പരസ്പരം സംസാരിക്കാനുള്ള ഫ്രീഡം തന്നെ കുറവായിരുന്നു, 'അദൃശ്യ'ത്തിന്റെ സെറ്റിനെ കുറിച്ച് സാക് ഹാരിസ്

കൊവിഡ് കാലത്തെ സിനിമ ഷൂട്ട്

എല്ലാവരേയും പോലെ തന്നെ കൊവിഡ് കാലം സിനിമ ഷൂട്ടിങ്ങിന് വലിയൊരു വെല്ലുവിളി തന്നെയായിരുന്നു. കോവിഡ് നിന്ത്രണങ്ങൾ പാലിച്ച് സുരക്ഷിതമായിട്ടായിരുന്നു സിനിമ ഷൂട്ട് ചെയ്തത് . റോഡിലും സ്ട്രീറ്റിലുമായിട്ടൊക്കെ ഒരുപാട് സീനുകളുണ്ടായിരുന്നു. അവിടെയെല്ലാം ആൾക്കൂട്ടവും ജൂനിയർ ആർട്ടിസ്റ്റുകളും വേണമായിരുന്നു. അതെല്ലാം വളരെ സുരക്ഷിതമായിട്ടായിരുന്നു ചെയ്തത്. ലൊക്കേഷനിൽ മാസ്ക്ക് നിർബന്ധമാക്കിയിരുന്നു. കൊവിഡ് കാലത്തെ സിനിമ ഷൂട്ടിങ്ങ് അൽപം വെല്ലുവിളി തന്നെയായിരുന്നു.

കൊവിഡ് കാലത്തെ സെറ്റ്

പഴയത് പോലെയുള്ള സെറ്റ് ആയിരുന്നില്ല. മുമ്പത്തെ പോലെ ഫ്രീയായിട്ട് ഷൂട്ട് ചെയ്യാൻ പറ്റില്ല. സിനിമ ഷൂട്ട് ചെയ്യുന്നതിന് കുറെ നിയന്ത്രണങ്ങളുണ്ടായിരുന്നു. പരസ്പരം സംസാരിക്കാനുള്ള ഒരു ഫ്രീഡം തന്നെ കുറവായിരുന്നു. ആർട്ടിസ്റ്റുകൾക്കും പ്രൊഡക്ഷനുമെല്ലാം അൽപം ടെൻഷനുണ്ടായിരുന്നു. ഈ സിനിമയിൽ കുറെ ലൊക്കേഷനുകളുണ്ട്. അതൊക്കെ ഈ അവസ്ഥയിൽ വലിയ ബുദ്ധിമുട്ടായിരുന്നു. ഷൂട്ടിങ്ങ് സമയത്ത് കൊവിഡിന് മുൻപും ശേഷവും സെറ്റിൽ നല്ല വ്യത്യാസമുണ്ടായിരുന്നുവെന്ന് സംവിധായകൻ പറയുന്നു.

റിലീസ്

മൂന്ന് ഷെഡ്യൂൾ ആയിട്ടാണ് സിനിമയുടെ വർക്ക് തീർത്തത്. എന്നാൽ സിനിമയുടെ റിലീസിനെ കുറിച്ച് ഇപ്പോഴത്തെ സാഹചര്യത്തിൽ കൃത്യമായ ഉത്തരം പറയാൻ സാധിക്കില്ലെന്നാണ് സാക്ക് ഹാരീസ് പറയുന്നത്. തിയേറ്ററിൽ സിനിമ റിലീസ് ചെയ്യണമെന്നാണ് ആഗ്രഹം. കൊവിഡ് സാഹചര്യം നോക്കി മാത്രമേ സിനിമയുടെ തിയേറ്റർ റിലീസിനെ കുറിച്ച് തീരുമാനം എടുക്കാൻ കഴിയുകയുള്ളൂവെന്നും സംവിധായകൻ പറയുന്നു.

Recommended Video

Mohanlal reminds Mammootty to wear mask

രണ്ട് ഭാഷകളിലായിട്ടാണ് സിനിമ ഒരുങ്ങുന്നത്. രണ്ട് ഭാഷകളിൽ സിനിമ ചെയ്യാനുള്ള സാഹചര്യം സാക് വെളിപ്പെടുത്തിയിരുന്നു. കൊവിഡ് കാലത്ത് വലിയൊരു ചലഞ്ച് ആയിരുന്നു ഇതെന്നും സംവിധായകൻ പറയുന്നു. അദ്ദേഹത്തിന്റെ വാക്കുകൾ ഇങ്ങനെ''കഥ പറയുമ്പോള്‍ തന്നെ രണ്ട് ഭാഷകളില്‍ നിര്‍മ്മിക്കാമെന്ന് തന്നെ തീരുമാനിച്ചിരുന്നു. അങ്ങനെയാണ് അവതരിപ്പിച്ചത്. പക്ഷേ ഈ സിനിമ അവിടെ വര്‍ക്കൗട്ട് ആവുമോന്നും ഇവിടെ മാത്രം ചെയ്താല്‍ പോരെയെന്ന് എല്ലാവരും ചോദിച്ചിരുന്നു. ആര്‍ട്ടിസ്റ്റിന്റെ അടുത്ത് കഥ പറഞ്ഞപ്പോള്‍ അവരാരും അങ്ങനൊരു ചോദ്യം ചോദിച്ചിട്ടില്ല. അതുകൊണ്ട് തന്നെ ഞങ്ങള്‍ക്കതില്‍ വിശ്വാസമുണ്ട്. സത്യം പറഞ്ഞാല്‍ തമിഴും മലയാളവും തമ്മില്‍ കുറച്ച് സാമ്യം ഉണ്ടെങ്കിലും രണ്ടിന്റെയും ഡയലോഗ് പറയുന്നതും താരങ്ങളുടെ പെര്‍ഫോമന്‍സുമൊക്കെ വ്യത്യസ്തമാണ്. അത് കൃത്യമായി ജഡ്ജ് ചെയ്ത് നടത്തി എടുക്കുക എന്നത് കുറച്ച് ബുദ്ധിമുട്ടാണ്. വലിയ ചലഞ്ച് ആയിരുന്നു. ഇങ്ങനെയുള്ള വെല്ലുവിളികളാണ് ഞാന്‍ നേരിട്ടതെന്ന് സംവിധായകന്‍ പറയുന്നു.