ജനം എന്റെ പാട്ട് ആഗ്രഹിയ്ക്കുന്നു:പൃഥ്വി

വിവാദങ്ങളുടെ പേരില്‍ എന്നും വാര്‍ത്തകളില്‍ നിറഞ്ഞു നില്‍ക്കുന്നു യുവനടന്‍ പൃഥ്വിരാജ്. എന്നാല്‍ തനിയ്‌ക്കെതിരെ ഉയരുന്ന ആരോപണങ്ങള്‍ക്കെല്ലാം കൃത്യമായ മറുപടി നല്‍കാന്‍ പൃഥ്വിയ്ക്ക് മടിയില്ല. ചര്‍ച്ച ചെയ്യപ്പെടേണ്ട ഒരു കാര്യം വിവാദമായേക്കുമെന്ന് ഭയന്ന് മൂടിവയ്ക്കുന്ന സ്വഭാവം ഈ യുവനടനില്ല.

അഭിനയത്തില്‍ മാത്രമല്ല പാട്ടിലും അരക്കൈ നോക്കിയ പൃഥ്വി താന്‍ പാടുന്നത് ജനം അത് ഇഷ്ടപ്പെടുന്നതു കൊണ്ടാണെന്ന് പറയുന്നു. ഞാന്‍ ക്ലാസിക്കല്‍ സംഗീതം പഠിച്ചിട്ടില്ല. പാട്ടിലേയ്ക്ക് കൂടുതല്‍ ശ്രദ്ധിയ്ക്കാന്‍ എനിയ്ക്കു താത്പര്യമില്ല. എന്നേക്കാള്‍ നന്നായി പാടുന്ന ഒട്ടേറെ ഗായകര്‍ ഇവിടുണ്ട്. അവര്‍ ആ ജോലി ഭംഗിയായി നിര്‍വ്വഹിയ്ക്കും-അടുത്തിടെ ഒരഭിമുഖത്തില്‍ പൃഥ്വി പറഞ്ഞു.

എന്നാല്‍ ജനം തന്റെ പാട്ടു കേള്‍ക്കാന്‍ ആഗ്രഹിയ്ക്കുന്നു. അതിനാല്‍ ഉറുമിയില്‍ പാടണമെന്ന് ദീപക് ദേവ് തന്നെ നിര്‍ബന്ധിയ്ക്കുകയായിരുന്നുവെന്ന് പൃഥ്വി പറഞ്ഞു.