ടി.വി. ചന്ദ്രന്‍-മമ്മൂട്ടി ചിത്രം ഡാനി

പ്രമുഖ സംവിധായകന്‍ ടി.വി. ചന്ദ്രനും പത്മശ്രീ മമ്മൂട്ടിയും വീണ്ടും ഒന്നിക്കുന്ന ചിത്രത്തിന് ഡാനി എന്ന് പേരിട്ടു. വിനയന്റെ ദാദാസാഹിബിനു ശേഷം മമ്മൂട്ടി ചെയ്യുന്ന ചിത്രമാണ് ഇത്.

ഇരട്ടവ്യക്തിത്വമുള്ള ഒരാളുടെ വേഷമാണ് മമ്മൂട്ടിക്ക് ഈ ചിത്രത്തില്‍. 37കാരനായ യുവാവിന്റെയും 80കാരനായ വൃദ്ധന്റെയും പെരുമാറ്റങ്ങളാണ് മമ്മൂട്ടി അവതരിപ്പിക്കുന്ന കഥാപാത്രത്തിന് എന്നറിയുന്നു. തീര്‍ത്തും പുതുമയുള്ള ഈ ചിത്രം മമ്മൂട്ടിയില്‍ ഒളിഞ്ഞു കിടക്കുന്ന അഭിനയസാധ്യതകളെ പരമാവധി ചൂഷണം ചെയ്യുമെന്നാണ് കരുതുന്നത്.

ദാദാസാഹിബിനു ശേഷമുള്ള ആറുമാസം മമ്മൂട്ടി ചിത്രങ്ങളൊന്നും കരാര്‍ ചെയ്തിരുന്നില്ല. ജോഷി സംവിധാനം ചെയ്ത ദുബായ് ഇറങ്ങാന്‍ താമസിക്കുന്നത് ഈ താരത്തെ വല്ലാതെ വിഷമിപ്പിച്ചിരുന്നു എന്ന് കരുതുന്നു.