ഒരു മാസം നീണ്ടു നില്‍ക്കുന്ന ഹണിമൂണ്‍ ആഘോഷം, അത്രയ്ക്ക് വേണോ.. സമാന്ത പറയുന്നു

ഒരു മാസമോ

ന്യൂ യോര്‍ക്കില്‍ നാഗ ചൈതന്യയും സമാന്തയും ഹണിമൂണ്‍ ആഘോഷിക്കും.. അതും ഒറു മാസം നീണ്ടു നില്‍ക്കുന്ന ഹണിമൂണ്‍ ആഘോഷം എന്നായിരുന്നു പുറത്ത് വന്ന വാര്‍ത്തകള്‍. അതല്‍പം കൂടുതലല്ലേ എന്ന് പലരും ചോദിക്കുകയും ചെയ്തു.

സമാന്തയുടെ പ്രതികരണം

എന്നാല്‍ ഇത് തീര്‍ത്തും അടിസ്ഥാന രഹിതമാണെന്ന് പറഞ്ഞ് രംഗത്തെത്തിയിരിയ്ക്കുകയാണ് ഇപ്പോള്‍ സമാന്ത. അങ്ങനെ ഒരു ഹണിമൂണ്‍ പ്ലാന്‍ തങ്ങള്‍ക്കില്ല എന്ന് നടി പറയുന്നു.

ഗോവയില്‍ കല്യാണം

ഗോവയില്‍ വച്ച് നടക്കുന്ന വിവാഹം വരെ മാത്രമേ ഇപ്പോള്‍ തങ്ങള്‍ പ്ലാന്‍ ചെയ്തിട്ടുള്ളൂ എന്ന് സമാന്ത പറഞ്ഞു. ആഗസ്റ്റ് ആറിന് ഗോവയില്‍ വച്ച് വളരെ ലളിതമായൊരു വിവാഹം നടക്കും എന്നാണ് സാം പറയുന്നത്.

മൂന്ന് ദിവസം കൊണ്ട് മടങ്ങിയെത്തും

വിവാഹ ശേഷം മൂന്ന് ദിവസം ഗോവയില്‍ ചെലവഴിയ്ക്കും. അത് കഴിഞ്ഞ് ഹൈദരബാദിലേക്ക് മടങ്ങിയെത്തും. രണ്ട് പേര്‍ക്കും കരാറൊപ്പ് വച്ച ചിത്രങ്ങളുടെ തിരക്കുകളുണ്ടത്രെ.

അഭിനയിക്കും

വിവാഹശേഷവും തുടര്‍ന്ന് അഭിനയിക്കും എന്നാണ് സമാന്തയോട് അടുത്ത വൃത്തങ്ങള്‍ പറയുന്നത്. സമാന്ത അഭിനയിക്കുന്നതിനോട് നാഗ ചൈതന്യയ്‌ക്കോ കുടുംബത്തിനോ യാതൊരു എതിര്‍പ്പുമില്ല. പക്ഷെ വിവാഹ ശേഷം കൂടുതല്‍ സെലക്ടീവാകും എന്ന് നടി പറയുന്നു.