർട്ടുണ്ട്.