ശരിക്കും നിങ്ങള്‍ വിവാഹിതരായോ? വീണ്ടും വിവാഹം കഴിക്കുന്നതെങ്ങനെയാണെന്ന് മനസിലാവുന്നില്ലെന്ന് അമൃതയും ഗോപിയും

ലിപ് ലോക് വീഡിയോ പുറത്ത് വിട്ടതിന് കാരണമെന്താണ്?

ആല്‍ബത്തിന്റെ പോസ്റ്ററിട്ടപ്പോള്‍ ആരുമത് ശ്രദ്ധിച്ചിരുന്നില്ല. സത്യസന്ധമായി പറഞ്ഞാല്‍ നല്ലൊരു പോസ്റ്ററാണത്. ആരും കണ്ടാല്‍ അത് മോശമാണെന്ന് പറയില്ലാത്ത നല്ല ഭംഗിയുള്ള പോസ്റ്ററായിരുന്നു. മണിക്കൂറുകള്‍ കഴിഞ്ഞിട്ടും അതിന് എട്ട് കമന്റുകളാണ് ആകെ വന്നത്. ഇങ്ങനെയാണെങ്കില്‍ ആരുമത് കാണില്ലല്ലോ, നമുക്ക് കിസിങ്ങ് സീന്‍ എടുത്ത് ഇട്ടാലോന്ന് ചിന്തിച്ചത് അന്നേരമാണ്. ആ വീഡിയോ ഇട്ടതിന് ശേഷമാണ് കേരളത്തില്‍ ഇത്രയും ലൈംഗിക ദാരിദ്ര്യം ഉണ്ടെന്നുള്ളത് വ്യക്തമാവുന്നത്.

ഒരു സാരി തെങ്ങിന്റെ മുകളില്‍ ചുറ്റിയാലും മതി. കാരണം അത്രയധികം ലൈംഗിക ദാരിദ്ര്യമാണ് കേരളത്തില്‍. ആ സംഭവം കണ്ടപ്പോഴെക്കും പലര്‍ക്കും എന്തൊരു സന്തോഷമാണ്. കപടമായി അത് കണ്ട് സന്തോഷിക്കുകയും ശേഷം അതിനെ കുറ്റം പറയുന്നവരുമുണ്ട്. എന്തായാലും എന്റെ ഉദ്ദേശം നടന്നു. നല്ല രീതിയില്‍ അതിന് റീച്ച് ഉണ്ടാവണമെന്ന് മാത്രമേ ഞാന്‍ ചിന്തിച്ചിരുന്നുള്ളു. ആ ഉദ്ദേശം നടന്നതായി ഗോപി സുന്ദര്‍ പറയുന്നു.

പ്രണയം വെളിപ്പെടുത്തിയാല്‍ നെഗറ്റീവും പോസിറ്റീവും കമന്റ് കിട്ടുമെന്ന് പ്രതീക്ഷിച്ചിരുന്നോ?

അത് പ്രതീക്ഷിച്ചിരുന്നുവെന്ന് അമൃതയും ഗോപി സുന്ദറും പറയുന്നു. നീ വിചാരിക്കുന്നത് പോലെയല്ല, കുറച്ച് സീനായേക്കും എന്ന് ഗോപി പറഞ്ഞു. അത് കുഴപ്പമില്ലെങ്കില്‍ ഇടാമെന്നാണ് അദ്ദേഹം പറഞ്ഞത്. അങ്ങനെയാണ് ആദ്യമായി പ്രണയം വെളിപ്പെടുത്തുന്നത്..

ശരിക്കും നിങ്ങള്‍ വിവാഹിതരായോ?

പഴനിയില്‍ പോയപ്പോള്‍ ക്ഷേത്രത്തില്‍ നിന്നും മാലയും സിന്ദൂരവുമൊക്കെ തൊട്ട് നില്‍ക്കുന്നത് കണ്ടതോടെയാണ് വിവാഹം കഴിഞ്ഞെന്ന വാര്‍ത്ത വന്നത്. ഇത് പിന്നെയും സഹിക്കാം. പക്ഷേ അമൃതയും ഗോപി സുന്ദറും വീണ്ടും വിവാഹിതരായെന്ന തരത്തില്‍ വരുന്നത് കണ്ടപ്പോഴാണ് അത്ഭുതം തോന്നിയത്. വീണ്ടും വിവാഹിതരാവുന്ന പരിപാടി എങ്ങനെയാണെന്ന് മനസിലാവുന്നില്ല.

ആ വാര്‍ത്തയുടെ താഴെ അതെങ്ങനെയാണ് വീണ്ടും വീണ്ടും വിവാഹിതാരവുന്നതെന്ന് ഞങ്ങള്‍ക്ക് തോന്നിയ സംശയം പലരും കമന്റിലൂടെ ചോദിച്ചിരുന്നു. എല്ലാം നോക്കിയിരുന്ന് ചിരിക്കുകയാണ് ചെയ്യാറുള്ളത്. എഴുതുന്നവര്‍ക്കും വായിക്കുന്നവര്‍ക്കുമൊക്കെ ഇതൊരു എന്റര്‍ടെയിന്‍മെന്റാണ്.

വിമര്‍ശകരോട് പറയാനുള്ള മറുപടിയിങ്ങനെയാണ്..

'സിനിമയ്‌ക്കോ സീരിയലിനോ എന്തിന് വേണമെങ്കിലും കണ്ടന്റ് ക്രിയേറ്റ് ചെയ്യാം. പക്ഷേ മറ്റൊരാളുടെ ജീവിതത്തെ കുറിച്ച് കമന്റ് ചെയ്യുമ്പോള്‍ അവരുടെ അനുവാദം കൂടി വാങ്ങിയിട്ട് വേണം. അതാണ് മര്യാദ. സ്വന്തം ഇഷ്ടപ്രകാരം പുതിയ സ്റ്റോറിയുണ്ടാക്കുന്നത് മോശമാണ്. നമ്മളെ കുറിച്ച് പറയുന്നതിന് പകരം മക്കളെ കുറിച്ച് പറയുമ്പോള്‍ വിഷമമാണെന്ന്' ഗോപി സുന്ദര്‍ പറയുന്നു..