ഹോം

വാർത്ത

ഹരിഹരന്റെ ചിത്രത്തില്‍ സുരേഷ് ഗോപി
മാര്‍ച്ച് 6, 2006

മയൂഖത്തിനു ശേഷം ഹരിഹരന്‍ സംവിധാനം ചെയ്യുന്ന പുതിയ ചിത്രത്തില്‍ സുരേഷ്ഗോപി കേന്ദ്രകഥാപാത്രത്തെ അവതരിപ്പിക്കുന്നു. സുരേഷ് ഗോപിയുടെ ടൈപ്പ് ആക്ഷന്‍ ചിത്രങ്ങളില്‍ നിന്ന് വ്യത്യസ്തമായ ചിത്രമായിരിക്കും ഇത്.

ഹരിഹരന്റെ ഈ വര്‍ഷത്തെ ആദ്യത്തെ ചിത്രമാണ് ഇത്. മനോജ് കെ.ജയനും നായകതുല്യമായ ഒരു കഥാപാത്രത്തെ ചിത്രത്തില്‍ അവതരിപ്പിക്കുന്നു. ഇതുവരെ പേരിട്ടിട്ടില്ലാത്ത ചിത്രത്തിന്റെ ഷൂട്ടിംഗ് ജൂണില്‍ തുടങ്ങും.

ഇപ്പോള്‍ രാഷ്ട്രം, ചിന്താമണി കൊലക്കേസ് എന്നീ ചിത്രങ്ങളില്‍ അഭിനയിച്ചുവരികയാണ് സുരേഷ് ഗോപി. ഹരിഹരന്‍ ചിത്രം തുടങ്ങുന്നതിനു മുമ്പ് ഈ ചിത്രങ്ങളും കെ.മധുവിന്റെ പതാകയും സുരേഷ് ഗോപി പൂര്‍ത്തിയാക്കും.

സുരേഷ് ഗോപി ചിത്രത്തിനു ശേഷം മമ്മൂട്ടിയെ നായകനാക്കി ഒരു ചിത്രമൊരുക്കുന്നതിനും ഹരിഹരന് പദ്ധതിയുണ്ട്. ഓണത്തിനു ശേഷമായിരിക്കും ഹരിഹരന്‍ മമ്മൂട്ടി ചിത്രത്തിന്റെ ജോലി ആരംഭിക്കുന്നത്.