അഭിനയ ജീവിതത്തില്‍ നിന്ന് പഠിച്ചത്, ഇത്തരം സിനിമകള്‍ തന്നെ ആകര്‍ഷിക്കാറില്ലെന്ന് പൃഥ്വിരാജ്!

വര്‍ഷങ്ങള്‍ക്ക് മുമ്പ്

2010ലാണ് സംവിധായകന്‍ ജെയ് കെ എസ്രയുടെ തിരക്കഥയുമായി പൃഥ്വിരാജിനെ സമീപിക്കുന്നത്. എന്നാല്‍ ആ സമയം മറ്റ് ചിത്രങ്ങളുടെ തിരക്കിലായിരുന്നു പൃഥ്വിരാജ്. അതുക്കൊണ്ട് തന്നെ പൃഥ്വി ചിത്രത്തിന് വേണ്ടി ഡേറ്റ് കൊടുത്തില്ല. പിന്നീട് വര്‍ഷങ്ങള്‍ക്ക് ശേഷം വീണ്ടും സംവിധായകന്‍ പൃഥ്വിയെ സമീപിക്കുകയായിരുന്നു.

ഹൊറര്‍ ചിത്രങ്ങള്‍

2010ന് ശേഷം ഒരു മികച്ച ഹൊറര്‍ ചിത്രം മലയാള സിനിമയില്‍ സംഭവിച്ചിട്ടില്ല. എന്നാല്‍ ഫെബ്രുവരി 10ന് തിയേറ്ററുകളില്‍ എത്തുന്ന എസ്ര ഒരു മികച്ച ഹൊറര്‍ ചിത്രമായിരിക്കുമെന്ന് സംവിധായകന്‍ ജെയ് കെ പറയുന്നു.

ട്രെയിലറിന് മികച്ച സ്വീകരണം

റിലീസിന് മുന്നോടിയായി പുറത്തിറങ്ങിയ ചിത്രത്തിന്റെ ട്രെയിലറിനും ടീസറിനും ഏറ്റവും മികച്ച പ്രതികരണമാണ് ലഭിച്ചത്. അടുത്തിടെ ചിത്രത്തിന്റെ രണ്ടാമത്തെ ടീസര്‍ പുറത്തിറങ്ങിയിരുന്നു. ടീസര്‍ പുറത്തിറങ്ങി 20 മണിക്കൂറുക്കൊണ്ട് മൂന്ന് ലക്ഷത്തിലധികം ആളുകളാണ് വീഡിയോ യൂട്യൂബിലൂടെ കണ്ടത്.

കഥാപാത്രങ്ങള്‍

പ്രിയാ ആനന്ദാണ് ചിത്രത്തിലെ പൃഥ്വിരാജിന്റെ നായികയായി എത്തുന്നത്. ടൊവിനോ തോമസ്, വിജയ രാഘവന്‍, ബാബു ആന്റണി, സുജിത്ത് ശങ്കര്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളാക്കി അവതരിപ്പിക്കും.

നിര്‍മ്മാണം

എവിഎ പ്രൊഡക്ഷന്‍ ഇന്‍ഫോടെയിന്‍മെന്റിന്റെ ബാനറില്‍ എവി അനൂപ്, മുകേഷ് ആര്‍ മേത്ത, സിവി സാരതി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ജീത്തു ജോസഫ് സംവിധാനം ചെയ്ത ഊഴം എന്ന ചിത്രത്തിന് ശേഷം തിയേറ്ററുകളില്‍ എത്തുന്ന പൃഥ്വിരാജ് ചിത്രം കൂടിയാണിത്.