ദിലീപിന്റെ കട്ടഫാനായ ഹരീഷിന് മമ്മൂട്ടിയെക്കണ്ടപ്പോള്‍ പരിഭ്രമം, സംസാരിച്ചപ്പോള്‍ എല്ലാം മാറി!

ദിലീപേട്ടന്റെ കട്ടഫാന്‍

ജനപ്രിയ നായകനായ ദിലീപിന്റെ കട്ട ഫാനാണ് താനെന്ന് ഹരീഷ് പറയുന്നു. പുതിയ സിനിമകള്‍ ഇറങ്ങുന്നതിന് മുന്‍പ് തിയേറ്റര്‍ അലങ്കരിക്കാനും പോസ്റ്റര്‍ ഒട്ടിക്കാനുമൊക്കെ താനും പങ്കെടുക്കാറുണ്ടായിരുന്നുവെന്ന് അദ്ദേഹം വ്യക്തമാക്കുന്നു.

ഇന്നുമുണ്ട് ആ ഇഷ്ടം

ഇഷ്ടതാരമായി ഇന്നും ദിലീപ് തന്നെയാണ് മനസ്സില്‍. അന്നത്തെ ആ ഇഷ്ടം ഇപ്പോഴും അതേ പോലെയുണ്ടെന്നും താരം പറയുന്നു. ഇഷ്ട നടനോടൊപ്പം അഭിനയിക്കാനുള്ള അവസരവും അദ്ദേഹത്തിന് ലഭിച്ചിരുന്നു.

ദിലീപിന് അറിയാം

റ്റു കണ്‍ട്രീസ് സിനിമയില്‍ ദിലീപിനൊപ്പം ഹരീഷും വേഷമിട്ടിട്ടുണ്ട്. ഷൂട്ടിങ്ങിനിടയില്‍ തന്റെ ഇഷ്ടത്തെക്കുറിച്ച് അദ്ദേഹത്തോട് പറഞ്ഞിരുന്നു. ഞാന്‍ അദ്ദേഹത്തിന്റെ കട്ട ഫാനാണെന്ന് അദ്ദേഹത്തിന് തന്നെ അറിയാം.

ഓട്ടോയുടെ പേര്

സിനിമയില്‍ സജീവമാവുന്നതിന് മുന്‍പ് ഓട്ടോ ഓടിച്ചിരുന്ന സമയമുണ്ടായിരുന്നു ഹരീഷിന്റെ ജീവിതത്തില്‍. അന്ന് ഓട്ടോയ്ക്ക് നല്‍കിയ പേര് കൊച്ചിരാജാവെന്നായിരുന്നുവെന്നും ഹരീഷ് വ്യക്തമാക്കുന്നു.

മമ്മൂട്ടിക്കൊപ്പം അഭിനയിച്ചത്

അച്ഛാദിന്‍ എന്ന ചിത്രത്തിലാണ് മമ്മൂട്ടിക്കൊപ്പം ആദ്യം അഭിനയിച്ചത്. അദ്ദേഹത്തിനെ കാണുന്നതിന് മുന്‍പ് നല്ല ടെന്‍ഷനുണ്ടായിരുന്നു. എന്താണ് ബാബുവേട്ടാ, സുഖമല്ലേ എന്നായിരുന്നു അദ്ദേഹത്തിന്റെ ചോദ്യം. അതോടെ ടെന്‍ഷന്‍ മാറി.

പുത്തന്‍പണത്തിലെ സംസാരശൈലി

കാസര്‍കോഡ് ശൈലിയിലുള്ള സംസാരമായിരുന്നു പുത്തന്‍പണത്തിലേത്. ഇക്കാര്യത്തെക്കുറിച്ച് തിരക്കഥാകൃത്ത് വിശദീകരിച്ചപ്പോള്‍ അയ്യോ, അത് പറ്റില്ലെന്ന് പറഞ്ഞിരുന്നു. അവിടെയും മമ്മൂട്ടിയാണ് ഇടപെട്ടത്. പിന്നെയാണ് ധൈര്യം ലഭിച്ചത്.

എനിക്ക് ശൈലിയുണ്ടോ?

കോഴിക്കോടന്‍ സംസാര ശൈലിയിലൂടെയാണ് ഹരീഷ് പ്രേക്ഷക മനസ്സില്‍ ഇടം നേടിയത്. അതിനാല്‍ത്തന്നെ പുത്തന്‍പണത്തെക്കുറിച്ച് കേട്ടപ്പോള്‍ ആശങ്കയായിരുന്നു. മമ്മൂട്ടിയാണ് അത് മാറ്റിയത്. എനിക്കൊക്കെ അങ്ങനെ ഏതേലും ശൈലിയുണ്ടോയെന്നായിരുന്നു അദ്ദേഹത്തിന്റെ ചോദ്യം.