കാവ്യ- ദിലീപ് വിവാഹ വാര്‍ത്ത കേട്ടപ്പോള്‍ ഞെട്ടിയില്ല, ഇത് പ്രതീക്ഷിച്ചിരുന്നു എന്ന് ഗോപിക

ഞാന്‍ ഞെട്ടിയില്ല

കാവ്യയും ദിലീപും വിവാഹിതരാകുന്നു എന്ന വാര്‍ത്ത കേട്ടപ്പോള്‍ ഞെട്ടിയോ എന്ന ചോദ്യത്തിന്, ഞാനിത് പ്രതീക്ഷിച്ചിരുന്നു എന്നായിരുന്നു ഗോപികയുടെ മറുപടി. വനിതയ്ക്ക് നല്‍കിയ അഭിമുഖത്തില്‍ സംസാരിയ്ക്കുകയായിരുന്നു താരം.

അത്ഭുതവും സന്തോഷവും തോന്നി

വിവാഹിതരാകുന്നു എന്ന വാര്‍ത്ത കേട്ടപ്പോള്‍ അത്ഭുതവും സന്തോഷവുമാണ് തോന്നിയത് എന്നും ഗോപിക പറഞ്ഞു. നല്ല തീരുമാനമാണ്. എന്നായാലും നടക്കേണ്ടത്. ഇനി ഗോസിപ്പുകള്‍ കേള്‍ക്കേണ്ടല്ലോ എന്ന് ഗോപിക പറയുന്നു.

കാവ്യയുമായി നല്ല സൗഹൃദം

അഭിനയിച്ചുകൊണ്ടിരുന്ന കാലത്ത് കാവ്യയുമായി നല്ല സൗഹൃദമായിരുന്നു എന്നും ഗോപിക പറഞ്ഞു. ഇടയ്ക്ക് കൊച്ചിയില്‍ വച്ച് കാണാറുണ്ട്. വിവാഹ ശേഷം വിദേശത്തേക്ക് വന്നപ്പോള്‍ അത് ഫോണ്‍വിളിയായി. മോന്റെ പിറന്നാളിന് ഫോട്ടോയൊക്കെ അയച്ചു. ഇത്തവണത്തെ അമ്മയുടെ മീറ്റിങിന് പോയപ്പോള്‍ ഒരുപാട് സംസാരിച്ചു.

ദിലീപുമായി

ദിലീപുമായും ഗോപികയ്ക്ക് നല്ല സൗഹൃദമുണ്ട്. ചാന്ത് പൊട്ട്, പച്ചക്കുതിര, ദ ഡോണ്‍, സ്വ.ലെ എന്നീ ചിത്രങ്ങളില്‍ ഗോപികയും ദിലീപും ഒന്നിച്ചഭിനയിച്ചിട്ടുണ്ട്.