Don't Miss!
- News ഹോർലിക്സ് ഇനി 'ഹെൽത്ത് ഡ്രിങ്കല്ല'; ഹെൽത്ത് ലേബൽ ഒഴിവാക്കി, മാറ്റംവരുത്തി ഹിന്ദുസ്ഥാൻ യുണിലിവർ
- Automobiles ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- Lifestyle വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- Finance 7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം...
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഷക്കീല കന്യാസ്ത്രീയാവുന്നു
ഷക്കീല കന്യാസ്ത്രീയാവുന്നു
ജനവരി 11, 2005
മലയാള സിനിമയില് ഗ്ലാമര് തരംഗം ഇളക്കിവിട്ട ഷക്കീലക്ക് പിന്നീട് മനംമാറി. യുവാക്കളില് ഇക്കിളി ഉണര്ത്തിവിടുന്ന ഗ്ലാമര് ചിത്രങ്ങളില് അഭിനയിക്കില്ലെന്ന് ഷക്കീല പ്രഖ്യാപിച്ചു. തന്നെ ഒരു രതിബിംബമാക്കി മാറ്റിയ മലയാളത്തില് ഇനി അഭിനയിക്കില്ലെന്ന് പറഞ്ഞ് ഷക്കീല തെലുങ്ക്, തമിഴ് സിനിമകളില് കോമഡി, ക്യാരക്ടര് റോളുകള് ചെയ്യാന് തുടങ്ങി. ഇപ്പോഴിതാ ഒരു ഇടവേളക്ക് ശേഷം ഷക്കീല ഇതാ വീണ്ടും മടങ്ങിയെത്തുന്നു.
അല്പവസ്ത്രധാരിണിയായി പ്രത്യക്ഷപ്പെട്ടും കിടക്കറ രംഗങ്ങളില് മറയില്ലാതെ അഭിനയിച്ചും പ്രേക്ഷകരെ വീണ്ടും ത്രസിപ്പിക്കാനല്ല ഷക്കീലയുടെ മലയാളത്തിലേക്കുള്ള തിരിച്ചുവരവ്. ഇത്തവണ ഒരു ഷക്കീല ചിത്രത്തില് നിന്ന് പ്രതീക്ഷിക്കുന്നതൊന്നും ഷക്കീലയുടെ ഈ രണ്ടാം വരവിലുണ്ടാവില്ല. ശരീരം മുഴുവന് മൂടുന്ന ശുഭ്രവസ്ത്രം ധരിച്ച് കന്യാസ്ത്രീയുടെ വേഷത്തിലാണ് ഇത്തവണ ഷക്കീല പ്രേക്ഷകര്ക്ക് മുന്നില് പ്രത്യക്ഷപ്പെടുന്നത്! കാമത്തിന്റെ തീപ്പൊരിനോട്ടങ്ങളുമായെത്തുന്ന ഷക്കീലക്ക് പകരം സഹാനുഭൂതിയും അനുകമ്പയും പ്രസരിപ്പിക്കുന്ന കന്യാസ്ത്രീയുടെ വേഷത്തില് മലയാളത്തില് രതിതരംഗം സൃഷ്ടിച്ച ഈ നടിയെത്തുന്നു. തന്റെ മാനസാന്തരം പ്രതീകാത്മകമായി പ്രേക്ഷകര്ക്ക് മുന്നില് അവതരിപ്പിക്കുന്നതു പോലെ.
നവാഗത സംവിധായകനായ അലക്സ് തങ്കച്ചന് ഒരുക്കുന്ന ചിത്രത്തിന് അഭയതീരം എന്നാണ് പേരിട്ടിരിക്കുന്നത്. കുട്ടികളും സ്ത്രീകളുമായി തിയേറ്ററില് പോയി കാണാവുന്ന ഒരു ഷക്കീല ചിത്രം ഒരുക്കുകയാണ് താന് ചെയ്യുന്നതെന്ന് അലക്സ് തങ്കച്ചന് പറയുന്നു.
സിസ്റര് മേരി മാഗ്ദലന്റ് എന്ന കഥാപാത്രത്തെയാണ് ഈ ചിത്രത്തില് ഷക്കീല അവതരിപ്പിക്കുന്നത്. എയ്ഡ്സ് ബാധിതര് എന്ന് സംശയിക്കപ്പെടുന്ന കുട്ടികളെ ഏറ്റെടുത്ത് വളര്ത്തുന്ന അനാഥാലയത്തിന്റെ ഉടമയായാണ് ഷക്കീലയുടെ ഈ ചിത്രത്തിലെ വേഷം.
ഷക്കീല അവതരിപ്പിക്കുന്ന കഥാപാത്രത്തിന് മറ്റൊരു പ്രത്യേകത കൂടിയുണ്ട്. ഉര്വശി അവതരിപ്പിക്കാനിരുന്ന കഥാപാത്രമാണ് മലയാള ഗ്ലാമര് ചിത്രങ്ങളില് നിറഞ്ഞുനിന്നിരുന്ന ഈ നടിക്ക് ലഭിച്ചിരിക്കുന്നത്.
ഷക്കീല അവതരിപ്പിക്കുന്ന സിസ്റര് മേരി മാഗ്ദലന്റ് എന്ന കഥാപാത്രമായി ഉര്വശി അഭിനയിക്കുന്നുവെന്നാണ് നേരത്തെ അനൗണ്സ് ചെയ്തിരുന്നത്. ഉര്വശി രണ്ടാം വരവ് നടത്തുന്ന ചിത്രമെന്ന നിലയില് അഭയതീരം വാര്ത്താപ്രാധാന്യം നേടിയിരുന്നു. ചിത്രത്തിലെ ഏതാനും സീനുകളില് ഉര്വശി അഭിനയിച്ചിരുന്നതാണ്. പിന്നീട് ചിത്രീകരണം മുടങ്ങി. വീണ്ടും ഷൂട്ടിംഗ് ആരംഭിക്കാനിരിക്കുമ്പോഴേക്കും ഉര്വശി സത്യന് അന്തിക്കാടിന്റെ ചിത്രത്തിന്റെ തിരക്കുകളിലായി കഴിഞ്ഞിരുന്നു. ഉര്വശിക്ക് തുടര്ന്ന് അഭിനയിക്കാന് കഴിയാതെ വന്നപ്പോള് പകരം ഷക്കീലയെ തേടുകയായിരുന്നു. ഏതായാലും ഉര്വശിക്കായി നിശ്ചയിച്ചിരുന്ന കഥാപാത്രമാണ് താന് അവതരിപ്പിക്കുന്നതെന്ന് ഷക്കീലക്ക് അഭിമാനിക്കാം.
ജഗദീഷ്, ജോസ് പ്രകാശ് തുടങ്ങിയ പ്രമുഖതാരങ്ങളും ചിത്രത്തില് അഭിനയിക്കുന്നുണ്ട്. തെങ്ങുഴപണയില് ഫിലിംസിന്റെ ബാനറില് സ്നേബ കെ. ബോസാണ് ചിത്രം നിര്മിക്കുന്നത്.
-
'ആർട്സ് ക്ലബ്ബ് ഉദ്ഘാടനത്തിന് ക്ഷണിക്കാൻ പോയപ്പോൾ കിട്ടിയ വേഷമാണ്, ആദ്യ സീൻ വിജയ്ക്കൊപ്പമായിരുന്നു'; പൂർണിമ
-
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ
-
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള്