രാജകുടുംബമായ ക്രിക്കറ്റ് താരവുമായി പ്രണയത്തിലായി; നടി മാധുരി ദീക്ഷിതിന്റെ പ്രണയം തകര്‍ന്നതിന് കാരണമിത്

Published: Tuesday, July 5, 2022, 15:12 [IST]

ബോളിവുഡിലെ എക്കാലത്തെയും മുന്‍നിര നടിയാണ് മാധുരി ദീക്ഷിത്. തൊണ്ണൂറുകളില്‍ ഇന്ത്യയിലെ സൂപ്പര്‍സ്റ്റാറും മാധുരിയാണെന്ന് പറയാം. ലോകം മുഴുവന്‍ ആരാധകരെ നേടിയെ മാധുരിയെ കുറിച്ച് രസകരമായ കാര്യങ്ങളാണ് സോഷ്യല്‍ മീഡിയയിലൂടെ ഇടയ്ക്ക് വൈറലാവുന്നത്. വിവാഹത്തിന് മുന്‍പ് മാധുരിയ്ക്ക് ഉണ്ടായിരുന്ന പ്രണയത്തെ കുറിച്ചും അത് തകരാനുണ്ടായ കാരണവുമാണ് ഇപ്പോള്‍ വീണ്ടും പ്രചരിക്കുന്നത്.

ഇപ്പോഴിതാ മുന്‍ ക്രിക്കറ്റ് താരം അജയ് ജഡേജയുമായിട്ടുള്ള മാധുരിയുടെ സൗഹൃദത്തെ കുറിച്ച് നിരവധി കഥകള്‍ പ്രചരിച്ചിട്ടുണ്ട്. ഇന്ത്യന്‍ ക്രിക്കറ്റില്‍ ശ്രദ്ധേയ സാന്നിധ്യമായിരുന്ന ജഡേജയും മാധുരിയും ഒരിക്കല്‍ ഒരു ഫോട്ടോഷൂട്ടില്‍ പങ്കെടുത്തിരുന്നു. ഒരു മാഗസിന് വേണ്ടിയുള്ള ഫോട്ടോഷൂട്ട് ആയിരുന്നത്. അന്ന് തുടങ്ങിയ സൗഹൃദം പ്രണയമായെന്ന തരത്തിലേക്ക് എത്തി. നിരവധി ഗോസിപ്പുകളും പ്രചരിച്ചിരുന്നു.

അജയ് ജഡേജയുമായി നടി മാധുരിയ്ക്ക് ഉണ്ടായ പ്രണയകഥ

കുറച്ച് കാലം ഡേറ്റിങ്ങ് ചെയ്ത താരങ്ങള്‍ ചുരുങ്ങിയ നാളുകളില്‍ പ്രണയത്തിലായി. എന്നാല്‍ ഇത് ജഡേജയുടെ കളിയെ ബാധിച്ചു. ഇതോടെ കരിയറില്‍ ശ്രദ്ധിക്കണമെന്ന് ജഡേജയ്ക്ക് കുടുംബം മുന്നറിപ്പ് നല്‍കി. എന്നിട്ടും ഇരുവരും പ്രണയവുമായി മുന്നോട്ട് പോയി. ഇടയ്ക്ക് അഭിനയത്തോട് താല്‍പര്യം തോന്നിയ ജഡേജ സിനിമയില്‍ അഭിനയിക്കാനും ശ്രമിച്ചു. അന്ന് മാധുരി നിര്‍മാതാക്കളോട് ജഡേജയുടെ കാര്യം സംസാരിച്ചിരുന്നതായിട്ടും റിപ്പോര്‍ട്ടുകളുണ്ട്.

രാജകുടുംബത്തില്‍ ജനിച്ച ആളായത് കൊണ്ടും മാധുരി സാധാരണ കുടുംബമാണെന്നതും പ്രശ്‌നമായി

അതേ സമയം വിവാഹം കഴിക്കാനും താരങ്ങള്‍ തീരുമാനിച്ചു. പക്ഷേ ആ ബന്ധം ജഡേജയുടെ കുടുംബം അംഗീകരിച്ചില്ല. താരം രാജകുടുംബത്തില്‍ ജനിച്ച ആളായത് കൊണ്ടും മാധുരി സാധാരണ കുടുംബമാണെന്നതും പ്രശ്‌നമായി. ജഡേജയുടെ കുടുംബത്തിന്റെ ഇഷ്ടക്കുറവ് തന്നെയാണ് വിവാഹമെന്ന സ്വ്പനം താരങ്ങള്‍ക്ക് അവസാനിപ്പിക്കേണ്ടി വന്നത്. എന്നിരുന്നാലും പ്രണയം ഇരുവരും മുന്നോട്ട് കൊണ്ട് പോവുക തന്നെ ചെയ്തു.

എന്നാല്‍ ജഡേജയുടെ പേര് ഒത്തുകളി വിവാദത്തില്‍ കുടുങ്ങിയതോടെയാണ് ഈ ബന്ധം അവസാനിക്കുന്നത്. 1999 ലാണ് ഈ സംഭവം നടക്കുന്നത്. ക്രിക്കറ്റ് താരം അസ്ഹറുദ്ദീനൊപ്പം ഒത്തുകളിച്ചെന്ന ആരോപണത്തിന് പിന്നാലെ ജഡേജ കുറ്റക്കാരനാണെന്ന് കണ്ടെത്തി. ഇതേ തുടര്‍ന്നാണ് മാധുരി ഈ ബന്ധത്തില്‍ നിന്നും അകന്നത്. അതിന് ശേഷം അമേരിക്കയിലേക്ക് പോയ മാധുരി ഭര്‍ത്താവ് നെനെയുമായി വീണ്ടും അടുത്തു. അങ്ങനെ എല്ലാം നല്ല രീതിയില്‍ തന്നെ അവസാനിച്ചു.

Recommended Video