നഗ്ന ചിത്രങ്ങള്‍ പുറത്ത് വിടുമെന്ന് ഭീഷണി; ഒടുവിൽ നടി തന്നെ പുറത്ത് വിട്ടു... പൊട്ടിത്തെറിച്ച് നടി

നഗ്ന ചിത്ര ഭീഷണി

ബെല്ല തോണിന്റെ നഗ്ന ചിത്രങ്ങള്‍ പുറത്ത് വിടും എന്നായിരുന്നു ഒരു ഹാക്കറുടെ ഭീഷണി. ബെല്ലയുടെ ചിത്രങ്ങള്‍ അവര്‍ക്ക് തന്നെ അയച്ചുകൊടുത്തുകൊണ്ടായിരുന്നു ഇത്. ഏതൊരു സ്ത്രീയേയും പോലെ ബെല്ല തോണും ഈ പ്രശ്‌നത്തില്‍ ആകെ അമ്പരന്നിരുന്നു എന്ന് തന്നെ ഊഹിക്കേണ്ടി വരും. പക്ഷേ, അതില്‍ തളര്‍ന്നുപോകാന്‍ ബെല്ല തയ്യാറല്ലായിരുന്നു.

സ്വയം പുറത്ത് വിട്ടു

ഒരു കൂട്ടം ചിത്രങ്ങള്‍ പുറത്ത് വിട്ടുകൊണ്ടായിരുന്നു ബെല്ല തോണിന്റെ പ്രതികരണം. തന്റെ ട്വിറ്റര്‍ അക്കൗണ്ട് വഴി തന്നെ ആയിരുന്നു ബെല്ല ഈ ചിത്രങ്ങള്‍ പുറത്ത് വിട്ടത്. ഹാക്കര്‍ വാട്‌സ് ആപ്പില്‍ ചിത്രങ്ങള്‍ അയച്ച് ഭീഷണിപ്പെടുത്തിയതിന്റെ സ്‌ക്രീന്‍ ഷോട്ടുകള്‍ സഹിതം ആയിരുന്നു ബെല്ലയുടെ പ്രതികരണം.

24 മണിക്കൂറുകള്‍

നഗ്ന ചിത്രങ്ങള്‍ പുറത്ത് വിടും എന്ന ഭീഷണിയില്‍ ആയിരുന്നു താന്‍ കഴിഞ്ഞ 24 മണിക്കൂറില്‍ ഉണ്ടായിരുന്നത്. അത്രയേറെ അസ്വസ്ഥതയുണ്ടാക്കുന്നതായിരുന്നു അത്. തനിക്ക് ഏറ്റവും പ്രത്യേകതയുള്ള ഒരാള്‍ കാണേണ്ട കാര്യങ്ങള്‍ ആരോ തന്നില്‍ നിന്ന് എടുത്ത് കൊണ്ടുപോയതുപോലെ ആണ് തോന്നിയത് എന്നാണ് ബെല്ല പറയുന്നത്.

ഇനി വയ്യ

ഏറെ നേരം അയാള്‍ക്ക് തന്നെ ബുദ്ധിമുട്ടിക്കാന്‍ കഴിഞ്ഞു. ഇനി എന്തായാലും അത് അനുവദിക്കില്ല. തന്നില്‍ നിന്ന് ഇനിയൊന്നും എടുക്കാന്‍ അയാളെ അനവദിക്കില്ലെന്നും വ്യക്തമാക്കിക്കൊണ്ടായിരുന്നു ബെല്ലയുടെ ട്വീറ്റ്. ഇന്ന് രാത്രി തനിക്ക് സമാധാനമായി ഉറങ്ങാമെന്നും, നിങ്ങള്‍ക്ക് ഇനിയൊരിക്കലും തന്റെ ജീവിതം നിയന്ത്രിക്കാന്‍ ആവില്ലെന്നും ബെല്ല ട്വീറ്റില്‍ പറയുന്നുണ്ട്.

ഹോളിവുഡ് ദുരന്തങ്ങള്‍

എന്തായാലും ഇത്തരത്തില്‍ സോഷ്യല്‍ മീഡിയ അക്കൗണ്ടുകള്‍ ഹാക്ക് ചെയ്യപ്പെടുന്ന ആദ്യ ഹോളിവുഡ് നടിയല്ല ബെല്ല തോണ്‍. ജെന്നിഫര്‍ ലോറന്‍സ്, ഓേ്രബ പ്ലാസ, കേറ്റ് അപ്ടണ്‍ തുടങ്ങിയ പല പ്രമുഖരുടേയും അക്കൗണ്ടുകള്‍ ഹാക്ക് ചെയ്യപ്പെടുകയും അവരുടെ സ്വകാര്യ ചിത്രങ്ങള്‍ പുറത്താവുകയും ചെയ്തിരുന്നു.