Click it and Unblock the Notifications
ലാലിന്റെ രക്ഷകനായി രഞ്ജിത്
ലാലിന്റെ രക്ഷകനായി രഞ്ജിത്
ഫിബ്രവരി 19, 2004
മോഹന്ലാലിന്റെ അഭിനയജീവിതം പ്രതിസന്ധിയിലാണ്. അവസാന രണ്ട് ചിത്രങ്ങള് ബോക്സോഫീസില് പൊട്ടി. ഒരു ഹിറ്റ് നേടിക്കൊടുക്കാനുള്ള പ്രിയദര്ശന്റെ ശ്രമവും വിഫലമായി. മോഹന്ലാലിന്റെ അഭിനയജീവിതത്തില് വഴിത്തിരിവുണ്ടാക്കിയ രഞ്ജിത് തന്നെ ഈ മെഗാതാരത്തിന്റെ രക്ഷകനായി വീണ്ടും വരുന്നു.
രഞ്ജിത് സിനിമയായതുകൊണ്ട് മോഹന്ലാല് മീശപിരിയ്ക്കും എന്ന് ആരും കരുതണ്ട. ദേവാസുരം പോലെയോ ആറാം തമ്പുരാന് പോലെ ഉള്ള ഒരു സിനിമയല്ല രഞ്ജിത്തിന്റെ മനസ്സില്. ഒരു ക്ലീന് കുടുംബചിത്രം- അതാണ് രഞ്ജിത്തിന്റെ പുതിയ ചിത്രമായ മരം പെയ്യുമ്പോള്.
കുറെ കാലം മുമ്പ് മോഹന്ലാലിനെ നായകനാക്കി രഞ്ജിത് സംവിധാനം ചെയ്യും എന്നു പറഞ്ഞിരുന്ന ഈ സിനിമ പിന്നീട് ഉപേക്ഷിയ്ക്കുകയായിരുന്നു. നടന് അഗസ്റിന് രഞ്ജിത്തിനെക്കൊണ്ട് സംവിധാനം ചെയ്യിക്കാനിരുന്ന ചിത്രമാണ് മരം പെയ്യുമ്പോള്. എന്നാല് ചില സാങ്കേതിക കാരണങ്ങളാല് ആ സിനിമ മുടങ്ങി. പകരം അഗസ്റിന്-രഞ്ജിത് ടീം മിഴി രണ്ടിലും എന്ന സിനിമയെടുത്തു. മിഴി രണ്ടിലും പരാജയമായതോടെയാണ് പഴയ മോഹന്ലാല് ചിത്രത്തെക്കുറിച്ച് ആലോചന തുടങ്ങിയത്.
സംഗീതത്തിനു പ്രാധാന്യമുള്ള ഒരു കുടുംബകഥ. അതാണ് മരം പെയ്യുമ്പോള്. ഇതിന്റെ രചന രഞ്ജിത് പൂര്ത്തിയാക്കികഴിഞ്ഞു. ഷാജി കൈലാസിന്റെ നാട്ടുരാജാവിനുശേഷം മോഹന്ലാല് ഈ ചിത്രത്തിലാണ് അഭിനയിക്കുക.
Continue with Google