ഭാവനയുടെ വിവാഹം ഒക്ടോബറില്‍ ലുലു കണ്‍വെന്‍ഷന്‍ സെന്ററില്‍ വെച്ച്, വിവാഹ വിശേഷങ്ങളുമായി ഭാവന !!

ആഡംബരങ്ങളൊന്നുമില്ലാതെ ലളിത വിവാഹം

അധികം ആഡംബരങ്ങളൊന്നുമില്ലാതെ അടുത്ത സുഹൃത്തുക്കളെ മാത്രം അറിയിച്ചായിരുന്നു നിശ്ചയം നടത്തിയിരുന്നത്. സിനിമയില്‍ നിന്നും മഞ്ജു വാര്യരും സംയുക്താ വര്‍മ്മയുമായിരുന്നു പങ്കെടുത്തത്. ഒക്ടോബറില്‍ തൃശ്ശൂരില്‍ വെച്ച് ലളിതമായി വിവാഹം നടത്താനാണ് പരിപാടിയെന്ന് ഭാവന പറഞ്ഞു.

സാരിയിലും മാലയിലും ആഡംബരമില്ല

വിവാഹത്തീയതി കുറിച്ചിട്ടില്ലെങ്കിലും മറ്റു കാര്യങ്ങളെക്കുറിച്ച് കൃത്യമായ പ്ലാനിങ്ങുണ്ട് ഭാവനയ്ക്ക്. കല്ല്യാണ സാരിയിലോ ആഭരണങ്ങളിലോ യാതൊരുവിധ ആഡംബരവും കാണിക്കില്ലെന്ന് താരം ഉറപ്പിച്ചു പറയുന്നു. ഒരു മാല തന്നെ ധാരാളമെന്നാണ് തന്റെ അഭിപ്രായമെന്നും താരം പറയുന്നു.

അഭിനയ രംഗത്ത് തുടരും

വിവാഹത്തോടെ സിനിമയോട് ഗുഡ് ബൈ പറഞ്ഞു പോകുന്ന പതിവു നായികമാരെപ്പോലെയാവില്ല ഭാവന. കന്നഡ നിര്‍മ്മാതാവായ നവീനും കുടുംബത്തിനും വിവാഹ ശേഷവും സിനിമയില്‍ തുടരുന്നതിനോട് യാതൊരു എതിര്‍പ്പുമില്ല. അതിനാല്‍ത്തന്നെ സിനിമയില്‍ തുടരാനാണ് തന്റെ തീരുമാനമെന്നും ഭാവന പറഞ്ഞു.

ആദം ജോണിനൊപ്പം സ്‌കോട്ട്‌ലന്‍ഡില്‍

പൃഥ്വിരാജ് നരേന്‍ ടീമിന്റെ ആദം ജോണിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. സ്‌കോട്ടലന്‍ഡില്‍ നിന്നും മടങ്ങിയെത്തിയാലുടന്‍ വിവാഹത്തീയതി തീരുമാനിക്കും. മറ്റു കാര്യങ്ങളും പൂര്‍ത്തിയാക്കുമെന്നും താരം വ്യക്തമാക്കി.