മമ്മൂട്ടിയുടെ സിബിഐ അഞ്ചാം ഭാഗം ഓണത്തിന്? മെഗാസ്റ്റാര്‍ ആരാധകര്‍ ആവേശത്തില്‍! കാണൂ!

നാല് സിനിമകളും ഹിറ്റ്

മലയാളികള്‍ എന്നും ഓര്‍ത്തിരിക്കുന്ന കഥാപാത്രമായ സേതുരാമയ്യര്‍ സീരീസിലെ ആദ്യ സിനിമയായ ഒരു സിബി ഐ ഡയറിക്കുറിപ്പ് 1988 ലാണ് പുറത്തിറങ്ങിയത്.
സേതുരമായ്യരുടെ അന്വേഷണവുമായി ബന്ധപ്പെട്ട് നാല് സിനിമകളാണ് ഈ കൂട്ടുകെട്ടില്‍ നിന്നും പുറത്തിറങ്ങിയത്. മികച്ച പ്രതികരണമാണ് നാല് സിനിമകള്‍ക്കും ലഭിച്ചത്. ഈ കൂട്ടുകെട്ടില്‍ നിന്ന് പുറത്തിറങ്ങുന്ന അഞ്ചാമത്തെ ചിത്രത്തിനായി കാത്തിരിക്കുകയാണ് ആരാധകര്‍. വാണിജ്യപരമായി മികച്ച നേട്ടമായിരുന്നു ഈ സീരീസിലെ ചിത്രങ്ങള്‍ സ്വന്തമാക്കിയത്.

അഞ്ചാമത്തെ ചിത്രത്തിനായി കാത്തിരിക്കുന്നു

1988 ലാണ് കുറ്റാന്വേഷണ പരമ്പരയിലെ ആദ്യ സീരീസായ സിബി ഐ ഡയറിക്കുറിപ്പ് പുറത്തിറങ്ങിയത്. അടുത്ത വര്‍ഷം തന്നെ അടുത്ത ചിത്രമായ ജാഗ്രത പുറത്തിറങ്ങി. പിന്നീട് 2004 ലാണ് സേതുരാമയ്യര്‍ സിബി ഐ പുറത്തിറങ്ങിയത്. 2005 ല്‍ നേരറിയാന്‍ സിബി ഐ യും പുറത്തിറങ്ങി. ഈ ചിത്രങ്ങളുടെ വിജയ ശേഷമാണ് ചിത്രത്തിന് അഞ്ചാം ഭാഗം ഒരുക്കുന്നത്. എസ് എന്‍ സ്വാമിയാണ് കുറ്റാന്വേഷണ ചിത്രങ്ങള്‍ക്ക് തിരക്കഥ ഒരുക്കിയത്. അലി ഇമ്രാന്‍ എന്നായിരുന്നു അദ്ദേഹം കഥാപാത്രത്തിന് പേര് നല്‍കിയതെന്നും സംവിധായകന്‍ വ്യക്തമാക്കിയിരുന്നു.

മമ്മൂട്ടിയുടെ സംഭാവന

അലി ഇമ്രാനെ മമ്മൂട്ടിയാണ് സേതുരാമയ്യരാക്കി മാറ്റിയത്. സേതുരാമയ്യരുടെ പ്രധാന മാനറിസങ്ങളിലൊന്നായ കൈ പിന്നില്‍ കെട്ടുന്ന ആക്ഷന്‍ മമ്മൂട്ടി സ്വന്തം ഇഷ്ടപ്രകാരം സംഭാവന ചെയ്തതാണ്. അതും ക്ലിക്കായി. പിന്നീട് എല്ലാ ചിത്രങ്ങളിലും അത് പരീക്ഷിക്കുകയായിരുന്നു. 1988 ല്‍ സിബി ഐ ഡയറിക്കുറിപ്പ്, 1989 ല്‍ ജാഗ്രത, 2004 ല്‍ സേതുരാമയ്യര്‍ സിബി ഐ, 2005 ല്‍ നേരറിയാന്‍ സിബി ഐ എന്നീ ചിത്രങ്ങളാണ് ഇതുവരെ ഇറങ്ങിയത്. ഇതുവരെയുള്ള ചിത്രങ്ങളെല്ലാം ഒരുക്കിയത് യഥാര്‍ത്ഥ സംഭവത്തെ ആസ്പദമാക്കിയാണ്.

അഞ്ചാം ഭാഗം തുടങ്ങുന്നത്?

എന്‍ എസ് സ്വാമിയുടെ തിരക്കഥയില്‍ കെ മധു തന്നെയാണ് ചിത്രത്തിന്റെ അഞ്ചാം ഭാഗത്തിന് പിന്നിലും. ചിത്രത്തിന് ഇതുവരെ പേര് നിശ്ചയിച്ചിട്ടില്ല. സ്വര്‍ഗ്ഗ ചിത്രയുടെ ബാനറില്‍ കെ അപ്പച്ചനാണ് പുതിയ ചിത്രം ഒരുക്കുന്നത്. മാമാങ്കത്തില്‍ അഭിനയിച്ചുകൊണ്ടിരിക്കുകയാണ് മമ്മൂട്ടി ഇപ്പോള്‍. ഇതിന് പിന്നാലെയായി രമേഷ് പിഷാരടിയുടെ ഗാനഗന്ധര്‍വ്വനിലാണ് അദ്ദേഹം അഭിനയിക്കുന്നത്. സിനിമയുടെ ചിത്രീകരണത്തെക്കുറിച്ച് ചര്‍ച്ച ചെയ്യുന്നതിനായി നിര്‍മ്മാതാവായ സ്വര്‍ഗചിത്ര അപ്പച്ചന്‍
മെഗാസ്റ്റാറുമായി കൂടിക്കാഴ്ച നടത്തുമെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. ഓണത്തിന് റിലീസ് ചെയ്യുന്ന തരത്തില്‍ സിനിമ ചിത്രീകരിക്കാനുള്ള നീക്കമാണ് അണിയറപ്രവര്‍ത്തകര്‍ നടത്തുന്നത്.