മമ്മൂട്ടിയേയും മോഹന്‍ലാലിനേയും പേടിയായിരുന്നു അന്ന്.. ആ പേടിക്ക് പിന്നിലൊരു കാരണവുമുണ്ടായിരുന്നു!

നീണ്ട ഇടവേളയ്ക്ക് ശേഷമുള്ള തിരിച്ചു വരവ്

നീണ്ട ഇടവേളയ്ക്ക് ശേഷം സിനിമയിലേക്ക് തിരിച്ച് വരാനുള്ള തയ്യാറെടുപ്പിലാണ് ഭാഗ്യലക്ഷ്മി. വര്‍ഷങ്ങള്‍ നീണ്ട ബ്രേക്കിന് ശേഷം തിരിച്ച് വരുന്നതിനിടയില്‍ ടെന്‍ഷനുണ്ടെന്നും താരം പറയുന്നു. പഴയത് പോലെ സിനിമാരംഗത്ത് സജീവമാവാനുള്ള തയ്യാറെടുപ്പിലാണ് ആദ്യകാല നായിക.

വിവാഹത്തോടെ സിനിമയില്‍ നിന്നും അകന്നു

വിവാഹത്തോടെയാണ് അഭിനത്രികള്‍ സിനിമയില്‍ നിന്നും അകലുന്നത്. ഒരു കാലത്ത് സിനിമയില്‍ തിളങ്ങി നിന്നവരില്‍ പലരും വിവാഹത്തോടെയാണ് സിനിമയില്‍ നിന്നും അപ്രത്യക്ഷമാവുന്നത്. അക്കൂട്ടത്തിലൊരാളായിരുന്നു ഭാഗ്യലക്ഷ്മിയും. ചിലര്‍ വര്‍ഷങ്ങള്‍ക്ക് ശേഷം സിനിമയിലേക്ക് തിരിച്ചുവരാറുണ്ട്. എന്നാല്‍ മറ്റ് ചിലരാവട്ടെ അങ്ങനെയും വരാറില്ല.

മോഹന്‍ലാലിനെയും മമ്മൂട്ടിയേയും പേടിയായിരുന്നു

മോഹന്‍ലാല്‍, മമ്മൂട്ടി, റഹ്മാന്‍ തുടങ്ങിയവര്‍ക്കൊപ്പം അഭിനയിക്കാനുള്ള അവസരം ഭാഗ്യലക്ഷ്മിക്ക് ലഭിച്ചിരുന്നു. മലയാളം നന്നായി സംസാരിക്കാന്‍ അറിയാത്തതിനാല്‍ ഇവരോടൊപ്പം അഭിനയിക്കാന്‍ പേടിയായിരുന്നുവെന്ന് താരം പറയുന്നു.

മോഹന്‍ലാലിന്റെ പിന്തുണ

ഇന്നത്തെപ്പോലെയുള്ള കാരവാന്‍ സംസ്‌കാരമായിരുന്നില്ല അന്ന്. സഹതാരങ്ങളെല്ലാം തനിക്ക് മികച്ച പിന്തുണയാണ് നല്‍കിയത്. മോഹന്‍ലാല്‍ തന്‍രെ ഷെഡ്യൂള്‍ വരെ അഡ്ജസ്റ്റ് ചെയ്തിരുന്നുവെന്നും താരം പറയുന്നു. മികച്ച പിന്തുണയാണ് എല്ലാവരില്‍ നിന്നും ലഭിച്ചത്.

രജനികാന്തിനോടൊപ്പമുള്ള അനുഭവം

ഭാരതി രാജ സംവിധാനം ചെയ്ത ചിത്രത്തിലാണ് രജനീകാന്തിനൊപ്പം അഭിനയിച്ചത്. അദ്ദേഹത്തോടൊപ്പം അഭിനയിക്കുന്നതിനിടയില്‍ ആദ്യം നല്ല പേടിയായിരുന്നു. ഗാനരംഗത്താണ് ആദ്യം അഭിനയിച്ചത്. പിന്നീട് ആ പേടി മാറിയെന്നും താരം വ്യക്തമാക്കി.