വിറപ്പിക്കാന്‍ വീണ്ടും എത്തുന്നു കണ്‍ജറിങ് രണ്ടാം ഭാഗം, ട്രെയിലര്‍ കാണൂ

ജെയിംസ് വാന്റെ സൂപ്പര്‍നാച്വറല്‍ ഹോറര്‍ ചിത്രമായ കണ്‍ജറിങിന് രണ്ടാം ഭാഗം വരുന്നു. ഒന്നാം ഭാഗത്തില്‍ കേന്ദ്ര കഥാപാത്രങ്ങളെ അവതരിപ്പിച്ച പാട്രിക് വില്‍സണും വേറാ ഫാര്‍മികയും തന്നെയാണ് ചിത്രത്തിന്റെ രണ്ടാം ഭാഗത്തിലും അഭിനയിക്കുന്നത്. ഇപ്പോഴിതാ ചിത്രത്തിന്റെ രണ്ടാം ഭാഗം ട്രെയിലര്‍ പുറത്തിറങ്ങി.

ദി എന്‍ഫീല്‍ഡ് പോള്‍ട്ടെര്‍ഗെയ്‌സ്റ്റ് എന്നാണ് രണ്ടാം ഭാഗത്തിന്റെ പേര്. ചിത്രത്തിന്റെ ആദ്യ ഭാഗത്തേക്കാള്‍ ഭയപ്പെടുത്തുന്ന രീതിയിലായിരിക്കും ചിത്രത്തിന്റെ രണ്ടാം ഭാഗം എന്നാണ് ട്രെയിലര്‍ നല്‍കുന്ന സൂചന.

പാട്രിക് വില്‍സണ്‍, വേര ഫാര്‍മിക എന്നിവര്‍ക്കൊപ്പം ഫ്രാന്‍സസ്, സൈമണ്‍ എന്നിവരും മറ്റ് പ്രധാന വേഷങ്ങളില്‍ എത്തുന്നുണ്ട്. ജോസഫ് ബിഷാരയാണ് ചിത്രത്തിന്റെ സംഗീത സംവിധാനം നര്‍വ്വഹിക്കുന്നത്. ജൂണ്‍ 10ന് ചിത്രം തിയേറ്ററുകളില്‍ പ്രദര്‍ശനത്തിനെത്തും.

2013ലാണ് കണ്‍ജറിങിന്റെ ആദ്യ ഭാഗം പ്രദര്‍നത്തിനെത്തിയത്. രണ്ടാം ഭാഗം ട്രെയിലര്‍ കാണൂ..