ആദ്യ സീൻ തന്നെ അവൾ പൊളിച്ചു! ഒരു അഡാറ്‍ ലവിലെ നായികയെ കുറിച്ചു ഒമർ ലുലു പറഞ്ഞതിങ്ങനെ...

ചെറിയ ക്യാരക്ടർ

ചെറിയ വേഷം ചെയ്യാൻ വേണ്ടിയാണ് പ്രിയയെ ആദ്യം വിളിച്ചത്. കുട്ടിയോട് ഒരു ചെറിയ സീൻ അഭിനയിച്ചു കാണിക്കാൻ ആവശ്യപ്പെടുകയായിരുന്നു. ആ സീനിൽ അവൾ വളരെ മനോഹരമായി തോന്നി. തുടർന്ന് കുട്ടിയെ പാട്ടിലും ഉൾപ്പെടുത്തുകയായിരുന്നു.

രണ്ടു പേരെ പിന്നീട് എടുത്തു

പ്രിയയെ മാത്രമല്ല മറ്റൊരു കുട്ടിയേയും ഇതു പോലെ ചിത്രത്തിൽ എടുക്കുകയായിരുന്നു. ഇവരുടെ സ്ക്രീൻ പ്രസന്റേഷൻ വളരെ മനോഹരമായി തോന്നിയിരുന്നു. അതു കൊണ്ടാണ് രണ്ടാളേയും ചിത്രത്തിൽ ഉൾപ്പെടുത്തിയത്. ഇപ്പോൾ ചിത്രത്തിന്റെ ഷെഡിയൂൾ നിർത്തിവെച്ചിരിക്കുകയാണെന്നും ഒമർ പറഞ്ഞു.

നിർമാതാവ് സന്തോഷവനാണ്

ചിത്രത്തിനു പൂർണ്ണ പിന്തുണയുമായി നിർമാതാവ് കൂടെയുണ്ടെന്നും ഒമർ പറഞ്ഞു. ചത്രത്തിന്റെ ഷെഡ്യൂൾ മാറ്റിവെയ്ക്കുമ്പോൾ ഉണ്ടാകുന്ന നഷ്ടത്തെ കുറിച്ചു അദ്ദേഹം ഒന്നും പറഞ്ഞിട്ടില്ല. അദ്ദേഹം തൃപ്തനാണ്. കൂടാതെ മാറ്റിയ ഷെഡ്യൂൾ ചെയ്തത് ഈ മാസം അവസാനം വീണ്ടും ഷൂട്ടിങ് ആരംഭിക്കും. ഏപ്രിൽ അവസാനത്തേടെ ചിത്രം തിയേറ്ററുകളിലെത്തുമെന്നും ഒമർ പറഞ്ഞു.

അടുത്ത സൂപ്പർ ഹിറ്റ്

ഹാപ്പി വെഡ്ഡിങ്ങ്, ചങ്ക്‌സ് എന്നീ ഹിറ്റ് സിനിമകള്‍ക്ക് ശേഷം ഒമര്‍ ലുലു സംവിധാനം ചെയ്യുന്ന സിനിമയാണ് ഒരു അഡാറ് ലവ്. ക്യാംപസ് പശ്ചാതലത്തിലൊരുക്കുന്ന ചിത്രം ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ഇപ്പോൾ ചിത്രത്തിലെ ഗാനം കൂടി സൂപ്പർ ഹിറ്റായതോടെ സിനിമയ്ക്ക് വേണ്ടിയുള്ള കട്ട വെയ്റ്റിങിലാണ് പ്രേക്ഷകർ.