'വേട്ട'യില്‍ ചാക്കോച്ചന്‍റെ ഭാര്യയാവാന്‍ ക്ഷണിച്ചിരുന്നു.. ആ വേഷം നഷ്ടപ്പെട്ടപ്പോള്‍ സങ്കടമായി!

വേട്ടയിലെ വേഷത്തിലേക്ക് പരിഗണിച്ചിരുന്നു

ലോഹിതദാസ് സംവിധാനം ചെയ്ത നിവേദ്യത്തിലൂടെയാണ് ഭാമ മലയാള സിനിമയിലേക്ക് കടന്നുവന്നത്. രാജേഷ് പിള്ള സംവിധാനം ചെയ്ത വേട്ടയില്‍ കുഞ്ചാക്കോ ബോബന്റെ ഭാര്യയുടെ വേഷം അവതരിപ്പിക്കുന്നതിന് തന്നെയായിരുന്നു ആദ്യം പരിഗണിച്ചിരുന്നത്.

പിന്നീട് നടന്നത്

വേട്ടയിലെ കഥാപാത്രത്തെക്കുറിച്ച് കേട്ടപ്പോള്‍ തന്നെ ആകെ ത്രില്ലിലായിരുന്നു. ഷാന്‍ റഹ്മാന്റെ സംഗീതത്തില്‍ ചിത്രത്തില്‍ ഒരു പാട്ടുണ്ടെന്നും അറിയാമായിരുന്നു. ഭയങ്കര സന്തോഷമായിരുന്നു ഇതൊക്കെ അറിഞ്ഞപ്പോള്‍.

സംവിധായകനുമായി സംസാരിച്ചിരുന്നു

രാജേഷ് പിള്ള വിളിച്ച് സംസാരിച്ചിരുന്നു. അദ്ദേഹത്തിന്റെ പ്രൊഡക്ഷന്‍ കമ്പനിയാണെന്നും അതുകൊണ്ട് പ്രതിഫലത്തിന്റെ കാര്യത്തില്‍ വിട്ടുവീഴ്ച ചെയ്യണമെന്നും ആവശ്യപ്പെട്ടിരുന്നു.

ചിലര്‍ തെറ്റിദ്ധരിപ്പിച്ചു

രാജേഷ് പിള്ളയുടെ കുടുംബവുമായി നല്ല അടുപ്പത്തിലായിരുന്നു. എന്നാല്‍ ഇത് മുതലെടുക്കുകയാണ് അദ്ദേഹമെന്ന തരത്തില്‍ ചിലര്‍ തന്നെ തെറ്റിദ്ധരിപ്പിച്ചിരുന്നു. പ്രതിഫലം കുറയ്ക്കാന്‍ വേണ്ടിയുള്ള ശ്രമത്തിലാണ് അദ്ദേഹമെന്ന തരത്തിലായിരുന്നു അവര്‍ പറഞ്ഞത്.

അസുഖ കാരണം അറിയില്ലായിരുന്നു

പ്രതിഫലം കുറയ്ക്കാനുള്ള ശ്രമത്തിന് വേണ്ടിയാണ് അങ്ങനെ സംസാരിച്ചതെന്ന് മനസ്സിലാക്കാതെയാണ് ആ സിനിമയില്‍ നിന്നും പിന്‍വാങ്ങിയത്. രാജേഷ് പിള്ളയ്ക്ക് അസുഖ കാരണമാണെന്ന് അറിയില്ലായിരുന്നുവെന്നും ഭാമ പറയുന്നു.

മരണം ഞെട്ടിപ്പിച്ചു

രാജേഷ് പിള്ളയുടെ മരണം തന്നെ ഞെട്ടിച്ചിരിന്നുവെന്നും ഭാമ പറയുന്നു. അതിന് ശേഷമാണ് വേട്ട നിര്‍മ്മിച്ചത് അദ്ദേഹമാണെന്ന് മനസ്സിലാക്കിയതെന്നും താരം പറയുന്നു.