ഹോം

വാർത്ത

മുകേഷിന്റെ അഞ്ചര കമ്പനി
ജനവരി 24, 2004

നവാഗത സംവിധായകനായ ദത്തന്‍ ഒരുക്കുന്ന ചിത്രമാണ് അഞ്ചര കമ്പനി. മുകേഷും വിജയരാഘവനുമാണ് ഈ ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്.

മുഴുനീള ചിരിപ്പടമാണ് ദത്തന്‍ ഒരുക്കുന്നത്. ജഗതി ശ്രീകുമാര്‍, കൊച്ചിന്‍ ഹനീഫ, കെ പി എ സി ലളിത, കല്പന തുടങ്ങിയ പ്രമുഖ താരങ്ങളും ചിത്രത്തില്‍ വേഷമിടുന്നു. നായികയെ തീരുമാനിച്ചിട്ടില്ല.

ചിത്രത്തിന്റെ പൂജയും സ്വിച്ചോണ്‍ കര്‍മവും കഴിഞ്ഞു. സംവിധായകന്‍ അടൂര്‍ ഗോപാലകൃഷ്ണനാണ് സ്വിച്ച്ഓണ്‍ കര്‍മം നിര്‍വഹിച്ചത്.

പെന്റാന്റോണ്‍ മൂവീസാണ് അഞ്ചരകമ്പനി നിര്‍മിക്കുന്നത്. കുമാര്‍ എന്റര്‍പ്രൈസസ് ചിത്രം തിയേറ്ററുകളിലെത്തിക്കും.