അംബികയെയും വടിവേലുവിനെയും കുറിച്ച് ​ഗോസിപ്പ് വരാൻ കാരണം; നടിയുടെ അവസരങ്ങൾ കുറഞ്ഞപ്പോൾ; കാന്തരാജ്

എൺപതുകളിൽ തെന്നിന്ത്യൻ സിനിമാ രം​ഗത്തെ തിരക്കേറിയ നടിയായിരുന്നു അംബിക. സൂപ്പർ താരങ്ങളുടെ സിനിമയിൽ നായികയായ അംബികയ്ക്ക് ഒന്നിന് പിറകെ ഒന്നായി ഹിറ്റ് സിനിമകൾ ലഭിച്ചു. മലയാളത്തിൽ രാജാവിന്റെ മകൻ ഉൾപ്പെടെയുള്ള സിനിമകളിൽ അംബിക നായികയായി. അംബികയു‌ടെ സഹോദരി രാധയും താര റാണിയായിരുന്നു. തെന്നിന്ത്യൻ സിനിമാ രം​ഗത്ത് വെന്നിക്കൊടി പാറിച്ച അംബികയും രാധയും ഒരു ഘട്ടത്തിൽ സിനിമാ രം​ഗത്ത് നിന്നും അകന്നു. അക്കാലഘട്ടത്തിലെ മിക്ക നായികമാർക്കും സംഭവിച്ചത് പോലെ അംബികയുടെ മാർക്കറ്റ് മൂല്യം കുറഞ്ഞു.

വർഷങ്ങൾക്കിപ്പുറം അമ്മ വേഷങ്ങളിലാണ് അംബികയെ പ്രേക്ഷകർ കണ്ടിട്ടുള്ളത്. അന്ന് സീരിയലുകളിലാണ് അംബിക സജീവം. അംബികയെക്കുറിച്ച് വന്ന ​ഗോസിപ്പുകളാണ് തമിഴ് സിനിമാ മാധ്യമങ്ങളിൽവീണ്ടും ചർച്ചയാകുന്നത്. അംബികയെയും നടൻ വടിവേലുവിനെയും കുറിച്ച് വന്ന ​ഗോസിപ്പിനെക്കുറിച്ചാണ് ഡോ. കാന്തരാജ് സംസാരിച്ചത്. അവസരങ്ങൾ കുറഞ്ഞ ഘട്ടത്തിൽ അംബിക നടൻ വടിവേലുവിനൊപ്പം അഭിനയിച്ചിട്ടുണ്ടെന്ന് ഇദ്ദേഹം പറയുന്നു.

രണ്ട് സിനിമകളിൽ അംബികയും വടിവേലുവും അഭിനയിച്ചു. ‌അന്ന് ഇവരെക്കുറിച്ച് ​ഗോസിപ്പുകൾ വന്നെന്നും കാന്തരാജ് പറയുന്നു. ​ഒരു കാലത്ത് ​ഗൗണ്ടമണിയുടെ തുല്യ പ്രാധാന്യം വടിവേലുവിനും ഉണ്ടായിരുന്നു. ​വടിവേലുവെല്ലാം വന്നപ്പോഴേക്കും അംബിക കരിയറിൽ നിന്നും ഔട്ടായിട്ടുണ്ടെന്നും കാന്തരാജ് പറയുന്നു. അംബികയെ ആക്ഷേപിച്ച് കൊണ്ടാണ് ഒന്നിലേറെ തമിഴ് യൂട്യൂബ് ചാനലുകളിൽ ഇദ്ദേഹം സംസാരിച്ചിരിക്കുന്നത്.

ഒരു ഘട്ടത്തിൽ അംബികയുടെ മുഖത്തെ ഭം​ഗി പോയി കിഴവിയെ പോലെയായെന്ന് കാന്തരാജ് പറയുന്നു. കാതൽ പരിസ് എന്ന സിനിമയിലെത്തിയപ്പോഴേക്കും അംബികയുടെ മുഖം മാറി. പ്രായം തോന്നി. ഈ പടം വിജയിക്കാത്തതിന് കാരണം നായിക ശരിയല്ലാത്തതാണെന്നും കാന്തരാജ് വിമർശിച്ചു. അതേസമയം അംബികയുടെ താരത്തിളക്കമുള്ള കാലഘട്ടത്തെക്കുറിച്ചും കാന്തരാജ് അന്ന് സംസാരിച്ചു. ഒരു സിനിമയുടെ മൂന്നാമത്തെ സീനിൽ അംബിക ചെയ്ത കഥാപാത്രം മരിച്ചു. അതോടെ പ്രേക്ഷകർ നിരാശരായി. ​ആ സിനിമ നന്നായി ഓടിയില്ലെന്നും കാന്തരാജ് പറഞ്ഞു. ‌

സിനിമാ രാഷ്ട്രീയ രം​ഗത്തെ നിരവധി പേരെക്കുറിച്ച് ഡോ. കാന്തരാജ് വിവാദ പ്രസ്താവനകൾ ന‌ടത്തിയിട്ടുണ്ട്. ഇതിന്റെ പേരിൽ വിമർശനങ്ങളും ഇദ്ദേഹത്തിന് കേൾക്കേണ്ടി വരാറുണ്ട്. ​സീരിയൽ രം​ഗത്താണ് അംബിക ഇന്ന് സജീവം. ടെലിവിഷൻ ഷോകളിൽ സാന്നിധ്യം അറിയിക്കുന്നു. അടുത്തിടെയായിരുന്നു സഹോദരി രാധയുടെ മകൾ കാർത്തികയുടെ വിവാഹം. ആഘോഷപൂർവം നടന്ന വിവാഹ ച‌ടങ്ങിൽ ചിരഞ്ജീവി ഉൾപ്പെടെയുള്ള താരങ്ങൾ പങ്കെടുത്തു.

അംബികയെ പോലെ രാധയെക്കുറിച്ചും പല ​ഗോസിപ്പുകളും തമിഴ് മീഡിയകളിൽ പ്രചരിക്കാറുണ്ട്. കാർത്തികയുടെ വിവാഹസമയത്തും ഇതുണ്ടായി. ഫിലിം ജേർണലിസ്റ്റ് ചെയ്യാർ ബാലുവാണ് അന്ന് രാധയെക്കുറിച്ച് സംസാരിച്ചത്. മകളുടെ വിവാഹത്തിന് സിനിമാ രം​ഗത്തെ മിക്കവരെയും രാധ ക്ഷണിച്ചിട്ടുണ്ട്. എല്ലാവരും വരുമെന്ന് കരുതി. പക്ഷെ പലരും വരാത്തതിൽ രാധയ്ക്ക് വിഷമമുണ്ട്. ചിരഞ്ജീവി, ജാക്കി ഷെറോഫ് തുടങ്ങിയവരാണ് വന്നത്. രജിനികാന്ത്, കമൽ ഹാസൻ തുടങ്ങിയവരെല്ലാം വരുമെന്ന് കരുതിയെങ്കിലും ഇവരാരും വന്നില്ലെന്ന് ചെയ്യാർ ബാലു പറഞ്ഞു.