അന്ന് ഞാന്‍ ജയസൂര്യയായിട്ട് തന്നെ നിന്നു, ആ സിനിമയിലെ വലിയ തെറ്റിനെ കുറിച്ച് ജയസൂര്യ!

സലിം കുമാര്‍ ചിത്രം

പുലിവാല്‍ കല്യാണം ഒരു നായകന്റെ ചിത്രമല്ല. അതൊരു സലിം കുമാര്‍ ചിത്രമാണ്. ആ സിനിമയില്‍ നായകന്‍ ആകാന്‍ കഴിഞ്ഞത് എന്റെ ഭാഗ്യമാണെന്നും നടന്‍ ജയസൂര്യ പറഞ്ഞു.

ചക്രം ഉപേക്ഷിച്ചത്

പുലിവാല്‍ കല്യാണത്തില്‍ അഭിനയിക്കാന്‍ ഒരുങ്ങുമ്പോഴാണ് തനിക്ക് ലോഹിത ദാസ് സംവിധാനം ചെയ്യുന്ന ചക്രം എന്ന പൃഥ്വിരാജ് ചിത്രത്തില്‍ അഭിനയിക്കാന്‍ അവസരം ലഭിക്കുന്നത്. എന്നാല്‍ നേരത്തെ ഷാഫി ചിത്രത്തിന് ഡേറ്റ് കൊടുത്തതുക്കൊണ്ട് തന്നെ ചക്രം ഉപേക്ഷിച്ച് പുലിവാല്‍ കല്യാണത്തില്‍ അഭിനയിക്കുകയായിരുവെന്ന് ജയസൂര്യ പറയുന്നു.

സ്‌നേഹം തോന്നിയിട്ടില്ല

ആ സമയത്ത് ഒന്നും തനിക്ക് സിനിമയോട് സ്‌നേഹം തോന്നിയിട്ടില്ല. എല്ലാവര്‍ക്കും സിനിമയില്‍ പറ്റുന്ന തെറ്റ് എനിക്കും സംഭവിച്ചു. സിനിമയുടെ ഡബ്ബിങ് കഴിഞ്ഞപ്പോള്‍ സിദ്ദിഖ്-ലാലിലെ ലാലേട്ടന്‍ ചോദിച്ചു. മുമ്പില്‍ നില്‍ക്കുന്നവന് ഒരുപാട് ബഹുമാനം കൊടുക്കുകയാണല്ലോ എന്ന്. അപ്പോഴാണ് തനിക്ക് ആ തെറ്റ് മനസിലാകുന്നത്.

അമ്പിളി ചേട്ടനോട്

അമ്പിളി ചേട്ടനോട് നേരിട്ട് എങ്ങനെയാണോ പെരുമാറുന്നത് അതുപോലെ തന്നെയാണ് ഞാന്‍ ക്യാമറയ്ക്ക് മുമ്പിലും അഭിനയിച്ചത്. ഒരു ആക്ടറെ സംബന്ധിച്ചിടത്തോളം ഒരിക്കലും ചെയ്യാന്‍ പാടില്ലാത്ത കാര്യമാണിത്. അതിനര്‍ത്ഥം അയാല്‍ ആ കഥാപാത്രം ആയിട്ടില്ല എന്നതാണ്. അതെ അന്ന് ഞാന് ജയസൂര്യയായിട്ട് തന്നെയാണ് അഭിനയിച്ചത്.