മമ്മൂട്ടിയുടെ നായിക സല്‍മാന്‍ ഖാന്റെ കുടുംബം തകര്‍ക്കുന്നു, സല്‍മാന്‍ എന്തിനാണ് ഈ ദേഷ്യം

ആരാണ് ആ നടി

ആ നടിയാണ് മമ്മൂട്ടിയുടെ നായിക. വൈറ്റ് എന്ന ചിത്രത്തില്‍ മമ്മൂട്ടിയുടെ നായികയായി എത്തിയ ഹുമ ഖുറേഷിയാണ് സല്‍മാന്‍ ഖാന്റെ കുടുംബത്തിലെ സമാധാനം നശിപ്പിയ്ക്കുന്നത്. ഹുമയോട് സല്‍മാന്‍ കടുത്ത ശത്രുതയാണെന്നാണ് ബോളിവുഡ് സിനിമാ ലോകത്തെ വാര്‍ത്തകള്‍.

സൊഹാലിയുമായി അടുപ്പം

ഹുമ ഖുറേഷിയ്ക്ക് സല്‍മാന്‍ ഖാന്റെ സഹോദരന്‍ സൊഹാലി ഖാനുമായി വഴിവിട്ട ബന്ധമുണ്ടത്രെ. വിവാഹിതനായ സൊഹാലിയുടെ കുടുംബം ഹുമ തകര്‍ക്കുമോ എന്നാണ് സല്‍മാന്റെ ഭയം. ഇതേ ചൊല്ലി സൊഹാലിയ്ക്കും ഭാര്യയ്ക്കുമിടയില്‍ പല പ്രശ്‌നങ്ങളുമുണ്ടായി.

സഹോദരനെ പോലെ

സൊഹാലി ഖാനുമായുള്ള ഹുമ ഖുറേഷിയുടെ അടുപ്പം ബോളിവുഡ് സിനിമാ ലോകത്ത് പാട്ടാണ്. എന്നാല്‍ വാര്‍ത്തകളില്‍ പറയുന്നത് പോലെ തനിയ്ക്ക് സൊഹാലിയുമായി യാതൊരു അവിഹിതവുമില്ല എന്നും, സഹോദര തുല്യനാണെന്നും ഹുമ പറയുന്നു.

സല്‍മാന്റെ കോപം

സൊഹാലിയുമായി ബന്ധമില്ല എന്ന് ഹുമ പറഞ്ഞെങ്കിലും സല്‍മാന്റെ ശത്രുത തണുത്തില്ല. അടുത്തിടെ സല്‍മാന്‍ ഖാന്റെ വീട്ടില്‍ നടന്ന ഒരു ചടങ്ങില്‍ അതിഥിയായി ഹുമ ഖുറേഷിയും എത്തിയിരുന്നു. വീട്ടില്‍ വരുന്ന എല്ലാവരോടും മാന്യമായി പെരുമാറുന്ന സല്‍മാന്‍ സൊഹാലിയുടെ അതിഥിയായി വന്ന ഹുമയെ മാത്രം അവഗണിച്ചു. അത് മാധ്യമങ്ങള്‍ ശ്രദ്ധിയ്ക്കുകയും ചെയ്തിരുന്നു.

ഹുമയ്ക്ക് അവസരമില്ല

എന്തായാലും സല്‍മാന്‍ ഖാന്‍ കുടുംബത്തെ വച്ച് കളിയ്ക്കുന്ന ഹുമ ഖുറേഷിയ്ക്ക് ബോളിവുഡില്‍ പൊതുവെ അവസരങ്ങള്‍ കുറയുകയാണ്. ഈ സാഹചര്യത്തിലാണ് താരം മലയാളത്തിലും തമിഴിലുമൊക്കെ ശ്രദ്ധ കൊടുക്കുന്നത്. രജനികാന്തിനെ നായകനാക്കി ധനുഷ് സംവിധാനം ചെയ്യുന്ന ചിത്രത്തില്‍ ഹുമ നായികയായി എത്തുന്നതായി വാര്‍ത്തകളുണ്ട്.