ഹോം

വാർത്ത

നയന്‍താര ഇനി പരസ്യങ്ങളില്‍ അഭിനയിക്കില്ല
ജനവരി 31, 2006

ഗ്ലാമര്‍ പ്രദര്‍ശനത്തിലൂടെ വിവാദങ്ങളുടെയും നായികയായ നയന്‍താര ഇനി പരസ്യങ്ങളില്‍ അഭിനയിക്കില്ലെന്ന് പ്രഖ്യാപിച്ചു. അസിന്‍, തൃഷ തുടങ്ങിയ തമിഴിലെ മുന്‍നിര നടിമാര്‍ പ്രമുഖ ബ്രാന്റുകളുടെ പരസ്യങ്ങളിലൂടെ വന്‍പ്രതിഫലം പറ്റുമ്പോഴാണ് നയന്‍താരയുടെ ഈ പ്രഖ്യാപനം.

ടിവി ചാനലുകളുള്‍പ്പെടെയുള്ള മാധ്യമങ്ങള്‍ക്ക് അഭിമുഖം നല്‍കില്ലെന്നും നയന്‍താര പ്രഖ്യാപിച്ചിട്ടുണ്ട്. നയന്‍താരയെ ചുറ്റിപ്പറ്റി മാധ്യമങ്ങളില്‍ വിവാദപരമായ റിപ്പോര്‍ട്ടുകള്‍ വരുന്നതിനിടയിലാണ് ഈ തീരുമാനം.

ഒട്ടേറെ പരസ്യചിത്രങ്ങളില്‍ അഭിനയിക്കാന്‍ തനിക്ക് ക്ഷണം ലഭിക്കുന്നുണ്ടെന്നും എന്നാല്‍ താന്‍ അതെല്ലാം നിരസിക്കുകയാണെന്നും നയന്‍താര പറഞ്ഞു. സിനിമകള്‍ കാണുന്നവരാണ് തന്റെ ആരാധകരെന്നും തത്കാലം സിനിമയില്‍ മാത്രം ശ്രദ്ധിക്കാനാണ് തന്റെ തീരുമാനമെന്നും നയന്‍താര വ്യക്തമാക്കി. അഭിമുഖങ്ങളിലും പരസ്യങ്ങളിലും പ്രത്യക്ഷപ്പെടുന്നത് തന്റെ ആരാധകര്‍ക്ക് ഇഷ്ടമാവില്ലെന്നും ഈ നടി പറയുന്നു.

ഓരോ ചിത്രം കഴിയുന്തോറും തമിഴിലെ നയന്‍താരയുടെ പ്രതിഫലം ഉയരുകയാണെന്നാണ് റിപ്പോര്‍ട്ടുകള്‍. തെലുങ്കിലും വന്‍പ്രതിഫലം പറ്റിയാണ് ഈ നടി അഭിനയിക്കുന്നത്.