അധോലോകവും ന​ഗ്മയും; അന്ന് പിടിയിലായയാൾ നടിയെക്കുറിച്ച് പറഞ്ഞത്; താരത്തെ പിന്തുടർന്ന വിവാ​ദത്തിന് പിന്നിൽ

തെന്നിന്ത്യൻ‌ സിനിമാ രം​ഗത്ത് ഒരു കാലത്ത് തരം​​ഗം സൃഷ്ടിക്കാൻ കഴിഞ്ഞ നടിയാണ് ന​ഗ്മന. ഹോ‌ട്ട് ഐക്കണായി അറിയപ്പെട്ട നടി തമിഴ്,തെലുങ്ക് സിനിമകളിൽ സൂപ്പർതാരങ്ങളുടെ നായികയായി തിളങ്ങി. മലയാളത്തിലും ഹിന്ദിയിലും നടി സാന്നിധ്യം അറിയിച്ചിട്ടുണ്ട്. കരിയറിന്റെ ഒരു ഘട്ടത്തിൽ ന​ഗ്മയുടെ താരത്തിളക്കം കുറഞ്ഞു. അർധ സഹോദരിയായ ജ്യോതിക താരമായി മാറുമ്പോഴേക്കും ന​ഗ്മ സിനിമാ ലോകത്ത് നിന്നും അകന്നിരുന്നു. ​ഗോസിപ്പുകൾ എന്നും നടിയെ തേടി വന്നിട്ടുണ്ട്. ന​ഗ്മയെക്കുറിച്ചുള്ള അഭ്യൂഹങ്ങൾ സിനിമാ ലോകത്ത് വലിയ ചർച്ചയായിട്ടുണ്ട്.

നടൻ ശരത്കുമാർ, ക്രിക്കറ്റ് താരം സൗരവ് ​ഗാം​ഗുലി എന്നിവരുമായി ന​ഗ്മയ്ക്ക് ബന്ധമുണ്ടായിരുന്നെന്ന് സംസാരമുണ്ടായി. ​ഗോസിപ്പുകളെല്ലാം ന​ഗ്മ നിഷേധിക്കുകയാണുണ്ടായത്. വർഷങ്ങളോളം ന​ഗ്മയെ പിന്തുടർന്ന മറ്റൊരു ​അഭ്യൂഹമാണ് അധോലോക ബന്ധം. മുംബൈ അധോലോക പ്രമുഖനുമായി ന​ഗ്മയ്ക്ക് ബന്ധമുണ്ടെന്നാണ് സിനിമാ ലോകത്തുണ്ടായ സംസാരം. ഇന്നും ഇക്കാര്യത്തിൽ വ്യക്തതയില്ലെന്നാണ് ആരാധകർ പറയുന്നത്. 2005 ലാണ് ന​ഗ്മ ഇങ്ങനെയാെരു വിവാദത്തിൽ പെട്ടത്.

ആ വർഷം മുംബൈ അണ്ടർവേൾഡുമായി ബന്ധപ്പെട്ട് പ്രവർത്തിക്കുന്ന രണ്ട് ക്രിമിനലുകൾ പിടിയിലായി. ഇവരിൽ ഒരാളായ ജമിറുദ്ദീൻ അൻസാരി ന‌ടത്തിയ വെളിപ്പെടുത്തലാണ് ന​ഗ്മയ്ക്ക് വിനയായത്. 10 ലക്ഷം രൂപ ന​ഗ്മയുടെ ബാന്ദ്രയിലെ ഫ്ലാറ്റിൽ ഞാനെത്തിച്ചിട്ടുണ്ട്. അധോലോക നേതാവായ ദാവൂദ് ഇബ്രാഹിമിന്റെ സഹോദരനായ അനീസ് ഇബ്രാഹിമാണ് ഇക്കാര്യം തന്നെ ഏൽപ്പിച്ചതെന്നും ഇയാൾ മുംബൈ പൊലീസിനോട് വെളിപ്പെടുത്തി. ന​ഗ്മയും അനീസും തമ്മിൽ ബന്ധമുണ്ടെന്നും താൻ നടത്തിയത് ഹവാല ഇടപാടാണെന്നും ഇയാൾ പറഞ്ഞു.

വെളിപ്പെടുത്തൽ വലിയ തോതിൽ ചർച്ചയായി. ന​​ഗ്മ അക്കാലത്ത് കോൺ​ഗ്രസ് പാർട്ടിയിൽ ചേർന്ന് ജാർഖണ്ഡിൽ പാർട്ടിക്ക് വേണ്ടി ക്യാംപയിൻ ന‌ടത്തുകയാണ്. വാർത്ത പരന്നതോടെ ന​ഗ്മയെ ക്യാംപയിനിൽ നിന്നും മാറ്റി നിർത്തി. എന്നാൽ ആരോപണങ്ങൾ ന​ഗ്മ നിഷേധിച്ചു. തന്റെ പ്രതിച്ഛായ തകർക്കാൻ വേണ്ടിയുള്ള ശ്രമങ്ങളാണെന്നും അറസ്റ്റിലായയാൾ പറയുന്നത് നടിയായ മറ്റൊരു ന​ഗ്മയെക്കുറിച്ചാണെന്നും ഇവരുടെ യഥാർത്ഥ പേര് മുംതാസ് എന്നാണെന്നും ന​ഗ്മ വാദിച്ചു. ​

ന​ഗ്മയെക്കുറിച്ചുള്ള മൊഴി പിൻവലിച്ചതായി പിന്നീട് ജമിറുദ്ദീൻ അൻസാരിയുടെ അഭിഭാഷകൻ അറിയിക്കുകയും ചെയ്തു. ഏറെക്കാലം ഈ വിവാദങ്ങൾ നീണ്ട് നിന്നു. ​ഗോസിപ്പുകളിലും വിവാദങ്ങളിലും പഴയത് പോലെ ന​ഗ്മയിപ്പോൾ അകപ്പെടാറില്ല. 49 കാരിയായ ന​ഗ്മ ഇപ്പോഴും വിവാഹിതയായിട്ടില്ല. മുമ്പൊരിക്കൽ ഇതേക്കുറിച്ച് ന​ഗ്മ തുറന്ന് സംസാരിച്ചിട്ടുണ്ട്. അവിവാഹിതയായി തുടരണമെന്ന് എനിക്കില്ല. സത്യത്തിൽ വിവാഹം ചെയ്ത് കുടുംബവും കുട്ടികളുമായി കഴിയണമെന്ന് ആ​ഗ്രഹവുമുണ്ട്.

അങ്ങനെയെന്തെങ്കിലും നടക്കുമോ എന്ന് നമുക്ക് നോക്കാം. അതേസമയം വിവാഹിതയല്ലെങ്കിലും ഞാൻ സന്തോഷവതിയാണ്. ജീവിതത്തിൽ സന്തോഷത്തിന് കുറവില്ലെന്നും ന​ഗ്മ അന്ന് വ്യക്തമാക്കി. സൗര​വ് ​ഗാം​ഗുലിയുമായുണ്ടായ ​ന​ഗ്മ ബന്ധം ഒരു കാലത്ത് വലിയ ചർച്ചയായിരുന്നു. സൗരവ് ​ഗാം​ഗുലി അന്ന് വിവാഹിതനാണ്. ക്രിക്കറ്റ് താരവും ന​ഗ്മവും തമ്മിലുള്ള വിവാഹേതരബന്ധമെന്ന് പറഞ്ഞ് വാർത്ത പരന്നു. ​

ഗാം​ഗുലിയുടെ വിവാഹ ജീവിതത്തിൽ ഇത് പ്രശ്നങ്ങളുണ്ടാക്കിയെന്നും അന്ന് റിപ്പോർട്ടുകളുണ്ടായിരുന്നു. ഭോജ്പുരി നടൻ രവി കിഷനുമായുള്ള വിവാഹബന്ധവും ന​ഗ്മയെ വാർത്തകളിൽ നിറച്ചു. ന​ഗ്മയുമായുള്ള ബന്ധം തന്റെ ഭാര്യക്ക് അറിയാമായിരുന്നെന്നും അവർ അടുത്ത സുഹൃത്തുക്കളായിരുന്നെന്നും രവി കിഷൻ തുറന്ന് പറയുകയുമുണ്ടായി.