ദിലീപിന്റെ രാമലീല പ്രദര്‍ശിപ്പിച്ചാല്‍ സംഭവിക്കുന്നത്, ബ്രഹ്മാണ്ഡ ചിത്രത്തിന്റെ നിര്‍മ്മാതാവ്!

തിയേറ്ററുകളില്‍ പ്രദര്‍ശനത്തിന് എത്തും

ജൂലൈ 21ന് രാമലീല തിയേറ്ററുകളില്‍ പ്രദര്‍ശനത്തിന് എത്തുമെന്ന് നിര്‍മ്മാതാവ് ടോമിച്ചന്‍ മുളകുപാടം പറഞ്ഞു. ജൂലൈ ഏഴ് വെള്ളിയാഴ്ച തിയേറ്ററുകളില്‍ എത്തുമെന്നായിരുന്നു നേരത്തെ വന്ന റിപ്പോര്‍ട്ടുകള്‍.

വിശ്വാസമുണ്ടെന്ന് നിര്‍മ്മാതാവ്

ചിത്രത്തില്‍ വിശ്വാസമുണ്ടെന്ന് നിര്‍മ്മാതാവ് ടോമിച്ചന്‍ മുളകുപാടം. ദിലീപുമായി ബന്ധപ്പെട്ട ആരോപണങ്ങള്‍ പുറത്തിറങ്ങാനിരിക്കുന്ന ഏറ്റവും പുതിയ ചിത്രം രാമലീലയെ തകര്‍ക്കും എന്ന് നേരത്തെ ആരോപണങ്ങള്‍ ഉയര്‍ന്നിരുന്നു. ആ സാഹചര്യത്തിലാണ് ചിത്രത്തിന്റെ റിലീസ് തിയതി മാറ്റി വെച്ചതെന്നാണ് ആദ്യത്തെ റിപ്പോര്‍ട്ടുകള്‍.

പ്രേക്ഷകര്‍ ഏറ്റെടുക്കും

ചിത്രം നന്നായാല്‍ നിലവിലെ പ്രശ്‌നങ്ങള്‍ മാറ്റി വെച്ച് രാമലീല വലിയ വിജയമാകുമെന്നാണ് ടോമിച്ചന്‍ മുളകുപാടം പറയുന്നത്. മോഹന്‍ലാല്‍ ചിത്രമായ പുലിമുരുകന്റെ വമ്പന്‍ വിജയത്തിന് ശേഷം ടോമിച്ചന്‍ മുളകുപാടം നിര്‍മ്മിക്കുന്ന ചിത്രം കൂടിയാണിത്.

നായിക-പ്രയാഗ മാര്‍ട്ടിന്‍

നവാഗതനായ അരുണ്‍ ഗോപി സംവിധാനം ചെയ്യുന്ന ചിത്രത്തിലെ നായിക പ്രയാഗ മാര്‍ട്ടിനാണ്. മുകേഷ്, സിദ്ദിഖ്, വിജയരാഘവന്‍, കലാഭവന്‍ ഷാജോണ്‍ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.

രാമനുണ്ണി-രാഷട്രീയ കഥ

രാമനുണ്ണി എന്ന രാഷ്ട്രീയ പ്രവര്‍ത്തകന്റെ കുടുംബകാര്യങ്ങളും രാഷ്ട്രീയ പ്രവര്‍ത്തനങ്ങളുമാണ് ചിത്രത്തില്‍. സച്ചിയാണ് ചിത്രത്തിന്റെ തിരക്കഥ ഒരുക്കിയത്.