സിനിമ വേണമെങ്കിൽ ലൈംഗികത്വം രഹസ്യമാക്കൂ! ഞാൻ ബൈസെക്ഷ്വലാണ്, വെളിപ്പെടുത്തി 'ട്വിലൈറ്റ്' താരം

ലൈംഗികത്വം മറച്ചു പിടിച്ചാൽ മാത്രമേ കരിയറിൽ ഉയർച്ചയുണ്ടാകു എന്നുള്ള നിർദ്ദേശം തനിയ്ക്ക് ലഭിച്ചിരുന്നു എന്ന് ക്രിസ്റ്റിൻ സ്റ്റുവെർട്ട് പറഞ്ഞു. കൂടാതെ താൻ ഒരു ബൈസെക്ഷ്വലാണെന്ന് പറഞ്ഞാൽ പല വലിയ ചിത്രങ്ങളിൽ നിന്നുള്ള അവസരങ്ങൾ നഷ്ടപ്പെടുമെന്നും പലരും തന്നോട് പറഞ്ഞിട്ടുണ്ടെന്നും നടി കൂട്ടിച്ചേർത്തു. എന്നാൽ ഇതൊന്നും ചെവി കൊള്ളാതെ വ്യക്തി ജീവിതത്തിൽ താരം എടുത്ത തീരുമാനം ശ്രദ്ധിക്കപ്പെട്ടിരുന്നു. കരിയറിനെ ബാധിക്കുമോ എന്ന് നോക്കി വ്യക്തിജീവിതത്തിൽ തീരുമാനമെടുക്കാനാവില്ലെന്നും ക്രിസ്റ്റിൻ പറയുന്നു.

നിങ്ങളുടെ പെൺസുഹൃത്തിനോടൊപ്പം കയ്യും പിടിച്ച് പൊതുനിരത്തിൽ ഇറങ്ങി നടന്നാൽ മാർവൽ സിനിമകളിൽ അവസരം ലഭിച്ചേക്കില്ലെന്ന് തന്നോട് തുറന്നു പറഞ്ഞവരുണ്ട്. എന്നാൽ അങ്ങനെയുള്ള മനുഷ്യർക്കൊപ്പം എനിക്ക് ജോലി ചെയ്യേണ്ട . ജീവിതത്തിൽ ഒരുപാട് മാറ്റങ്ങൾ സംഭവിച്ചു. ഇനി ആരോടും ഒന്നും ഒളിച്ചുവെയ്ക്കേണ്ട ആവശ്യമില്ല-ക്രിസ്റ്റിൻ പറയുന്നു.

കരിയറിൽ ഉയരങ്ങളിൽ എത്തണമെങ്കിൽ ലൈംഗികത്വം മറച്ചു വയ്ക്കണം എന്ന് പറയുന്നത് പഴഞ്ചൻ ഏർപ്പാടാണ്. ഇത് ചിലരുടെ വളരെ പഴഞ്ചൻ ചിന്തകളുമാണ്. നിങ്ങളൊരു പെൺകുട്ടിയെ പ്രണയിക്കുന്നത് ഇവർക്ക് ഇഷ്ടമല്ല. കൂടാതെ പുരുഷന്മാരോടും സ്ത്രീകളോടും ഒരുപോലെ താത്പര്യം തോന്നുന്നതും അവർക്ക് അംഗീകരിക്കാൻ കഴിയില്ല എന്നൊക്ക കേട്ടിരുന്നു. എന്നാൽ അന്നും ഇന്നും അതിനെ കാര്യമായി എടുത്തിട്ടില്ലെന്നും താരം പറയുന്നു.

ഇപ്പോഴുള്ള ജീവിതത്തിൽ താൻ ഏറെ സന്തോഷവതിയാണ് ഓരോ നിമിഷവും ആസ്വദിക്കുകയും ചെയ്യുന്നുണ്ട്. കൂടാതെ തന്റെ അറിവിൽ നിരവധി പേർ ഇത്തരത്തിലുള്ള ജീവിതം നയിക്കുന്നവരുണ്ട്. ഇന്ന് പലരും ബൈസെക്വൽ ബന്ധത്തെ അംഗീകരിക്കുകയും ചെയ്യുന്നുണ്ടെന്നും അഭിമുഖത്തിൽ താരം പറഞ്ഞു. കൂടാതെ താനൊരു ബൈസെക്ഷ്വൽ ആണെന്ന കാര്യം ക്രിസ്റ്റൻ തുറന്നുപറയുകയും ചെയ്തിട്ടുണ്ട്.