ആലിയയെ മാത്രമല്ല രൺബീർ രഹസ്യമായി ഫോളോ ചെയ്യുന്നത്!! താരം രഹസ്യമായി പിന്തുടർന്നത് ഇവരെയും...

രൺബീർ ഫോളോ ചെയ്യുന്നത് ഇവരെ

വെരിഫൈഡ് സോഷ്യൽ മീഡിയ പേജുകൾ ഇല്ലെങ്കിലും രൺബീർ ഇൻസ്റ്റാഗ്രാം, ട്വിറ്റർ, ഫേസ്ബുക്ക് എന്നിവയിൽ താരത്തിന് രഹസ്യമായ അക്കൗണ്ടുകളുണ്ട്. ഇതിലൂടെയാണ് താരം ചില സഹതാരങ്ങളേയും മറ്റും ഫോളോ ചെയ്യാറുണ്ട്. ഫേക്ക് ഇൻസ്റ്റാഗ്രം അക്കൗണ്ടിലൂടെ കാമുകി ആലിയ ഭട്ട്, മുൻ കാമുകിമാരായ ദീപിക പദുകോൺ, കത്രീന കൈഫ്, നടൻ രൺവീർ സിംഗ് എന്നിവരെയാണ് താരം രഹസ്യമായി ഫോളോ ചെയ്യാറുള്ളത്രേ.

ആലിയയും തുറന്ന് സമ്മതിച്ചു

രൺബീറിന് ഫേക്ക് ഇൻസ്റ്റാഗ്രാം ഐഡിയുണ്ടെന്ന് ആലിയയും തുറന്ന് സമ്മതിച്ചിട്ടുണ്ട്. സ്വന്തം പേരിൽ അല്ലെന്നും മറ്റൊരു പേരിലാണ് ഇൻസ്റ്റഗ്രാമിൽ അക്കൗണ്ട് ഉള്ളതെന്നും ആലിയ പറഞ്ഞു. കോഫി വിത്ത് കരൺ ഷോയിൽ ആലിയ അതിഥിയായി എത്തിയപ്പോഴാണ് ഈ സംഭവം തുറന്ന് പറഞ്ഞത്. ഇതേ കാര്യം കത്രീനയും ദീപികയും സമ്മതിച്ചിട്ടുണ്ട്.

കത്രീന

തനിയ്ക്ക് ഇൻസ്റ്റാഗ്രാം പരിചയപ്പെടുത്തി നൽകിയ രൺബീറാണെന്ന് കത്രീന പറഞ്ഞു. അർബാസ് ഖാൻ അവതരിപ്പിക്കുന്ന ചാറ്റ് ഷോയിൽ എത്തിയപ്പോഴാണ് കത്രീന ഇക്കാര്യം പറഞ്ഞത്.അതപോലെ തന്നെ രൺബീറിനു വ്യാജ അക്കൗണ്ടുകൾ ഉണ്ടെന്നും ഇതുവഴി ഫോളോ ചെയ്യുന്നുണ്ടെന്നും കത്രീന തുറന്നു പറഞ്ഞു. ഇതിനെ കുറിച്ച് ദീപികയും വെളിപ്പെടുത്തിയിരുന്നു.

പുതിയ സിനിമയ്ക്കായി തയ്യാറെടുക്കുന്നു

ബോളിവുഡ് പ്രേക്ഷകർ ആകാംക്ഷയോടെ കാത്തിരിക്കുന്ന ചിത്ര രൺബീർ ചിത്രമാണ് ബ്രഹ്മാസ്ത്ര. രൺബീർ- ആലിയ എന്നിവർ ആദ്യമായി ഒരുമിച്ചെത്തിന്ന ചിത്രമാണിത്.സൂപ്പർ പവറുകളുള്ള, വിരലുകൾ കൊണ്ട് വെടിയുതിർക്കാൻ കഴിവുള്ള ഡി.ജെ. ആയാണ് രൺബീറിന്റെ വേഷം. 2020 വേനൽക്കാലത്ത് തിയേറ്ററിൽ എത്തുന്ന ചിത്രമാണിത്.