Click it and Unblock the Notifications
Don't Miss!
-
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സിനിമയിലേക്ക് തിരിച്ചുവരാന്‍ കഴിയുമെന്ന് കരുതിയില്ലെന്ന് കാവ്യ
കൊച്ചി: മലയാള സിനിമയിലേക്ക് ഒരിക്കലും തിരിച്ചെത്താന്‍ കഴിയുമെന്ന് കരുതിയതല്ലെന്ന് കാവ്യ മാധവന്‍. ഒരുവര്‍ഷത്തോളം നീണ്ട ഇടവേളയ്ക്കുശേഷം സജി സുരേന്ദ്രന്റെ ഷീ ടാക്‌സിയില്‍ അഭിനയിച്ചശേഷം ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് കാവ്യ മനസുതുറന്നത്. സിനിമകള്‍ക്കിടയിലെ ഇടവേള തന്റെ ആത്മവിശ്വാസം ഇല്ലാതാക്കിയിരുന്നതായി കാവ്യ പറഞ്ഞു.
നീണ്ട ഇടവേളയ്ക്കുശേഷം ക്യാമറയ്ക്കു മുന്നിലെത്തിയപ്പോള്‍ താന്‍ ആത്മവിശ്വാസം നഷ്ടപ്പെട്ട ഒരാളായിരുന്നു. എന്നാല്‍, സിനിമയുമായി വേഗത്തില്‍ ഇണങ്ങാന്‍ തനിക്ക് സാധിച്ചെന്ന് കാവ്യ പറഞ്ഞു. അഞ്ചുവയസുമുതല്‍ ക്യാമറയ്ക്കുമുന്നില്‍ നിന്നതുകൊണ്ടാകണം തനിക്ക് എളുപ്പം സിനിമയുമായി പൊരുത്തപ്പെടാന്‍ കഴിഞ്ഞതെന്നും കാവ്യ പറയുന്നു.
ആശങ്കയും ഭയവുമായിരുന്നു തന്റെ ആത്മവിശ്വാസം ഇല്ലാതാക്കിയത്. എന്നാല്‍ ഷീ ടാക്‌സിയിലെ ഡ്രൈവറായി എളുപ്പത്തില്‍ തന്നെ തിരിച്ചെത്താന്‍ കഴിഞ്ഞെന്നും നടി വ്യക്തമാക്കി. ആഷിഖ് അബുവിന്റെ ഗൗരിയിലെ കഥാപാത്രം അവതരിപ്പിച്ചശേഷം ഒരു വര്‍ഷത്തോളം സിനിമയില്‍ നിന്നും കാവ്യ വിട്ടുനിന്നിരുന്നു. ഇതിനുശേഷമാണ് സജി സുരേന്ദ്രന്‍ സംവിധാനം ചെയ്ത ഷീ ടാക്‌സിയില്‍ ഡ്രൈവറായി വേഷമിട്ടത്.
പത്താംക്ലാസില്‍ തോറ്റശേഷം ഡ്രൈവറായ യുവതിയുടെ കഥയാണ് സിനിമ പറയുന്നത്. ഇതിന് പിന്നാലെ ചാനല്‍ പ്രവര്‍ത്തകയായി ആകാശവാണി എന്ന ചിത്രത്തിലും കാവ്യ നായികയായി ഖായിസ് മിലന്‍ ആണ് സംവിധാനം. രണ്ടു ചിത്രങ്ങളും സ്ത്രീ പ്രാധാന്യമുള്ള സിനിമയായതിനാല്‍ കാവ്യ ഇരുകൈയ്യും നീട്ടി ഓഫര്‍ സ്വീകരിക്കുകയായിരുന്നു.
