സാമന്ത ഗര്‍ഭിണി?കുഞ്ഞതിഥിയെ വരവേല്‍ക്കാനൊരുങ്ങി താരകുടുംബം? കുപ്രചാരണങ്ങള്‍ക്കുള്ള മറുപടി ഇങ്ങനെ!

സാമന്ത ഗര്‍ഭിണി?

പ്രേക്ഷകര്‍ക്ക് പ്രിയപ്പെട്ട താരങ്ങളിലൊരാളായ സാമന്ത ഗര്‍ഭിണിയാണെന്ന തരത്തിലുള്ള റിപ്പോര്‍ട്ടുകള്‍ സോഷ്യല്‍ മീഡിയയിലൂടെ പ്രചരിച്ചിരുന്നു. നിമിഷനേരം കൊണ്ടാണ് ഇക്കാര്യം വൈറലായി മാറിയത്. കുഞ്ഞതിഥിയെ വരവേല്‍ക്കാനുള്ള തയ്യാറെടുപ്പിലാണ് താരകുടുംബമെന്നും താരം സിനിമയില്‍ നിന്നും ഇടവേളയെടുത്തേക്കുമെന്നുമൊക്കെയായിരുന്നു റിപ്പോര്‍ട്ടുകള്‍. വിവാഹത്തിന് ശേഷവും താരം സോഷ്യല്‍ മീഡിയയിലും സിനിമയിലും സജീവമായിരുന്നു. സോഷ്യല്‍ മീഡിയയിലൂടെ ഈ സംഭവം വൈറലായി മാറിയതിന് പിന്നാലെയായാണ് പ്രതികരണവുമായി താരമെത്തിയത്. ട്വിറ്ററിലൂടെയായിരുന്നു സാമന്ത ഇതേക്കുറിച്ച് പ്രതികരിച്ചത്. താരത്തിന്റെ പ്രതികരണം പുറത്തുവന്നതോടെയാണ് സംഭവത്തെക്കുറിച്ചുള്ള വാസ്തവം മനസ്സിലായതെന്നാണ് ആരാധകര്‍ പറയുന്നത്.

താരത്തിന്റെ മറുപടി

സോഷ്യല്‍ മീഡിയയിലൂടെ ഇക്കാര്യം വൈറലായി മാറിയതിന് ശേഷമാണ് സാമന്ത മറുപടിയുമായി എത്തിയത്. ഓണ്‍ലൈന്‍ മാധ്യമത്തില്‍ വന്ന വാര്‍ത്തയുടെ ലിങ്ക് സഹിതമായാണ് താരം വ്യാജവാര്‍ത്തയാണ് ഇതെന്ന കാര്യത്തെക്കുറിച്ച് വിശദീകരിച്ചത്. അങ്ങനെയാണോ, അത് തന്നെക്കൂടി അറിയിക്കണമെന്നുമായിരുന്നു സാമന്ത മറുപടി പറഞ്ഞത്. പാപ്പരാസികള്‍ വിടാതെ പിന്തുടരുന്ന താരകുടുംബം കൂടിയാണ് ഇവരുടേത്. വിവാഹം കഴിഞ്ഞതിന് പിന്നാലെയായാണ് ഗര്‍ഭിണിയാണെന്ന തരത്തിലുള്ള കുപ്രചാരണങ്ങളും എത്തിയത്. ജാലിയുമായി ബന്ധപ്പെട്ട തിരക്കുകളിലാണ് തങ്ങളെന്ന് നേരത്തെ നാഗചൈതന്യ വ്യക്തമാക്കിയിരുന്നു.

സിനിമയില്‍ സജീവം

വിവാഹത്തോടെ സിനിമയില്‍ നിന്നും ഇടവേളയെടുക്കുന്ന ശൈലിയാണ് അഭിനേത്രികള്‍ പിന്തുടര്‍ന്ന് വരുന്നത്. സാമന്തയുടേയും നാഗചൈതന്യയുടേയും വിവാഹത്തെക്കുറിച്ച് അറിഞ്ഞപ്പോഴും ഇക്കാര്യത്തെക്കുറിച്ചായിരുന്നു ആരാധകര്‍ ചോദിച്ചത്. സിനിമാകുടുംബത്തിലേക്കാണ് പോവുന്നതെങ്കില്‍ക്കൂടുയും സാമന്ത അഭിനയം നിര്‍ത്തുമോയെന്ന ആശങ്ക ആരാധകരെ അലട്ടിയിരുന്നു. പൂര്‍വ്വാധികം ശക്തിയോടെ താരം സിനിമയിലേക്ക് തിരിച്ചെത്തിയതോടെയാണ് ഇക്കാര്യത്തെക്കുറിച്ചുള്ള ആശങ്കകള്‍ നീങ്ങിയത്.

ഒരുമിച്ച് അഭിനയിച്ചു

വിവാഹത്തിന് മുന്‍പ് മാത്രമല്ല ശേഷവും സാമന്തയും നാഗചൈതന്യയും ഒരുമിച്ച് അഭിനയിച്ചിരുന്നു. സിനിമയിലും ജീവിതത്തിലും ഇണക്കുരുവികളായി മാറുകയായിരുന്നു ഇരുവരും. പരസ്യ ചിത്രത്തിലൂടെയായിരുന്നു ഇരുവരും വിവാഹശേഷം ആദ്യമായി ഒരുമിച്ചത്. മജിലി എന്ന സിനിമയിലൂടെയായിരുന്നു ഇരുവരും തിരിച്ചുവരവ് ഗംഭീരമാക്കിയത്. നാഗചൈതന്യയെ ജീവിത പങ്കാളിയാക്കാന്‍ തീരുമാനിച്ചതാണ് ജീവിതത്തിലെ നിര്‍ണ്ണായക തീരുമാനങ്ങളിലൊന്ന് എന്ന് താരം പറഞ്ഞിരുന്നു. തുടക്കത്തില്‍ രഹസ്യമാക്കി വെച്ച പ്രണയം വീട്ടില്‍ അറിയിക്കാന്‍ കാരണമായത് സാമന്തയുടെ ഭീഷണിയായിരുന്നുവെന്ന് നാഗചൈതന്യയും പറഞ്ഞിരുന്നു.

മികച്ച അവസരങ്ങള്‍

മികച്ച അവസരങ്ങളാണ് സാമന്തയെ തേടിയെത്തുന്നത്. തെലുങ്കിലും തമിഴിലുമായി സജീവമാണ് ഈ താരം. അതിഥി വേഷത്തില്‍ അഭിനയിക്കുന്നതിനായി ഉയര്‍ന്ന പ്രതിഫലം ചോദിച്ചുവെന്ന തരത്തിലുള്ള റിപ്പോര്‍ട്ടുകളും സോഷ്യല്‍ മീഡിയയിലൂടെ പ്രചരിച്ചിരുന്നു. ഭര്‍തൃപിതാവായ നാഗാര്‍ജുനയുടെ ചിത്രത്തില്‍ 5 മിനിറ്റില്‍ പ്രത്യക്ഷപ്പെടുന്നതിനായി ലക്ഷങ്ങളാണ് താരം ചോദിച്ചത് എന്ന തരത്തിലായിരുന്നു റിപ്പോര്‍ട്ടുകള്‍. ആരാധകരെ ഞെട്ടിച്ച സംഭവം കൂൂടിയായിരുന്നു ഇത്. തനിക്കെതിരെ വരുന്ന വിമര്‍ശനങ്ങള്‍ക്ക് കൃത്യമായ മറുപടിയാണ് താരം നല്‍കാറുള്ളത്.