മോഹന്‍ലാലിനോടൊപ്പം ലൂസിഫര്‍, മമ്മൂട്ടിക്കൊപ്പം എപ്പോള്‍? ഗംഭീര സിനിമയെ കുറിച്ച് ടൊവിനോ...

ടൊവിനോയുടെ വാക്കുകള്‍ ഇങ്ങനെ...'' വാര്‍ത്തകളുടെ പ്രചാരകന്‍ എന്ന നിലയില്‍ ആണല്ലോ നാരദന്‍ നമ്മുടെ മനസ്സില്‍ ആദ്യം ഓര്‍മ വരുന്നത്. ഇന്നത്തെ വാര്‍ത്തകരുടെ പ്രചാരകന്‍ ജേണലിസ്റ്റുകളാണ്, അങ്ങനെയാണ് ഈ ഒരു ടൈറ്റിലിലേയ്ക്ക് വന്നത്. രണ്ട് മൂന്ന് ചാനലുകളിലൂടെയാണ് കഥ പറഞ്ഞു പോകുന്നത്. അതിനോടൊപ്പം തന്നെ ഈ ചാനലില്‍ വര്‍ക്ക് ചെയ്യുന്ന ആളുകളുടെ സ്വകാര്യ ജീവിതവും ചിത്രത്തിലൂടെ പറയുന്നുണ്ട്. ചന്ദ്രപ്രകാശന്റെ ജീവിതമാണ് ഈ സിനിമയില്‍ പ്രധാനമായി പറയുന്നത്. അതില്‍ കുറെ പ്രധാനപ്പെട്ട ആളുകള്‍ ഉണ്ട്. ഇവരെല്ലാം ചന്ദ്രപ്രകാശന്റെ ജീവിത്തിലൂടെ കടന്നു പോകുന്നുണ്ട്.

ഈ കഥാപാത്രത്തെ കുറിച്ച് പറഞ്ഞപ്പോള്‍ കുറെ സംശയങ്ങള്‍ തനിക്കുണ്ടായിരുന്നു. മുന്‍പ് ആഷിഖ് ഏട്ടനോടൊപ്പ വര്‍ക്ക് ചെയ്തിട്ടുള്ളത് കൊണ്ട് ആ കഥാപാത്രത്തിലേയ്ക്ക് പുളളി എങ്ങനെയാണ് നമ്മളെ കൊണ്ട് എത്തിക്കുക എന്നത് അറിയാമായിരുന്നു. ഉണ്ണിച്ചേട്ടനുമായും കുറെ കാലമായിട്ട് അടുപ്പമുണ്ട്. ഇവര്‍ തനിക്ക് വേണ്ടി ഇന്‍പുട്ട് തരുകയും കഥാപാത്രത്തിനായി തയ്യാറാക്കി എടുക്കുകയും ചെയ്തു. അത്ര എളുപ്പമപ്പായിരുന്നില്ല ഒരു മാധ്യമപ്രവര്‍ത്തകന്‍ ആവുക എന്നത്. അങ്ങനെയാണെങ്കില്‍ ആര്‍ക്ക് വേണമെങ്കിലും ഒരു മാധ്യമപ്രവര്‍ത്തകര്‍ ആവമല്ലോ. ഇത് എന്ന് പറയുന്നത് വേറൊരു തരം പെര്‍ഫോമന്‍സാണ്; ടൊവിനോ പറയുന്നു.

കഴിഞ്ഞ വര്‍ഷം പുറത്ത് ഇറങ്ങിയ ടൊവിനോ തോമസിന്റെ സൂപ്പര്‍ ഹിറ്റ് ചിത്രമാണ് മിന്നല്‍ മുരളി. ചിത്രത്തിന്റെ രണ്ടാംഭാഗത്തെ കുറിച്ചും താരം അഭമുഖത്തില്‍ പറഞ്ഞിരുന്നു.രണ്ടാം ഭാഗം ആലോചനയില്‍ ഉണ്ടെന്നായിരുന്നു ടൊവിനോ പറഞ്ഞത്. മിന്നില്‍ മുരളിയുടെ ചര്‍ച്ചകള്‍ നടക്കുന്നുണ്ട്. പക്ഷെ ആദ്യഭാഗത്തെക്കാള്‍ വളരെ സീരയസ് ആയിട്ടാണ് രണ്ടാംഭാഗം ആലോചിക്കുന്നത്. തിരക്കഥ ലോക്ക് ആയി കഴിഞ്ഞാല്‍ ഉറപ്പായും സിനിമയുണ്ടാകുമെന്നാണ് ടൊവിനോ പറയുന്നത്. ഇതൊരു ഔദ്യോഗിക പ്രഖ്യാപനമല്ലെന്നും ടൊവിനോ പറയുന്നുണ്ട്.

Recommended Video

Dulquer salman's gift to minnal murali tovino | FilmiBeat Malayalam

മമ്മൂട്ടിക്കൊപ്പമുള്ള ചിത്രത്തിനെ കുറിച്ചും ടൊവിനോ പറയുന്നത്. അങ്ങനെയൊരു ചിത്രം ചെയ്യാന്‍ താല്‍പര്യമുണ്ട്. റൈറ്റ് പ്രൊജക്ട് സംഭവിക്കണം. എന്തെങ്കിലും ഒരു സിനിമ ചെയ്യാന്‍ പാടില്ല. അത്രയും ബഹുമാനിക്കുകയും ആരാധിക്കുകയു ചെയ്യുന്ന നടനും വ്യക്തിയുമാണ്. അദ്ദേഹത്തിനോടൊപ്പം ഒരു സ്‌ക്രീന്‍ സ്‌പെയിസ് ഷെയര്‍ ചെയ്യാന്‍ കിട്ടുമ്പോള്‍ അതൊരു ഗംഭീര സിനിമ ആയിരിക്കണമെന്നാണ് തന്റെ ആഗ്രഹമെന്നും ടൊവിനോ പറഞ്ഞ് അവസാനിപ്പിക്കുന്നു.