മിസ് യുഎസ്എ സ്ട്രിപ്റ്റീസ് വിവാദത്തില്‍

| Published: Tuesday, May 18, 2010, 16:28 [IST]

ഈവര്‍ഷത്തെ മിസ് യുഎസ്എ ആയി തിരഞ്ഞെടുക്കപ്പെട്ടത് ലബനീസ് വംശജയായ മിസ് മിഷിഗണ്‍ റീമ ഫക്കീ ആണ്. മിസ് യു എസ് എ ആയിട്ട് ദിവസം ഒന്ന് കഴിഞ്ഞില്ല. അതിനിടയില്‍ വിവാദത്തില്‍ അകപ്പെട്ടിരിയ്ക്കുകയാണ് റീമ. റീമയുടെ ഫേസ് ബുക്ക് പേജ് കാണാം.

മിസ് അമേരിയ്ക്ക ആവുന്ന ആദ്യത്തെ അറബ് വംശജ ആയിരിയ്ക്കും റീമ. പക്ഷേ അതൊന്നുമല്ല ഇപ്പോള്‍ വിവാദമായിരിയ്ക്കുന്നത്.
ഈ 24കാരി കുറച്ച് കാലം മുമ്പ് ഒരു സ്ട്രിപ്റ്റീസ് പോള്‍ ഡാന്‍സിംങ് മത്സരത്തില്‍ പങ്കെടുത്തിരുന്നത്രെ. മോജോ എന്ന റേഡിയൊ സ്റ്റേഷനാണ് ഈ മത്സരം സംഘടിപ്പിച്ചത്. ഇപ്പോള്‍ റീമയുടെ ആ ചിത്രങ്ങളുമായി എത്തിയിരിയ്ക്കുകയാണ് ഈ റേഡിയൊ സ്റ്റേഷന്‍.മത്സരത്തില്‍ കിട്ടിയ സമ്മാനങ്ങള്‍ റീമ സ്വീകരിയ്ക്കുകയും ചെയ്തത്രെ. റീമയുടെ യുഎസ്എ സുന്ദരി പട്ടം തന്നെ തെറിയ്കുമോയെന്ന് കാണേണ്ടിയിരിയ്ക്കുന്നു.

നീല ടോപ്പും ചുവന്ന ചെറു നിക്കറുമണിഞ്ഞ് മത്സരത്തില്‍ പങ്കെടുത്ത റീമ വിവസ്ത്രയായില്ലെന്ന് മോജോ സാക്ഷ്യപ്പെടുത്തുന്നുണ്ട്. അത്രയും ആശ്വാസം.

റീമയുടെ വീഡിയൊ കാണൂ.