സിനിമയിൽ നിന്ന് മാറി നിൽക്കാൻ കാരണം ആ അസുഖം! വെളിപ്പെടുത്തലുമായി മഡോണ

മികച്ച കഥ

ഞാൻ എവിടെയും പോയിട്ടില്ല എന്ന ആമുഖത്തോടു കൂടിയാണ് താരം തുടങ്ങിയത്. താൻ കുറച്ചു നാളു മാറി നിന്നിരുന്നു എന്നുള്ളത് സത്യമാണ്. എന്നാൽ തന്നെ അതിശയിപ്പിക്കുന്ന തരത്തിലുള്ള ചിത്രങ്ങൾ ഒന്നും വന്നിട്ടില്ലായിരുന്നു. അതിനു വേണ്ടിയുള്ള കാത്തിരിപ്പ് കൂടിയായിരുന്നു ചെറിയ ‌ഇടവേള.

ഷൂട്ടിങ് തിരക്ക്

കഴിഞ്ഞ വർഷം വിശ്രമമില്ലാത്ത ജോലിയയായിരുന്നു. ഒരു സ്ഥലത്ത് നിന്ന് മറ്റൊരു സ്ഥലത്തേയ്ക്കുള്ള ഓട്ടമായിരുന്നു. ഇടവേളകൾ പോലും എടുക്കാതെ ജോലി ചെയ്തിരുന്നു.

അസുഖങ്ങൾ

തുടർച്ചയായി ജോലി ചെയ്തത് കൊണ്ട് ആരോഗ്യപ്രശ്നങ്ങൾ തന്നെ വേട്ടയാടിരുന്നു . തലവേദനയും മാനസിക പിരിമുറുക്കവും തന്നെ ആ സമയത്ത് വല്ലാതെ തളർത്തിയിരുന്നു. ഡോക്ടറ്‍മാരെ സമീപിച്ചിട്ടും അതിൽ നിന്നു മോചനം ലഭിച്ചിരുന്നില്ല.

അസുഖം മാറ്റിയത് ഗുരു

തലവേദനയിൽ നിന്ന് തന്നെ മോചിപ്പിച്ചത് ഒരു ഗുരുക്കളായിരുന്നുവെന്ന് താര പറഞ്ഞു. അദ്ദേഹം എനിയ്ക്കൊരു എണ്ണ തന്നിരുന്നു. അതിനോടൊപ്പം ഞാൻ യോഗയും ചെയ്തിരുന്നു. അത്ഭുതം എന്നു പറയാം അ‍ഞ്ചു ദിവസം കൊണ്ട് തന്റെ അസുഖം മാറി ഞാൻ പൂർണ്ണ ആരോഗ്യവതിയായി.

യാത്രകൾ

ആരോഗ്യം വീണ്ടെടുക്കാൻ കുറച്ചുനാളും കൂടി വീട്ടിൽ നിന്നിരുന്നു. വീട്ടുകരോടൊപ്പം കൂടുതൽ സമയം ചെലവഴിച്ചു. കൂടാതെ കുറെ യാത്രകൾ ചെയ്തുവെന്നും താരം പറഞ്ഞു. ഗോവയില്‍ മണാലി, അബുദാബി എന്നിവിടങ്ങൾ സന്ദർശിച്ചു.