വിവാഹ നിശ്ചയം കഴിഞ്ഞതിന് പിന്നാലെ നിരന്തരം ഓഫറുകൾ; രശ്മികയുടെ മുടങ്ങിയ വിവാഹത്തിൽ സംഭവിച്ചത്

തെലുങ്ക് സിനിമകളായ ​ഗീതാ ​ഗോവിന്ദം, ഡിയർ കംറേഡ് തുടങ്ങിയ ചിത്രങ്ങളുടെ വിജയത്തോടെ ഹിറ്റ് നായികയായി രശ്മിക വളർന്നു. ചുരുങ്ങിയ കാലത്തിനുള്ളിൽ തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരുടെ പട്ടികയിലും രശ്മിക ഇടം നേടി.

നാല് കോടി രൂപയോളമാണ് ഒരു സിനിമയ്ക്ക് രശ്മിക വാങ്ങുന്നത്. പുഷ്പയുടെ രണ്ടാം ഭാ​ഗത്തിൽ 8 കോടിക്കും 10 കോടിക്കും ഇടയിലാണ് നടിയുടെ പ്രതിഫലമെന്നാണ് ബോളിവുഡ് ഹം​ഗാമയുടെ റിപ്പോർട്ട്. അങ്ങനെയെങ്കിൽ തെന്നിന്ത്യയിൽ ഏറ്റവും ഉയർന്ന പ്രതിഫലം വാങ്ങുന്ന നായികയായി മാറും.

കരിയറിലെ മികച്ച സമയത്ത് നിൽക്കുന്ന രശ്മിക ഒരുവേള സിനിമാ മേഖലയിൽ നിന്ന് മാറി വിവാ​ഹം കഴിക്കാനൊരുങ്ങിയതായിരുന്നു. വിവാഹ നിശ്ചയവും കഴിഞ്ഞതാണ്. പക്ഷെ ഈ വിവാഹം പിന്നെ ഇരു കൂട്ടരും വേണ്ടെന്ന് വെക്കുകയായിരുന്നു. കന്നഡ നടനും നിർമാതാവുമായ രക്ഷിത് ഷെട്ടിയെ ആയിരുന്നു രശ്മിക വിവാഹം കഴിക്കാനിരുന്നത്.

നടിയുടെ ആദ്യ ചിത്രമായ കിരിക് പാർട്ടിയിലെ നായകനായിരുന്നു ഇദ്ദേഹം. ഷൂട്ടിം​ഗിനിടെ പ്രണയത്തിലായ ഇരുവരും വിവാഹം കഴിക്കാൻ തീരുമാനിച്ചു. 2017 ജൂലൈ മൂന്നിന് ഇവരുടെ വിവാഹ നിശ്ചയവും കഴിഞ്ഞു. എന്നാൽ കുറച്ചു നാളുകൾക്കുള്ളിൽ വിവാഹത്തിൽ നിന്നും ഇരുവരും പിൻമാറി.

റിപ്പോർട്ടുകൾ പ്രകാരം രശ്മികയ്ക്ക് ഈ സമയത്ത് തെലുങ്ക് സിനിമയിൽ നിന്നും നിരന്തരം ഓഫറുകളും വന്നിരുന്നു. വിവാഹ നിശ്ചയ സമയത്ത് നടിക്ക് 21 വയസ്സായിരുന്നു പ്രായം. തെന്നിന്ത്യയിൽ നായിക നടിയായി ഉയരാൻ എല്ലാ സാധ്യതകളുമുള്ള രശ്മിക ഇപ്പോൾ വിവാഹം കഴിക്കുന്നത് അനുചിതമാണെന്ന് പല ദിക്കിൽ നിന്നും നടിക്ക് ഉപദേശം ലഭിച്ചതായാണ് സാൻഡൽവുഡ് മാധ്യമങ്ങളിലെ റിപ്പോർട്ട്.

കരിയറിൽ ശ്രദ്ധ കൊടുക്കാൻ വേണ്ടി ഒടുവിൽ നടി വിവാഹം വേണ്ടെന്ന് വെക്കുകയും വരനും വിവാഹത്തിൽ നിന്ന് പിൻമാറുകയുമായിരുന്നു.

വ്യക്തിപരമായ വളരെ ബുദ്ധിമുട്ടുള്ള തീരുമാനമായിരുന്നു രശ്മിക അന്ന് എടുത്തതെന്നും എന്നാൽ നടി കരിയറിന് പ്രാമുഖ്യം നൽകാൻ തീരുമാനിക്കുകയായിരുന്നെന്നുമാണ് താരത്തിന്റെ അടുത്ത വൃത്തങ്ങൾ അന്ന് വ്യക്തമാക്കിയത്. പിന്നാലെ രശ്മികയ്ക്കെതിരെ പല പ്രചരണങ്ങളും വന്നു. എന്നാൽ ഇതിനെതിരെ വിവാഹം കഴിക്കാനിരുന്ന രക്ഷിത് ഷെട്ടി തന്നെ രം​ഗത്തെത്തി.

Recommended Video

Rashmika mandana's fan traveled 900 km to see her | FilmiBeat Malayalam

രശ്മികയെക്കുറിച്ച് നിങ്ങൾക്ക് പലതരം അഭിപ്രായങ്ങളാണ്. അതിന് നിങ്ങളെ കുറ്റം പറയാൻ പറ്റില്ല. കാരണം അങ്ങനെയാണ് സംഭവങ്ങൾ പുറമേക്ക് കാണുന്നത്. രണ്ട് വർഷത്തിലേറെ കാലം രശ്മികയെ അടുത്തറിഞ്ഞയാളാണ് ഞാൻ. അവളെ നിങ്ങളേക്കാളും നന്നായി എനിക്കറിയാം.

ഈ സംഭവത്തിൽ മറ്റ് പല ഘടകങ്ങളും ഉണ്ട്. രശ്മികയ്ക്ക് സമാധാനം നൽകുക എന്നായിരുന്നു രക്ഷിത് ഷെട്ടിയുടെ പ്രതികരണം. ശേഷം ഈ വിവാദങ്ങൾ കെട്ടടങ്ങി. പിന്നീട് കരിയറിലേക്ക് ശ്രദ്ധ കൊടുത്ത രശ്മിക ബോളിവുഡിൽ മിഷൻ മഞ്ജു എന്ന ചിത്രത്തിലൂടെ അരങ്ങേറ്റം കുറക്കാനൊരുങ്ങുകയാണ്. സിദ്ധാർത്ഥ് മൽഹോത്രയാണ് ചിത്രത്തിലെ നായകൻ.