»   » തീരം കാക്കാന്‍ പൃഥ്വി വരുന്നു

തീരം കാക്കാന്‍ പൃഥ്വി വരുന്നു

Posted By:
Subscribe to Filmibeat Malayalam
Prithviraj
ഡാഡി കൂളിലൂടെ അരങ്ങേറ്റം നടത്തിയ ആഷിക് അബു പൃഥ്വിയെ നായകനാക്കി ചിത്രമൊരുക്കുന്നു. 'ദ കോസ്റ്റ് ഗാര്‍ഡ്' എന്ന് പേരിട്ടിരിയ്ക്കുന്ന ചിത്രത്തിലൂടെയാണ് പൃഥ്വി-ആഷിക്ക് ടീം ഒന്നിയ്ക്കുന്നത്.

ഒരു കോസ്റ്റ് ഗാര്‍ഡ് ഓഫീസറുടെ വേഷത്തിലാണ് പൃഥ്വി ചിത്രത്തില്‍ അഭിനയിക്കുന്നത്. കരിയറില്‍ ഇതാദ്യമായണ് ഇത്തരമൊരു വേഷം പൃഥ്വിയെ തേടിയെത്തുന്നത്.

ലക്ഷദ്വീപിലെ നാല് ദ്വീപുകളിലായി ചിത്രീകരിയ്ക്കുന്ന സിനിമയില്‍ ഒരു കോസ്റ്റ് ഗാര്‍ഡ് ഓഫീസറുടെ ഔദ്യോഗിക ജീവിതവും അയാളുടെ പ്രണയവുമാണ് ആഷിക് അബു അഭ്രപാളികളിലെത്തിയ്ക്കുന്നത്.

നവാഗതരായ രണ്ട് തിരക്കഥാകൃത്തുകള്‍ ചേര്‍ന്ന് രചന നിര്‍വഹിയ്ക്കുന്ന കോസ്റ്റ് ഗാര്‍ഡിലെ നായിക അന്യഭാഷയില്‍ നിന്നായിരിക്കും.

മമ്മൂട്ടിയെ നായകനാക്കി ഗ്യാങ്‌സ്റ്റര്‍ എന്ന ചിത്രത്തിന്റെ അണിയറ ജോലികളിലാണ് ആഷിക്. അക്ബര്‍ അലിഖാന്‍ എന്ന അധോലോക നായകന്റെ കഥ പറയുന്ന ഗ്യാങ്സ്റ്ററിന് ശേഷമായിരിക്കും പൃഥ്വി ചിത്രത്തിന്റെ ജോലികള്‍ ആരംഭിയ്ക്കുക.

Please Wait while comments are loading...

Malayalam Photos

Go to : More Photos